ಮೆಲ್ಬರ್ನ್, ಶುಕ್ರವಾರ, 13 ಫೆಬ್ರವರಿ 2009( 15:11 IST )
ಆಸ್ಟ್ರೇಲಿಯಾದ ಚರಿತ್ರೆಯಲ್ಲಿ ಅತೀ ದೊಡ್ಡದೆಂದು ಪರಿಗಣಿಸಲ್ಪಟ್ಟಿರುವ ಭೀಕರ ಕಾಡ್ಗಿಚ್ಚಿನಲ್ಲಿ ಸಂತ್ರಸ್ತ ಜನರಿಗೆ ಸಹಾಯ ಹಸ್ತ ನೀಡಲು ಮುಂದಾಗಿದ್ದಾಳೆ ಆಸೀಸ್ ಮಾಡೆಲ್ ಮಿರಾಂಡ ಕೆರ್. ಸಂತ್ರಸ್ತ ಜನರಿಗಾಗಿ ಸಹಾಯ ನಿಧಿಯನ್ನು ಸಂಗ್ರಹಿಸಲಿದ್ದಾಳೆ ಎಂಬ ಮಿರಾಂಡ ಹೇಳೆಕೆಯನ್ನು ಡೈಲಿ ಗಾಫ್ ವರದಿ ಮಾಡಿದೆ. ಆಸ್ಟ್ರೇಲಿಯಾದಲ್ಲಿ ಸಂಭವಿಸಿದ ಕಾಡ್ಗಿಚ್ಚಿನ ಭೀಕರ ಅನಾಹುತದಲ್ಲಿ 170ಕ್ಕಿಂತ ಹೆಚ್ಚು ಮಂದಿ ಸಾವಿಗೀಡಾಗಿದ್ದಾರೆ. ಭೀಕರ ಕಾಳ್ಗಿಚ್ಚಿನಿಂದ ವಿಕ್ಟೋರಿಯಾದಲ್ಲಿ ನೂರಾರು ಮನೆಗಳು, ಅರಣ್ಯಗಳು ಮತ್ತು ಕೃಷಿಭೂಮಿ ಅಗ್ನಿಗಾಹುತಿಯಾಗಿದ್ದು, ಅಪಾರ ನಾಶ-ನಷ್ಟವುಂಟಾಗಿದೆ.