ಬೆಂಡೆಕಾಯಿ ಚಟ್ನಿ

ಬೆಂಗಳೂರು, ಗುರುವಾರ, 14 ಫೆಬ್ರವರಿ 2019 (15:24 IST)

ಮಧುಮೇಹಕ್ಕೆ ರಾಮಬಾಣ ಬೆಂಡೆಕಾಯಿ! ಹಾಗೇಯೆ ಬೆಂಡೆಕಾಯಿಯಲ್ಲಿ ಹೈ ಫೈಬರ್ ಕಂಟೆಂಟ್ ಹೆಚ್ಚಾಗಿರುವುದರಿಂದ ಜೀರ್ಣಕ್ರಿಯೆಗೆ ಬೆಂಡೆಕಾಯಿ ಉಪಯುಕ್ತವಾಗಿದೆ. ಇನ್ನೂ ಅನೇಕ ರೀತಿಯಲ್ಲಿ ಉಪಯುಕ್ತಕಾರಿಯಾಗಿರುವ ಬೆಂಡೆಕಾಯಿಯಿಂದ ನಾವು ಸಾಮಾನ್ಯವಾಗಿ ಪಲ್ಯ, ಗೊಜ್ಜು ಮತ್ತು ಹುಳಿಯನ್ನು ಮಾಡುತ್ತೇವೆ. ಆದರೆ ಅತಿ ಸುಲಭವಾಗಿ ತಯಾರಿಸಬಹುದಾದ ಚಟ್ನಿಯ ಬಗ್ಗೆ ತಿಳಿದುಕೊಳ್ಳೋಣ.
ತಯಾರಿಸಲು ಬೇಕಾಗುವ ಸಾಮಗ್ರಿಗಳು
 
ಅರ್ಧ ಕೆಜಿಯಷ್ಟು ಬೆಂಡೆಕಾಯಿ
7-8 ಹಸಿಮೆಣಸಿನಕಾಯಿ
ಸ್ವಲ್ಪ ಕೊತ್ತಂಬರಿಸೊಪ್ಪು
ಬೆಲ್ಲದ ಗಾತ್ರದ ಹುಣಸೆಹಣ್ಣು
1 ಟೀ ಸ್ಪೂನ್ ಜೀರಿಗೆ
ಅರ್ಧ ಟೀಸ್ಪೂನ್ ಸಾಸಿವೆ
ರುಚಿಗೆ ತಕ್ಕಷ್ಟು ಉಪ್ಪು
 
ತಯಾರಿಸುವ ವಿಧಾನ:
 
ಮೊದಲಿಗೆ ಬೆಂಡೆಕಾಯಿಯನ್ನು ಚೆನ್ನಾಗಿ ತೊಳೆದು ಸ್ವಲ್ಪ ಹೊತ್ತು ಆರಲು ಬಿಡಬೇಕು. ನಂತರ ಬೆಂಡೆಕಾಯಿಯನ್ನು ಪಲ್ಯಕ್ಕೆ ಹಚ್ಚಿಕೊಳ್ಳುವಂತೆ ಹೆಚ್ಚಿಕೊಳ್ಳಬೇಕು, ಬಾಣಲಿಯಲ್ಲಿ 1 ಸ್ಪೂನ್ ಎಣ್ಣೆಹಾಕಿಕೊಂಡು ಹುಣಸೆ ಹಣ್ಣಿನ ಹುಳಿಯೊಂದಿಗೆ ಅದರ ಲೋಳೆ ಹೋಗುವ ತನಕ ಚೆನ್ನಾಗಿ ಹುರಿಯಬೇಕು. ಅದೇ ಬಾಣಲಿಗೆ ಹಸಿಮೆಣಸಿನಕಾಯಿ, ಕೊತ್ತಬಂರಿ ಸೊಪ್ಪು, ಜೀರಿಗೆ ಹಾಕಿ ಸ್ವಲ್ಪ ಹೊತ್ತು ಬಾಡಿಸಿಕೊಳ್ಳಬೇಕು. ಹುರಿದುಕೊಂಡ ಪದಾರ್ಥಗಳು ತಣ್ಣಗಾದ ಮೇಲೆ ಮಿಕ್ಸಿಯಲ್ಲಿ ಚಟ್ನಿಯ ಹದಕ್ಕೆ ರುಬ್ಬಿಕೊಳ್ಳಬೇಕು. 
 
