ಮುಖ್ಯ ಪುಟ 
ಮನರಂಜನೆ » ಬಾಲಿವುಡ್ » ಸುದ್ದಿ/ಗಾಸಿಪ್ » ಶೀಘ್ರದಲ್ಲೇ ಸಲ್ಮಾನ್ ಖಾನ್‌ಗೆ ಮದುವೆಯಂತೆ! (Salman Khan | Katrina Kaif | Bollywood)
ಮನರಂಜನೆ » ಬಾಲಿವುಡ್ » ಸುದ್ದಿ/ಗಾಸಿಪ್ » ಶೀಘ್ರದಲ್ಲೇ ಸಲ್ಮಾನ್ ಖಾನ್‌ಗೆ ಮದುವೆಯಂತೆ! (Salman Khan | Katrina Kaif | Bollywood)
Feedback
Printಶೀಘ್ರದಲ್ಲೇ ಸಲ್ಮಾನ್ ಖಾನ್‌ಗೆ ಮದುವೆಯಂತೆ! 
IFM
ಹೌದು. ಏಕಾಂಗಿ ಜೀವನದಿಂದ ಬೇಸತ್ತ ಸಲ್ಮಾನ್ ಹಲವು ಬಾರಿ ಮದುವೆ ಎಂಬ ವಿಷಯ ಬಂದಾಗಲೆಲ್ಲ, ನಾನೇ ತಿಳಿಸುತ್ತೇನೆ ಎಂಬೆಲ್ಲಾ ಹಾರಿಕೆಯ ಉತ್ತರ ನೀಡುತ್ತಿದ್ದರೂ, ಈ ಬಾರಿ ಮಾತ್ರ ನಸು ನಾಚಿ ಮುಖ ಕೆಂಪಗೆ ಮಾಡಿ, ಅತಿ ಶೀಘ್ರದಲ್ಲೇ ಮದುವೆಯಾಗುತ್ತೇನೆ ಎಂದು ಹೇಳಿದ್ದು ಕುತೂಹಲ ಕೆರಳುವಂತೆ ಮಾಡಿದೆ.
ತಮ್ಮಂದಿರು ಮದುವೆಯಾಗಿದ್ದಾಗಿದೆ. ಆದರೆ ಹಿರಿಯಣ್ಣ ಸಲ್ಮಾನ್ ಖಾನ್ ಮಾತ್ರ ದಿನಕ್ಕೊಂದು ಗಾಸಿಪ್ ಕಾಲಂಗಳಲ್ಲಿ ಕಾಣಿಸಿಕೊಳ್ಳುತ್ತಾ ಇನ್ನೂ ಹುಡುಗಿಯರ ಜೊತೆ ಮರಸುತ್ತುತ್ತಿರುವುದು ಸುಳ್ಳಲ್ಲ. ಐಶ್ ಜೊತೆಗಿನ ಪ್ರೀತಿ ಮುರಿದಾಗ ಸಲ್ಮಾನ್ ಪ್ರೇಮ ಸೌಧ ಕಳಚಿದ್ದು ದೊಡ್ಡ ಸುದ್ದಿಯಾದರೂ, ನಂತರ ಸಲ್ಮಾನ್ ಕತ್ರಿನಾ ತೆಕ್ಕೆಯಲ್ಲಿ ನಿರಾಳವಾಗಿ ಉಸಿರೆಳಿದಿದ್ದರು. ಆದರೂ, ಆಗಾಗ ಹಲವು ಮಾಡೆಲ್‌ಗಳ, ಬಾಲಿವುಡ್ ಬೆಡಗಿಯರ, ವಿದೇಶೀ ಚೆಲುವೆಯರ ಜೊತೆಗೆ ಸಲ್ಮಾನ್ ಹೆಸರು ರಾರಾಜಿಸೋದು ತಿಳಿದೇ ಇದೆ.
IFM
ಕತ್ರಿನಾ ಜೊತೆಗೆ ಸಲ್ಮಾನ್ ಖಾನ್ ಸಂಬಂಧ ಬಾಲಿವುಡ್ಡಿನ ಹಳೇ ಗಾಸಿಪ್ಪಾದರೂ, ಸಲ್ಮಾನ್ ಯಾರನ್ನು ಮದುವೆಯಗುತ್ತಿದ್ದಾರೆ ಎಂಬುದೀಗ ಕುತೂಹಲ ಕೆರಳಿಸಿದೆ. ಕತ್ರಿನಾಗೆ ಸದ್ಯ ಸಾಕಷ್ಟು ಅವಕಾಶಗಳಿದ್ದು, ಆಕೆ ತನ್ನ ವೃತ್ತಿ ಜೀವನದ ಅತ್ಯಂತ ಎತ್ತರದ ಸ್ಥಾನದಲ್ಲಿದ್ದಾಳೆ. ಅವಕಾಶಗಳು ಸುರಿಯುತ್ತಲೂ ಇವೆ. ಇಂಥ ಸಂದರ್ಭದಲ್ಲಿ ತನಗೆ ಮದುವೆ ಬೇಡ ಎನ್ನುತ್ತಿರುವುದು ನಟಿಯಾದವಳ ಸಹಜ ಗುಣಧರ್ಮ. ಈ ಮನೋಭಾವನೆ ಕತ್ರಿನಾಗೂ ಹೊರತಲ್ಲ. ಆದರೆ ಅತ್ತ ಸಲ್ಮಾನ್ ವಯಸ್ಸು ಮೀರುತ್ತಿದೆ. ಇನ್ನೂ 25ರ ವಯಸ್ಸಿಗೂ ತಲುಪದ ಕತ್ರಿನಾ ತನ್ನ ದುಪ್ಪಟ್ಟು ವಯಸ್ಸಿನ ಸಲ್ಮಾನ್ ಖಾನ್‌ರನ್ನು ಮದುವೆಯಾಗುತ್ತಾರೋ ಎಂದು ಕಾಲವೇ ಉತ್ತರ ಹೇಳಬೇಕಿದೆ.