Feedback
Print
ಸಂಜು ಪತ್ನಿ ಮಾನ್ಯತಾಗೆ ಶೋಕಾಸ್ ನೋಟೀಸ್
ಪಣಜಿ, ಸೋಮವಾರ, 18 ಫೆಬ್ರವರಿ 2008( 13:21 IST )
 | ||
|
ದಕ್ಷಿಣ ಗೋವಾದ ಮರ್ಗೋವ ಪಟ್ಟಣದ ಅಕ್ವೆಂನಲ್ಲಿ ವಾಸ್ತವ್ಯ ಹೊಂದಿರುವ ದೃಢಪತ್ರಿಕೆಯನ್ನು ಮಾನ್ಯತಾ, ಸಂಜಯ ದತ್ ಅವರನ್ನು ವಿವಾಹವಾದಾಗ ಸಲ್ಲಿಸಿದ್ದರು. ಸಬ್ ರಿಜಿಸ್ಟ್ರಾರ್ ಮುಂದೆ ಫೆ.7ರಂದು ತಮ್ಮ ವಿವಾಹವನ್ನು ಘೋಷಣೆ ವೇಳೆ ಅವರು ಈ ದೃಢಪತ್ರಿಕೆಯನ್ನು ಬಳಸಿದ್ದರು.
ಮರ್ಗೋವಾದ ಮಮ್ಲತ್‌ದಾರ್(ಹಿರಿಯ ಸರಕಾರಿ ಅಧಿಕಾರಿ) ಪರೇಶ್ ಫಾಲ್ದೇಸಾಯ್ ಅವರು ಮಂಗಳವಾರದ ತನಕ ನೋಟೀಸಿಗೆ ಉತ್ತರ ನೀಡಲು ಸಮಯಾವಕಾಶ ನೀಡಿದ್ದಾರೆ.
ನೀವು ನೀಡಿರುವ ವಿಳಾಸದಲ್ಲಿ ನೀವು ವಾಸ್ತವ್ಯ ಹೊಂದಿರಲಿಲ್ಲ ಎಂಹಬುದಾಗಿ ತಿಳಿದು ಬಂದಿದ್ದು, ನಿಮ್ಮ ವಾಸ್ತವ್ಯ ದೃಢಪತ್ರಿಕೆಯನ್ನು ಯಾಕೆ ರದ್ದು ಪಡಿಸಬಾರದು ಎಂದು ಕಾರಣ ಕೇಳಿರುವ ಈ ನೋಟೀಸನ್ನು ಅವರ ಗೋವಾದ ವಿಳಾಸಕ್ಕೆ ವೃತ್ತ ನಿರೀಕ್ಷರ ಮೂಲಕ ಕಳುಹಿಸಲಾಗಿದೆ.
ಸರ್ಟಿಫಿಕೇಟ್ ಕುರಿತ ವಿವಾದವು ಇದೀಗ ಅವರ ವಿವಾಹದ ಸಿಂಧುತ್ವದ ಪ್ರಶ್ನೆಯನ್ನು ಎತ್ತಿದೆ. ಒಂದೊಮ್ಮೆ ಅವರು ಸಲ್ಲಿಸಿರುವ ವಿಳಾಸ ದೃಢೀಕರಣ ದೃಢಪತ್ರಿಕೆ ರದ್ದಾದಲ್ಲಿ ವಿವಾಹ ಅಸಿಂಧುವಾಗುತ್ತದೆ.
ಯಾಕೋ, ದತ್‌ಗೆ ಹೋದಲೆಲ್ಲ ಸಮಸ್ಯೆಯೇ ಎದುರಾಗುತ್ತದಪ್ಪ!