ಮುಖ್ಯ ಪುಟ 
ಮನರಂಜನೆ » ಬಾಲಿವುಡ್ » ಸುದ್ದಿ/ಗಾಸಿಪ್ » ನಸುಗತ್ತಲ ಸಂದಿಯಲ್ಲಿ ಕಂಗನಾಳ ಮತ್ತೇರಿದ ಕಿಸ್ಸಿಂಗ್! (Kangna Ranaut | Dino Morea | Kiss | Adhyayan Suman)
ಮನರಂಜನೆ » ಬಾಲಿವುಡ್ » ಸುದ್ದಿ/ಗಾಸಿಪ್ » ನಸುಗತ್ತಲ ಸಂದಿಯಲ್ಲಿ ಕಂಗನಾಳ ಮತ್ತೇರಿದ ಕಿಸ್ಸಿಂಗ್! (Kangna Ranaut | Dino Morea | Kiss | Adhyayan Suman)
Feedback
Printನಸುಗತ್ತಲ ಸಂದಿಯಲ್ಲಿ ಕಂಗನಾಳ ಮತ್ತೇರಿದ ಕಿಸ್ಸಿಂಗ್! 
IFM
ಕನ್ನಡದಲ್ಲೂ ಅಂದೊಮ್ಮೆ ಜೂಲಿ ಎಂಬ ರಿಮೇಕ್ ಚಿತ್ರದಲ್ಲಿ ನಮ್ಮ ಕನ್ನಡತಿ ರಮ್ಯಾ ಜೊತೆಗೆ ಜೂಲೀ... ಎಂದು ಮಾದಕವಾಗಿ ರೊಮ್ಯಾನ್ಸ್ ಮಾಡಿದ್ದ ದಿನೋ ಮೊರಿಯಾ ಎಂಬ ಬಾಲಿವುಡ್ ನಟನ ಎಂಥ ದೌರ್ಭಾಗ್ಯವೋ ಏನೋ, ಬಾಲಿವುಡ್ಡಿನಲ್ಲಂತೂ ಅಂಥಾ ದೊಡ್ಡ ಕೆಲಸವೇನೂ ಕೈಗೆ ಗಿಟ್ಟುತ್ತಿಲ್ಲ. ಅಂದೊಮ್ಮೆ ರಾಝ್ ಚಿತ್ರದಲ್ಲಿ ಹಸಿಬಿಸಿಯಾಗಿ ಬಿಪಾಶಾ ಬಸು ಜೊತೆಗೆ ಕಾಣಿಸಿಕೊಂಡು ಆಕೆಯ ಜೊತೆಗೆ ಒಂದು ವರ್ಷ ಸಾಕಷ್ಟು ಸುತ್ತಾಡಿ ರೊಮ್ಯಾನ್ಸ್ ಮಾಡಿ ಸುದ್ದಿಯಾಗಿದ್ದ. ಆಮೇಲೆ ಜಾನ್ ಅಬ್ರಹಾಂ ಸಿಕ್ಕ ಮೇಲೆ ಬಿಪಾಶಾ ದಿನೋಗೆ ಟಾಟಾ ಹೇಳಿದಳು. ಅದಾದ ಮೇಲೆ ಆಗೋಮ್ಮೆ ಈಗೊಮ್ಮೆ ಒಬ್ಬರಾದ ಮೇಲೆ ಒಬ್ಬ ನಟಿಯರ ಜೊತೆಗೆ ಗಾಸಿಪ್ ಕಾಲಂಗಳಲ್ಲಿ ಥಳುಕು ಹಾಕಿದ ದಿನೋ ಸದ್ಯವಷ್ಟೆ ಲಾರಾ ದತ್ತ ಎಂಬ ಇನ್ನೊಬ್ಬ ಸೆಕ್ಸೀ ನಟಿಯ ಜೊತೆಗೆ ಸ್ವಲ್ಪ ದಿನ ಅದೂ ಇದು ಅಂತ ಹೇಗೋ ಸುದ್ದಿ ಮಾಡಿದ. ಆಕೆಯೂ ಕೈಕೊಟ್ಟ ಮೇಲೆ ಈಗ ಕಂಗನಾ ಹಿಂದೆ ಬಿದ್ದಿದ್ದಾನೆ.
