ಮುಖ್ಯ ಪುಟ 
ಮನರಂಜನೆ » ಬಾಲಿವುಡ್‌ » ಸುದ್ದಿ/ಗಾಸಿಪ್ » ಇಮ್ರಾನ್ ಹಶ್ಮಿಯ ಮೇಲೆ ಬಿದ್ದು ಹುಡುಗಿಯರು ಮುತ್ತಿಕ್ಕಿದರು! (Emraan Hashmi | Kiss | Tum Mile | Soha Ali Khan)
ಮನರಂಜನೆ » ಬಾಲಿವುಡ್‌ » ಸುದ್ದಿ/ಗಾಸಿಪ್ » ಇಮ್ರಾನ್ ಹಶ್ಮಿಯ ಮೇಲೆ ಬಿದ್ದು ಹುಡುಗಿಯರು ಮುತ್ತಿಕ್ಕಿದರು! (Emraan Hashmi | Kiss | Tum Mile | Soha Ali Khan)
Feedback
Print
ಇಮ್ರಾನ್ ಹಶ್ಮಿಯ ಮೇಲೆ ಬಿದ್ದು ಹುಡುಗಿಯರು ಮುತ್ತಿಕ್ಕಿದರು! 
ಶನಿವಾರ, 14 ನವೆಂಬರ್ 2009( 20:14 IST )
IFM
ಹೌದು. ಇತ್ತೀಚೆಗೆ ತುಮ್ ಮಿಲೇ ಚಿತ್ರದ ಪ್ರಚಾರಕ್ಕಾಗಿ ಸೋಹಾ ಅಲಿ ಖಾನ್ ಹಾಗೂ ಇಮ್ರಾನ್ ಹಶ್ಮಿ ಮುಂಬೈಯ ಖ್ಯಾತ ಮಾಲ್ ಒಂದಕ್ಕೆ ಕಾರ್ಯಕ್ರಮ ನೀಡಲು ಹೋಗಿದ್ದರು. ಇಮ್ರಾನ್ ಹಶ್ಮಿಯನ್ನು ನೋಡಲೆಂದು ಹಾಗೂ ಶಾಪಿಂಗ್ ಮಾಡಲು ಸಾವಿರಾರು ಜನ ಮಾಲ್‌ನಲ್ಲಿ ಸೇರಿದ್ದರು. ಕಾರಿನಿಂದಿಳಿದುಮಾಲ್‌ನ ಮೇಲಿನ ಮಹಡಿಗೆ ಹೋಗಲೆಂದು ಎಸ್ಕಲೇಟರ್‌ನಲ್ಲಿ ಕಾಲಿಡುತ್ತಿದ್ದಂತೆಯೇ ಐದಾರು ಮಂದಿ ಹುಡುಗಿಯರು ಬಂದು ಇಮ್ರಾನ್‌ನನ್ನು ಸಡನ್ನಾಗಿ ಗಬಕ್ಕಂತ ಹಿಡಿದು ಬಿಟ್ಟರು. ಅಷ್ಟೇ ಅಲ್ಲ, ಆತನನ್ನು ಪ್ರೀತಿಯ ಉತ್ಕಟತೆಯಿಂದ ಎಳೆದಾಡಿಬಿಟ್ಟರು. ಎಳೆದಾಡಿದ ರಭಸಕ್ಕೆ ಆತನ ಅಂಗಿಯೂ ಹರಿದು ಹೋಯಿತಂತೆ. ಅಷ್ಟಕ್ಕೇ ನಿಲ್ಲಲಿಲ್ಲ ಹುಡುಗಿಯರ ಪ್ರೀತಿ. ಹಶ್ಮಿಯ ಮುಖದ ತುಂಬೆಲ್ಲಾ ತಮ್ಮ ತುಟಿಯ ಮುದ್ರೆಯುತ್ತಿದರು!!!
ಮಾಲ್‌ನಲ್ಲಿ ಎಲ್ಲರೂ ನೋಡುನೋಡತ್ತಿದ್ದಂತೆಯೇ ಈ ಘಟನೆ ನಡೆದುಹೋಯ್ತು. ಬೇರೆ ಯಾರಾದರೂ ನಟರಾಗಿದ್ದಿದ್ದರೆ ಸಿಟ್ಟು ಮಾಡಿ ಹೋಗುತ್ತಿದ್ದರೋ ಏನೋ. ಆದರೆ ಇಮ್ರಾನ್ ಹಾಗೆ ಮಾಡಲಿಲ್ಲ. ಅವರು ಮಾಡಿದ ಚೇಷ್ಟೆಗಳನ್ನೆಲ್ಲಾ ಸಹಿಸಿ, ಅವರೆಲ್ಲರ ಮುತ್ತುಗಳನ್ನೂ ಹೇಗೋ ಅವರಿಂದ ತಪ್ಪಿಸಿಕೊಂಡು ಹೊರಬಂದನಂತೆ.
ಸೋಹಾ ಅಲಿ ಖಾನ್ ಈ ದೃಶ್ಯ ನೋಡಿ ಅಕ್ಷರಶಃ ಬೆಚ್ಚಿಬಿದ್ದಿದ್ದರು. ಆದರೆ ಹಶ್ಮಿ ಮುಖಕ್ಕೆಲ್ಲ ಅಂಟಿದ್ದ ತುಟಿಯ ಲಿಪ್‌ಸ್ಟಿಕ್ಕಿನ ಬಣ್ಣವನ್ನೂ ಒರೆಸದೆ ಹಾಗೆಯೇ ಮಾಲ್‌ನಲ್ಲಿ ಹುಡುಕಾಡಿ ಹೊಸ ಶರ್ಟ್ ಖರೀದಿಸಿ ಹರಿದ ಶರ್ಟ್ ಬದಲಿಸಿ ಹಾಕಿಕೊಂಡರಂತೆ!!!
ಹಾಂ, ಅಂದಹಾಗೆ ಇಮ್ರಾನ್ ಹಶ್ಮಿ ಸದ್ಯದಲ್ಲೇ ತಂದೆಯಾಗಲಿದ್ದಾನಂತೆ. ಪತ್ನಿ ಪರ್ವೀನ್ ಮಾತ್ರ ತನ್ನ ಭಾರವಾದ ಹೊಟ್ಟೆ ಹೊತ್ತುಕೊಂಡು ಇಮ್ರಾನ್ ಹಶ್ಮಿ ಮುತ್ತಿಕ್ಕುವುದನ್ನು ನೋಡಿ ಕೈ ಕೈ ಹೊಸಕಿಕೊಳ್ಳುತ್ತಿದ್ದಾಳಂತೆ!