Feedback
Print
ಅಕ್ಕಿ-ಕರೀನಾ ಕಂಬಕ್ತ್ ಇಶ್ಕ್ ಮೇಯಲ್ಲಿ ಬಿಡುಗಡೆ 
 | ||
|
ಮುಂಬರುವ ವರ್ಷ ಸಾಜಿದ್ ನಾದಿಯಾವಾಲರ 'ಕಂಬಕ್ತ್ ಇಶ್ಕ್' ಚಿತ್ರದಲ್ಲಿ ಅಕ್ಕಿ ನಟಿಸುತ್ತಿದ್ದಾರೆ. ಈ ಚಿತ್ರ 2009ರ ಅತಿ ನಿರೀಕ್ಷಿತ ಚಿತ್ರಗಳಲ್ಲಿ ಒಂದು ಎಂದು ಚಿತ್ರೋದ್ಯಮದ ಮಂದಿ ಅಭಿಪ್ರಯಿಸಿದ್ದಾರೆ. ಈ ಚಿತ್ರ 2009ರ ಮೇ 29ರಂದು ತೆರೆ ಕಾಣುವುದಾಗಿ ನಿರ್ಧರಿಸಲಾಗಿದೆ. ವಿಶೇಷವಾಗಿ ಅಕ್ಷಯ್ ಮತ್ತು ಕರೀನಾ ಕಪೂರ್ ಜೋಡಿಯಾಗಿರುವುದರಿಂದ 'ಕಂಬಕ್ತ್ ಇಶ್ಕ್' ಚಿತ್ರ ಸುದ್ದಿಯಲ್ಲಿದೆ. ಹಾಲಿವುಡ್ ಖ್ಯಾತನಾಮರಾದ ಸಿಲ್ವಸ್ಟಾರ್ ಸ್ಟಾಲೊನ್, ಬ್ರೆಂಡನ್ ರೌತ್ ಮತ್ತು ಡೆನ್ನಿಸ್ ರಿಚರ್ಡ್ 'ಕಂಬಕ್ತ್ ಇಶ್ಕ್'ನಲ್ಲಿ ಕಾಣಿಸಿಕೊಳ್ಳುತ್ತಿರುವುದು ಸಹ ಚಿತ್ರದ ಹೈ ಲೈಟ್.
ಚಿತ್ರವನ್ನು ನವ ನಿರ್ದೇಶಕ ಸಬೀರ್ ಖಾನ್ ನಿರ್ದೇಶಿಸುತ್ತಿದ್ದಾರೆ. ಚಿತ್ರ ಮೇ 29ರಂದು ಬಿಡುಗಡೆಯಾಗಲಿರುವುದರಿಂದ ಮುಂದಿನ ಬೇಸಗೆ ಇನ್ನಷ್ಟು ಬಿಸಿಯೇರುವ ನಿರೀಕ್ಷೆ ಇರಿಸಿಕೊಳ್ಳಬಹುದು.