ಮುಖ್ಯ ಪುಟ 
ಮನರಂಜನೆ » ಬಾಲಿವುಡ್‌ » ಸುದ್ದಿ/ಗಾಸಿಪ್ » ಕತ್ರಿನಾಳನ್ನು ಭೇಟಿಯಾಗಲು ಆಗಲಿಲ್ಲವೆಂದು ಅಭಿಮಾನಿ ಆತ್ಮಹತ್ಯೆ! (Katrina Kaif | Bhopal | Ranbir Kapoor | Rajneeti)
ಮನರಂಜನೆ » ಬಾಲಿವುಡ್‌ » ಸುದ್ದಿ/ಗಾಸಿಪ್ » ಕತ್ರಿನಾಳನ್ನು ಭೇಟಿಯಾಗಲು ಆಗಲಿಲ್ಲವೆಂದು ಅಭಿಮಾನಿ ಆತ್ಮಹತ್ಯೆ! (Katrina Kaif | Bhopal | Ranbir Kapoor | Rajneeti)
Feedback
Print
ಕತ್ರಿನಾಳನ್ನು ಭೇಟಿಯಾಗಲು ಆಗಲಿಲ್ಲವೆಂದು ಅಭಿಮಾನಿ ಆತ್ಮಹತ್ಯೆ! 
IFM
ಹೌದು. ನಂಬಿದರೆ ನಂಬಿ, ಬಿಟ್ಟರೆ ಬಿಡಿ. ಭೋಪಾಲ್ ಬಳಿ ಕತ್ರಿನಾ ಕೈಫ್ ಹಾಗೂ ರಣಬೀರ್ ಕಪೂರ್ ಅವರ ಅಭಿನಯದ ರಾಜನೀತಿ ಸಿನಿಮಾದ ಚಿತ್ರೀಕರಣ ಸಂದರ್ಭ ಈ ಘಟನೆ ನಡೆದಿದೆ. ರಾಜನೀತಿ ಶೂಟಿಂಗ್ ನೋಡಲು ಸುತ್ತಮುತ್ತ ಸಾವಿರಾರು ಮಂದಿ ಸೇರಿದ್ದರು. ಇವರಲ್ಲಿ ಮೋತಿಲಾಲ್ ಕೂಡಾ ಒಬ್ಬ. ಅಷ್ಟೂ ಮಂದಿಯ ನಡುವೆ ಈತನೂ ಕತ್ರಿನಾಳನ್ನು ನೋಡಲು ಹವಣಿಸಿದ್ದ. ಅಷ್ಟೇ ಅಲ್ಲ, ಆಕೆಯ ಜತೆಗೆ ಮಾತನಾಡಬೇಕೆಂದೂ ಇಷ್ಟಪಟ್ಟಿದ್ದ. ಆದರೆ ಮಾತನಾಡಲು ಸಾಧ್ಯವಾಗಲೇ ಇಲ್ಲವೆಂದು ಬೇಸರದಿಂದ ಸೀದಾ ಸ್ವಲ್ಪ ದೂರದ್ಲಲಿದ್ದ ಕೆರೆಗೆ ಹಾರಿ ಪ್ರಾಣ ತ್ಯಾಗ ಮಾಡಿದ್ದಾನೆ.
ಮೃತನ ಪರೀಕ್ಷೆ ನಡೆಸಿದ ಪೊಲೀಸರು ಆತನ ಪ್ಯಾಂಟು ಜೇಬಿನಲ್ಲಿದ್ದ ಆತನ ಐಡೆಂಟಿಟಿ ಕಾರ್ಡ್ ಮೂಲಕ ಆತನ ಹೆಸರು ಮೋತಿಲಾಲ್ ಎಂದು ಪತ್ತೆ ಹಚ್ಚಿದ್ದಾರೆ. ಮೃತನಿಗೆ ಸುಮಾರು 24-25ರ ವರ್ಷವಿರಬಹುದು ಎಂದು ಅಂದಾಜಿಸಲಾಗಿದ್ದು, ಆತನ ಮನೆಯ ವಿಳಾಸವನ್ನು ಪತ್ತೆ ಹಚ್ಚಲಾಗಿಲ್ಲ.
ಮೃತ ಯುವಕ ಯಾವುದೇ ಆತ್ಮಹತ್ಯಾ ಪತ್ರ ಬರೆದಿಟ್ಟಿಲ್ಲ. ಹಾಗಾಗಿ ಆತನದ್ದು ನಿಜಕ್ಕೂ ಅಭಿಮಾನದ ಅತಿರೇಕದ ಅತ್ಮಹತ್ಯೆಯೋ ಎಂಬ ಬಗ್ಗೆ ಪೋಲೀಸರಿಗೆ ಸಂಶಯ ಮೂಡಿದೆ.