ರುಬ್ಬಿಕೊಂಡ ಮಿಶ್ರಣವನ್ನು ಮತ್ತೊಮ್ಮೆ ಬಾಣಲಿಯಲ್ಲಿ 7-8 ಚಮಚ ಎಣ್ಣೆಹಾಕಿ ಸಾಸಿವೆ ಹಾಗೂ ಸ್ವಲ್ಪ ಜೀರಿಗೆ ಒಗ್ಗರಣೆ ಮಾಡಿಕೊಂಡು ಅದಕ್ಕೆ ರುಬ್ಬಿಕೊಂಡ ಮಿಶ್ರಣವನ್ನು ಹಾಕಿ ರುಚಿಗೆ ತಕ್ಕಷ್ಟು ಉಪ್ಪು ಸೇರಿಸಿ 5 ನಿಮಿಷ ಚೆನ್ನಾಗಿ ಬಾಡಿಸಿದರೆ ಬೆಂಡೆಕಾಯಿ ಚಟ್ನಿ ಸಿದ್ಧವಾಗುತ್ತದೆ. 
 
ಬೆಂಡೆಕಾಯಿ ಚಟ್ನಿ ಚಪಾತಿ, ಬಿಸಿಬಿಸಿ ಅನ್ನ, ರೊಟ್ಟಿಯೊಂದಿಗೆ ಸವಿಯಲು ಚೆನ್ನಾಗಿರುತ್ತದೆ.



ಇದರಲ್ಲಿ ಇನ್ನಷ್ಟು ಓದಿ :  

ಆರೋಗ್ಯ

news

ಬೆಂಡೆಕಾಯಿ ಚಟ್ನಿ

ಮಧುಮೇಹಕ್ಕೆ ರಾಮಬಾಣ ಬೆಂಡೆಕಾಯಿ! ಹಾಗೇಯೆ ಬೆಂಡೆಕಾಯಿಯಲ್ಲಿ ಹೈ ಫೈಬರ್ ಕಂಟೆಂಟ್ ಹೆಚ್ಚಾಗಿರುವುದರಿಂದ ...

news

ರುಚಿರುಚಿಯಾಗಿ ಜಿಲೇಬಿ ಮಾಡುವ ಬಗೆ

ಸಿಹಿ ತಿಂಡಿಗಳೆಂದರೆ ಯಾರಿಗೆ ತಾನೇ ಇಷ್ಟ ಇಲ್ಲ ಹೇಳಿ. ಅದರಲ್ಲಿಯೂ ಹಬ್ಬ ಹರಿದಿನಗಳಲ್ಲಿ ವಿಶೇಷ ದಿನಗಳಲ್ಲಿ ...

news

ಕ್ಯಾರಮಲ್ ಪಾಯಸ

ಯಾವುದೇ ಹಬ್ಬ-ಹರಿದಿನಗಳಲ್ಲಿ ಸಾಮಾನ್ಯವಾಗಿ ಎಲ್ಲರೂ ಮಾಡುವುದು ಪಾಯಸವೇ. ವೈವಿಧ್ಯಮಯವಾದ ಪದಾರ್ಥಗಳಿಂದ ವಿಧ ...

news

ರವಾ ಪೊಂಗಲ್

ತಮಿಳುನಾಡಿನ ಖಾದ್ಯಗಳಲ್ಲಿ ಪೊಂಗಲ್ ಕೂಡಾ ಒಂದು. ವೈವಿಧ್ಯಮಯ ಪೊಂಗಲ್‌ಗಳನ್ನು ತಯಾರಿಸಬಹುದು ಖಾರಾ ಪೊಂಗಲ್, ...