IFM
ಕಂಗನಾ ಹಾಗೂ ದಿನೋ ಇಬ್ಬರ ಇಂಟರೆಸ್ಟುಗಳೂ ಸಾಮಾನ್ಯ ಏಕರೂಪವಾದುದೇ ಅಂತೆ. ಹೀಗಾಗಿ ಅವರಿಬ್ಬರಿಗೆ ಮಾತಾಡಲು ವಿಷಯಕ್ಕೇನೂ ಕೊರತೆ ಇಲ್ಲ. ಮೊನ್ನೆ ಮೊನ್ನೆಯವರೆಗೂ ಈ ಇಬ್ಬರು ಜೋಡಿಯಾಗಿ ಸುತ್ತಾಡುವ ಬಗ್ಗೆ ಯಾರಿಗೂ ಗೊತ್ತಿರಲಿಲ್ಲ. ಈಗ ಸುದ್ದಿಯಾದುದಕ್ಕೆ ಕಾರಣವೂ ಇದೆ. ಅದೆಂದರೆ ಅವರು ಪಬ್ಲಿಕ್ಕಲ್ಲೇ ಎಲ್ಲ ಮರೆತು ಪರಸ್ಪರ ತುಟಿಗೆ ತುಟಿ ಸೇರಿಸಿ ಚುಂಬಿಸಿದ್ದು!!!
ಹೌದು. ಸಂಜಯ್ ದತ್ ಹಾಗೂ ಮಾನ್ಯತಾದ ದಾಂಪತ್ಯ ವಾರ್ಷಿಕೋತ್ಸವದ ಅಂಗವಾಗಿ ನಡೆದ ಪಾರ್ಟಿಯಲ್ಲಿ ಈ ಇಬ್ಬರೂ ಎಲ್ಲರ ಕಣ್ಣಿಗೂ ಬಿದ್ದಿದ್ದಾರೆ. ಬಾಲಿವುಡ್ಡಿನ ಬಹುತೇಕ ಎಲ್ಲ ಘಟಾನುಘಟಿಗಳೂ ಹಾಜರಾದ ಪಾರ್ಟಿಯಿದು. ಕಂಗನಾ ಹಾಗೂ ದಿನೋ ಕೂಡಾ ಬಂದಿದ್ದಾರೆ. ಕಂಗನಾ ಹೋದಲ್ಲೆಲ್ಲ ದಿನೋ ಕೂಡಾ ಹಿಂದಿನಿಂದಲೇ ಸುತ್ತಾಡತೊಡಗಿದ್ದಾನೆ. ಕಂಗನಾಳ ಹಿಂದಿನ ಚಿತ್ರಗಳ ಬಗ್ಗೆ ಪುಂಖಾನುಪುಂಖವಾಗಿ ಹೊಗಳಿಕೆಯ ಮಳೆಗರೆಯುತ್ತಿದ್ದ ದಿನೋ ಪತ್ರಕರ್ತರ ಕಣ್ಣಿಗೂ ಬಿದ್ದಿದ್ದಾರೆ. ಈ ಇಬ್ಬರದೂ ಮೊದಲ ಸಲದ ಭೇಟಿಯಲ್ಲ, ಸಾಕಷ್ಟು ಭೇಟಿ ನಡೆದುಹೋಗಿದೆ ಎಂಬುದು ಇಬ್ಬರು ಪ್ರದರ್ಶಿಸುತ್ತಿದ್ದ ಸಲುಗೆಯಿಂದಲೇ ತಿಳಿಯುತ್ತಿತ್ತು ಎಂದು ಪ್ರತ್ಯಕ್ಷದರ್ಶಿಗಳು ಹೇಳುತ್ತಾರೆ.
