Feedback
Print
ವಿಕ್ಟರಿ: ಅದ್ಧೂರಿ ಕ್ರಿಕೆಟಿಂಗ್ ರಸದೌತಣ 
ಸೋಮವಾರ, 24 ನವೆಂಬರ್ 2008( 13:51 IST )
 | ||
|
ಸ್ಪೋರ್ಟ್ಸ್ ಥೀಮ್ ಹೊಂದಿರುವ ಇನ್ನೊಂದು ಚಿತ್ರ ತಯಾರಾಗುತ್ತಿದೆ. ಅಜಿತ್ ಪಾಲ್ ಮಾಂಗತ್‌ರ ಈ ಚಿತ್ರದಲ್ಲಿ ಹರ್ಮಾನ್ ಬೆವಜಾ ಮತ್ತು ಅಮೃತಾ ರಾವ್ ಮುಖ್ಯಪಾತ್ರದಲ್ಲಿದ್ದಾರೆ. ಚಿತ್ರ ನಮ್ಮೆಲ್ಲರನ್ನು ಮತ್ತೆ ಕ್ರಿಕೆಟ್ ಅಂಗಣಕ್ಕೆ ಒಯ್ಯಲಿದೆ. ಕ್ರಿಕೆಟ್ ಬಗ್ಗೆ ಬಾಲಿವುಡ್‌ನಲ್ಲಿ ಇದುವರೆಗೆ ಅನೇಕ ಚಿತ್ರಗಳು ಬಂದಿವೆ, ಆದರೆ ವಿಕ್ಟರಿ ಇವೆಲ್ಲಕ್ಕಿಂತ ಭಿನ್ನವಾಗಿದೆ.
ಅಂತಹುದೇನಿದೆ ಇದರಲ್ಲಿ ಅಂದಿರಾ? ಪ್ರೇಕ್ಷಕರನ್ನು ಚಿತ್ರಮಂದಿರಕ್ಕೆ ಸೆಳೆಯುವ ಉತ್ತಮ ಕ್ರಿಕೆಟ್ ಥೀಮ್ ಅನ್ನು ಹೊಂದಿರುವುದರ ಜೊತೆಗೆ ಈ ಚಿತ್ರದಲ್ಲಿರುವ ಇನ್ನೊಂದು ವಿಶೇಷತೆಯೆಂದರೆ ಇದು 30 ಅಂತಾರಾಷ್ಟ್ರೀಯ ಕ್ರಿಕೆಟಿಗರನ್ನು ತೆರೆಯ ಮೇಲೆ ತರಲಿದೆ. ಆಸ್ಟ್ರೇಲಿಯನ್ನರಿಂದ ಪಾಕಿಸ್ತಾನಿಯರವರೆಗೆ, ನ್ಯೂಜಿಲ್ಯಾಂಡ್‌ ಆಟಗಾರರಿಂದ ಹಿಡಿದು ದಕ್ಷಿಣ ಆಫ್ರಿಕಾದ ಆಟಗಾರರವರಗೆ, ಶ್ರೀಲಂಕನ್ನರು ಮತ್ತು ನಮ್ಮವರೇ ಆದ ಭಾರತೀಯರು ಚಿತ್ರದಲ್ಲಿ ಕಾಣಿಸಿಕೊಳ್ಳಲಿದ್ದಾರೆ.
ಚಿತ್ರದಲ್ಲಿ ಕ್ರಿಕೆಟಿಗನ ಪಾತ್ರ ನಿರ್ವಹಿಸಲಿರುವ ಹರ್‌ಮಾನ್‌ರಿಗೆ ಕ್ರಿಕೆಟಿಂಗ್ ದಿಗ್ಗಜರಾದ ಬ್ರೆಟ್ ಲಿ, ಅಲೆನ್ ಬಾರ್ಡರ್, ಶೋಯೆಬ್ ಮಲ್ಲಿಕ್, ವಕಾರ್ ಯೂನಿಸ್, ಸನತ್ ಜಯಸೂರ್ಯ, ಚಮಿಂಡಾ ವಾಸ್, ಇಶಾಂತ್ ಶರ್ಮ, ಶ್ರೀಶಾಂತ್ ಮತ್ತು ಕಪಿಲ್ ದೇವ್ ಮುಂತಾದ ಆಟಗಾರರ ಸಖ್ಯ ದೊರಕಲಿದೆ.
ಕ್ರಿಕೆಟ್ ಪ್ರೇಮಿಯಾಗಿರುವ ನಟ ಹರ್ಮಾನ್ "ಭಜ್ಜಿಯೊಂದಿಗೆ ಬಹಳ ಆನಂದಿಸಿದೆ.. ಅವರು ಸರ್ದಾರ್ ನಾನು ಪಂಜಾಬಿ.. ಮತ್ತು ನಾನು ಹೇಳಬಹುದಾದುದೆಂದರೆ ಸಿಂಗ್ ಈಸ್ ಕಿಂಗ್" ಎಂದಿದ್ದಾರೆ.