ಬ್ರಿಟಿಷ್ ನಿರ್ದೇಶಕ ಡ್ಯಾನಿ ಬೋಯ್ಲೆ ನಿರ್ದೇಶಿತ 'ಸ್ಲಮ್ಡಾಗ್ ಮಿಲಿಯನೇರ್' 2009ನೇ ಸಾಲಿನ 'ಬ್ರಿಟಿಷ್ ಫಿಲ್ಮ್ ಅಕಾಡಮೆ ಅವಾರ್ಡ್'(ಬಫ್ತಾ) ನೀಡುವ 'ಉತ್ತಮ ಚಿತ್ರ ಪ್ರಶಸ್ತಿ' ಸಹಿತ ಏಳು ಅಕಾಡಮೆ ಪ್ರಶಸ್ತಿಗಳನ್ನು ತನ್ನದಾಗಿಸಿಕೊಂಡಿದೆ. ಚಿತ್ರಕ್ಕೆ ಸಂಗೀತ ನಿರ್ದೇಶನ ನಿರ್ವಹಿಸಿದ್ದ ಭಾರತೀಯ ಹೆಮ್ಮೆಯ ಎ.ಆರ್. ರಹಮಾನ್ಗೆ 'ಉತ್ತಮ ಸಂಗೀತಗಾರ ಪ್ರಶಸ್ತಿ' ಲಭಿಸಿದರೆ, 'ಉತ್ತಮ ನಿರ್ದೇಶಕ' ಪ್ರಶಸ್ತಿ ಡ್ಯಾನಿ ಬೋಯ್ಲೆ ಪಡೆದುಕೊಂಡರು. 'ಬ್ರಿಟಿಷ್ ಫಿಲ್ಮ್ ಅಕಾಡಮೆ ಅವಾರ್ಡ್' (ಬಫ್ತಾ) ಪಡೆಯುವ ಮೂಲಕ 'ಸ್ಲಮ್ ಡಾಗ್' ಆಸ್ಕರ್ ಪ್ರಶಸ್ತಿಗೆ ಇನ್ನೂ ಸನಿಹ ತಲುಪಿದೆ.