IFM
ಆದರೆ ಎಲ್ಲರೂ ಇದ್ದ ಆ ಪಾರ್ಟಿಯಲ್ಲಿ ಈ ಇಬ್ಬರ ಲೋಕ ಮಾತ್ರ ಬೇರೆಯದೇ ಆಗಿತ್ತು. ಯಾರೂ ಇಲ್ಲದ ಗೋಡೆಯ ಮೂಲೆಗಳಲ್ಲೇ ಒಬ್ಬರಿಗೊಬ್ಬರು ಒತ್ತಿಕೊಂಡು ನಿಂತು ಮಾತಾಡುವ ದೃಶ್ಯವನ್ನು ಬಹುತೇಕ ಎಲ್ಲರೂ ನೋಡಿದ್ದಾರೆ, ಅಷ್ಟೇ ಅಲ್ಲ ಹುಬ್ಬೇರಿಸಿದ್ದಾರೆ ಕೂಡಾ. ಆದರೆ ಪಾರ್ಟಿಯಿಂದ ಹೊರನಡೆಯುವ ಸಂದರ್ಭದಲ್ಲಂತೂ ಕಂಗನಾ ಗೋಡೆಗೆ ಬೆನ್ನು ತಾಗಿಸಿ ಒರಗಿದರೆ, ದಿನೋ ನೇರವಾಗಿ ಆಕೆಯನ್ನು ಅಪ್ಪಿಕೊಳ್ಳುತ್ತಾ, ಗಾಢವಾಗಿ ತುಟಿಗೆ ತುಟಿಸೇರಿಸಿ ಚುಂಬಿಸಿದ್ದಾನೆ. ಇದನ್ನು ಪಾರ್ಟಿಯಲ್ಲಿ ಬಹುತೇಕರು ನೋಡಿದ್ದಾರೆ ಕೂಡಾ. ಅಷ್ಟೇ ಅಲ್ಲ, ಕೆಲ ಗಾಸಿಪ್ಪಿಗರು, ತಾವು ಹಬ್ಬಿಸುವ ಗಾಸಿಪ್ಪಿಗೆ ಸೂಕ್ತ ಸಾಕ್ಷಿ ಪುರಾವೆಯೂ ಇರಲಿ ಎಂಬಂತೆ ಅಚಾನಕ್ಕಾಗಿ ವಿಡಿಯೋವನ್ನೂ ಚಿತ್ರೀಕರಸಿದ್ದಾರೆ. ಸದ್ಯಕ್ಕೀಗ ಇವರಿಬ್ಬರ ಮತ್ತಿನ ಚುಂಬನ ಅಂತರ್ಜಾಲದಲ್ಲಿ ಹರಿದಾಡುತ್ತಿರುವ ಹಾಟ್ ಐಟಂ.
ಅದೇನೇ ಇರಲಿ, ಅಧ್ಯಾಯನ್ ಸುಮನ್ ಕೈಕೊಟ್ಟ ಮೇಲೆ ವಿರಕ್ತಳಾಗಿ ಏಕಾಂಗಿಯಾಗಿ ಸುತ್ತುತ್ತಿದ್ದ ಕಂಗನಾಳಿಗೆ ಕೊನೆಗೂ ಜೋಡಿ ಸಿಕ್ಕಿದ್ದಾನೆ. ಎಷ್ಟು ದಿನ ಈ ಜೋಡಿ ಸುದ್ದಿ ಮಾಡುತ್ತೋ ನೋಡಬೇಕು. ಗಾಸಿಪ್ಪಿಗರೂ, ಸುದ್ದಿ ಮಾಡೋದಕ್ಕೆ ಹಲ್ಲುಕಿರಿದು ಕಾಯುತ್ತಲೂ ಇದ್ದಾರೆ ಬಿಡಿ..!