ಬೆಂಗಳೂರು: ಹೆಚ್ಚಾಗಿ ಮಕ್ಕಳು ಬೆಳಿಗ್ಗಿನ ತಿಂಡಿಗಳಾದ ದೋಸೆ, ಇಡ್ಲಿಗಳನ್ನು ತಿನ್ನುವಾಗ ಜೊತೆಗೆ ಚಟ್ನಿ ಹಾಕಿದರೆ ಅದನ್ನು ತಿನ್ನುವುದೆ ಇಲ್ಲ. ಬದಲಾಗಿ ಸಾಂಬಾರು ಮಾಡಿಕೊಡುವಂತೆ ಗಲಾಟೆ ಮಾಡುತ್ತಾರೆ. ಬಿಡುವೆ ಇಲ್ಲದ ಮನೆ ಕೆಲಸದ ನಡುವೆ ಚಟ್ನಿ, ಸಾಂಬಾರು ಅಂತ ಎರಡೆರಡು ಬಗೆ ಮಾಡುತ್ತಾ ಕುಳಿತ್ತರೆ ಬೇರೆ ಕೆಲಸಗಳು ಮುಗಿಯುವುದೆ ಇಲ್ಲ. ಅದಕ್ಕಾಗಿ ಮಕ್ಕಳಿಗೆ ದೋಸೆ, ಇಡ್ಲಿಗಳನ್ನು ತಿನ್ನಲು ಜೊತೆಗೆ ಟೊಮೆಟೊ ಚಟ್ನಿ ಮಾಡಿಕೊಡಿ. ಆವಾಗ ನೋಡಿ ನೀವು ಬೇಡ ಎಂದರು ಬಿಡದೆ ಟೊಮೊಟೊ ಚಟ್ನಿ ತಿಂದು ಮುಗಿಸುತ್ತಾರೆ.