Feedback
Print
ಜಗದೇಕ ಸುಂದರಿಯ ಕಣ್ಣುಗಳು ಅತ್ಯಂತ ಸೆಕ್ಸಿ! 
 | ||
|
ಅತಿಲೋಕ ಸುಂದರಿ ಎಂಬ ಬಿರುದು ಪಡೆದ ನಂತರ ಐಶ್ವರ್ಯಾ ರೈ ಪಡೆಯುತ್ತಿರುವ ಮತ್ತೊಂದು ಉಡುಗೊರೆಯಿದು. ಜಗತ್ತಿನಾದ್ಯಂತದ ನಟ-ನಟಿಯರ ಅಂಗಾಂಗಳ ಸೌಂದರ್ಯ ಸಮೀಕ್ಷೆ ನಡೆಸಿರುವ ಅಮೆರಿಕನ್ ಟೀವಿ ಚಾನೆಲ್ 'E!'ಯು ಐಶ್ವರ್ಯಾ ರೈ ಕಣ್ಣುಗಳನ್ನು 'ಸೆಕ್ಸಿಯೆಷ್ಟ್ ಐಸ್ ಇನ್ ದಿ ವರ್ಲ್ಡ್ಸ್' ಎಂದು ಘೋಷಿಸಿದೆ. ಅಂತಹ ಕಣ್ಣುಗಳ ಒಡತಿ ನನ್ನ ಹೆಂಡತಿ ಎಂದು ಈಗ ಅಭಿಷೇಕ್ ಹೆಮ್ಮೆಪಟ್ಟುಕೊಳ್ಳುವ ಸಂಗತಿಯಿದು!
ಹಾಲಿವುಡ್‌ನ ಅಂಜೆಲಿನಾ ಜೂಲಿ, ಮೇಗನ್ ಫಾಕ್ಸ್, ಸ್ಕಾರ್ಲೆಟ್ ಜಾನ್ಸನ್ ಮುಂತಾದವರು 'ಮಾದಕ ಕಣ್ಣು' ಸ್ಪರ್ಧೆಯಲ್ಲಿದ್ದರು. ಪುರುಷರ ವಿಭಾಗದಲ್ಲಿ ಐರಿಷ್ ನಟ ಜೋನಾಥನ್ ರೈಸ್ ಕಣ್ಣುಗಳು ಮಾದಕವಾಗಿವೆ ಎಂದಿದೆ ಈ ಸಮೀಕ್ಷೆ.
ಮುಂದುವರಿದಿರುವ ಸಮೀಕ್ಷೆ ಮತ್ತಷ್ಟು ಸುಂದರ-ಸುಂದರಿಯರ ದೇಹಗಳನ್ನು ತಡಕಾಡಿ ವಿವರಗಳನ್ನು ಬಹಿರಂಗಗೊಸಿದೆ. ಈ ಪ್ರಕಾರ ಮಾದಕ ಕಾಲನ್ನು ಹೊಂದಿರುವ ಪ್ರಶಸ್ತಿ ಬ್ರೆಜಿಲಿಯನ್ ಮಾಡೆಲ್ ಗಿಸೆಲೆ ಬುಂಡಚೆನ್ ಪಾಲಾಗಿದೆ. ಸುಂದರ ಕುಚ ಪ್ರಶಸ್ತಿ ಸ್ಕಾರ್ಲೆಟ್ ಜಾನ್ಸನ್‌ಗೆ ಒಲಿದಿದ್ದು, ಪುರುಷರಲ್ಲಿ ಮಾದಕ ಎದೆ ಹೊಂದಿರುವ ನಟ ಮ್ಯಾಥ್ಯೂ ಮೆಕ್‌ಕೊನಾಯೇ ಆಯ್ಕೆಯಾಗಿದ್ದಾರೆ. ನಟಿ ಜೆಸ್ಸಿಕಾ ಸುಂದರ ದೇಹಕ್ಕಾಗಿ ಪ್ರಶಸ್ತಿ ಪಡೆದಿದ್ದಾರೆ.
ಸುಂದರ ತುಟಿಗಳ ನಟಿ ಎಂದು ಬೆನ್ನು ತಟ್ಟಿಸಿಕೊಂಡಿದ್ದ ಅಮೆರಿಕನ್ ನಟಿ ಆಂಜೆಲಿನಾ ಜೂಲಿ ಈ ಬಾರಿ ಆ ಸ್ಥಾನವನ್ನು ಬೇರೆಯವರಿಗೆ ಬಿಟ್ಟು ಕೊಡಬೇಕಾಗಿದೆ. ತೈವಾನ್ ನಟಿ ಶೂಕಿ ಸುಂದರ ತುಟಿಗಳ ಮಹಿಳೆ ಎಂದು ಘೋಷಿಸಲಾಗಿದೆ. ಪುರುಷರಲ್ಲಿ ಎಲ್‌ಎಲ್‌ ಕೂಲ್ ಜೆ ತುಟಿಗಳು ಮಾದಕವಾಗಿವೆಯಂತೆ.
ಹಾಟೆಸ್ಟ್ ಹೊಟ್ಟೆ ಪ್ರಶಸ್ತಿ ಹಾಡುಗಾರ್ತಿ ಫೆರ್ಗಿ ಪಾಲಾಗಿದೆ. ಪುರುಷರಲ್ಲಿ ನಟ ಉಷರ್ ಹೊಟ್ಟೆ ಚೆನ್ನಾಗಿದೆಯಂತೆ ! ಮಾದಕ ತೋಳುಗಳನ್ನು ಹೊಂದಿರುವುದಕ್ಕೆ ನಟಿ ಚಾರ್ಲೈಜ್ ಥೆರೊನ್ ಪ್ರಶಸ್ತಿ ಗಿಟ್ಟಿಸಿದ್ದಾಳೆ. ಸಿಹಿಯಾದ ಮುಗುಳ್ನಗೆ ಪ್ರಶಸ್ತಿ ನಟಿ ಜೆನ್ನಿಫರ್ ಗಾರ್ನರ್ ಪಾಲಾಗಿದೆ.