ಜಕಾರ್ತ: ಇಲ್ಲಿ ನಡೆಯುತ್ತಿರುವ ಏಷ್ಯನ್ ಗೇಮ್ಸ್ ಬ್ಯಾಡ್ಮಿಂಟನ್ ಮಹಿಳಾ ಸಿಂಗಲ್ಸ್ ವಿಭಾಗದ ಫೈನಲ್ಸ್ ನಲ್ಲಿ ಭಾರತದ ಪಿವಿ ಸಿಂಧು ತೈಪೇಯ ಝೂ ಯಿಂಗ್ ವಿರುದ್ಧ ಸೋಲನುಭವಿಸಿ ಬೆಳ್ಳಿ ಪದಕಕ್ಕೆ ತೃಪ್ತಿ ಪಟ್ಟುಕೊಂಡಿದ್ದಾರೆ.ವಿಶ್ವ ನಂ.1 ಆಟಗಾರ್ತಿ ಯಿಂಗ್ ವಿರುದ್ಧ ನಂ.3 ಆಟಗಾರ್ತಿ ಸಿಂಧು 13-21, 16-21 ಅಂತರದಿಂದ ಸೋತಿದ್ದಾರೆ. ಮೊದಲ ಸೆಟ್ ನಲ್ಲೇ ಸಿಂಧು ಸೋಲನುಭವಿಸಿ ಯಿಂಗ್ ಹಾದಿಯನ್ನು ಸುಗಮಗೊಳಿಸಿದ್ದರು.ಇದರೊಂದಿಗೆ ಮತ್ತೆ ಯಿಂಗ್ ವಿರುದ್ಧ ಅಂತಾರಾಷ್ಟ್ರೀಯ ವೇದಿಕೆಯಲ್ಲಿ ಗೆಲ್ಲಲು ಸಿಂಧು ಎಡವಿದರು.