Feedback
Print
ಗಜಮುಖನ ಕುರಿತ ಸಾಕ್ಷ್ಯಚಿತ್ರದಲ್ಲಿ ಸಚಿನ್ ತೆಂಡುಲ್ಕರ್ 
ಮುಂಬಯಿ, ಸೋಮವಾರ, 8 ಸೆಪ್ಟೆಂಬರ್ 2008( 18:49 IST )
 | ||
|
"ನಾನು ಯಾವುದೇ ಬಾಲಿವುಡ್ ಚಿತ್ರದಲ್ಲಿ ನಟಿಸುತ್ತಿಲ್ಲ ಬದಲಾಗಿ ಇತರರಂತೆ ಸಾಕ್ಷ್ಯಚಿತ್ರವೊಂದರಲ್ಲಿ ಗಣಪತಿಯ ಕುರಿತು ಅಭಿಪ್ರಾಯಗಳನ್ನು ಹಂಚಿಕೊಳ್ಳಲಿದ್ದೇನೆ. ಚಿತ್ರದಲ್ಲಿ ನನ್ನ ಪಾತ್ರದ ಬಗ್ಗೆ ತಪ್ಪು ಅಭಿಪ್ರಾಯಗಳಿದ್ದವು, ಆದರೆ ಈಗ ಎಲ್ಲವೂ ಸ್ಪಷ್ಟಗೊಂಡಿದೆ" ಎಂದು ಅವರು ಹೇಳಿದ್ದಾರೆ.
ಗಣೇಶನ ಕುರಿತ 'ವಿಘ್ನಹರ್ತ ಶ್ರೀ ಸಿದ್ಧಿವಿನಾಯಕ' ಎಂಬ ಬಾಲಿವುಡ್ ಚಿತ್ರದಲ್ಲಿ ಸಚಿನ್ ತೆಂಡುಲ್ಕರ್ ಕಾಣಿಸಿಕೊಳ್ಳಲಿದ್ದಾರೆ ಎಂಬುದಾಗಿ ಮಾಧ್ಯಮಗಳು ವರದಿ ಮಾಡಿದ್ದವು.
"ದೇವಾಲಯಕ್ಕೆ ಭೇಟಿಯಿತ್ತಾಗ ಪ್ರಶಾಂತತೆಯ ಅನುಭವವಾಗುತ್ತದೆ ಮತ್ತು ನಾನು ಸಿದ್ಧಿವಿನಾಯಕನ ಕುರಿತು ನನ್ನ ಅನಿಸಿಕೆಗಳನ್ನು ಹಂಚಿಕೊಳ್ಳಲಿದ್ದೇನೆ" ಎಂದು ಚಾಂಪಿಯನ್ ಬ್ಯಾಟ್ಸ್‌ಮನ್ ಹೇಳಿದ್ದಾರೆ. ಗಜವದನನ ಪರಮ ಭಕ್ತರಾಗಿರುವ ಸಚಿನ್ ಸಮಯ ಸಿಕ್ಕಾಗಲೆಲ್ಲಾ ಪ್ರಭಾದೇವಿಯಲ್ಲಿರುವ ಪ್ರಸಿದ್ಧ ಸಿದ್ಧಿವಿನಾಯಕ ದೇವಾಲಯಕ್ಕೆ ಭೇಟಿ ನೀಡುತ್ತಾರೆ.
"ದೇವರು ಎಲ್ಲರ ಹೃದಯಗಳಲ್ಲಿ ವಾಸವಾಗಿರುವುದರಿಂದ ಕೇವಲ ಗಣೇಶ ಹಬ್ಬದ 10 ದಿನಗಳಲ್ಲಿ ಮಾತ್ರ ದೇವಾಲಯಕ್ಕೆ ಭೇಟಿ ನೀಡುವುದು ಅಥವಾ 'ಗಣಪತಿ ಬಪ್ಪಾ'ರನ್ನು ನೆನಪಿಸಿಕೊಳ್ಳವುದು ಅವಶ್ಯಕವಲ್ಲ. ನಾವು ಮೈದಾನದಲ್ಲಿರುವಾಗಲೂ ನಾವು ಪ್ರಾರ್ಥಿಸುತ್ತೇವೆ ಆದರೆ, ಹಬ್ಬದ ಸಂದರ್ಭದ ವಾತವರಣ ವಿಭಿನ್ನವಾಗಿರುತ್ತದೆ" ಎಂದೂ ಸಚಿನ್ ನುಡಿದರು.