ಮುಖ್ಯ ಪುಟ 
ಮನರಂಜನೆ » ಬಾಲಿವುಡ್‌ » ಸಿನಿಮಾ ವಿಮರ್ಶೆ » ಶಾಹಿದ್, ಪ್ರಿಯಾಂಕಾ ಜೋಡಿಯ 'ಕಮೀನೇ' ಸೂಪರ್ಬ್! (Kaminey | Shahid Kapoor | Dhan Te Nan | Priyanka Chopra | Vishal Bhardwaj)
ಮನರಂಜನೆ » ಬಾಲಿವುಡ್‌ » ಸಿನಿಮಾ ವಿಮರ್ಶೆ » ಶಾಹಿದ್, ಪ್ರಿಯಾಂಕಾ ಜೋಡಿಯ 'ಕಮೀನೇ' ಸೂಪರ್ಬ್! (Kaminey | Shahid Kapoor | Dhan Te Nan | Priyanka Chopra | Vishal Bhardwaj)
Feedback
Print
ಶಾಹಿದ್, ಪ್ರಿಯಾಂಕಾ ಜೋಡಿಯ 'ಕಮೀನೇ' ಸೂಪರ್ಬ್! 
IFM
'ಹಮ್' ಚಿತ್ರದ 'ಜುಮ್ಮಾ ಚಮ್ಮಾ... ', 'ತೇಝಾಬ್' ಚಿತ್ರದ 'ಏಕ್ ದೋ ತೀನ್...', 'ಖಳ್‌ನಾಯಕ್' ಚಿತ್ರದ 'ಛೋಲಿ ಕೇ ಪೀಚೇ ಕ್ಯಾ ಹೈ..'ಯಂತಹ ಹಾಡುಗಳಂತೆ ಈ ಬಾರಿ ಕಮೀನೇ ಚಿತ್ರದ 'ಢನ್ ಟೇ ನಾನ್...' ಹಾಡು ಭಾರೀ ಜನಪ್ರಿಯತೆ ಗಳಿಸಿದರೆ ಆಶ್ಚರ್ಯವಿಲ್ಲ. ಈ ಹಾಡು ಪ್ರಾರಂಭವಾಗುತ್ತಿದ್ದಂತೆ ಕಾಲುಗಳು ಕುಣಿಯಲಾರಂಭಿಸುತ್ತದೆ. ಹಾಡಿನ ಬೀಟ್ಸ್‌ ಅಂತಹುದು.
IFM
ಕಮೀನೇ ಚಿತ್ರ ಇಬ್ಬರು ಅವಳಿ ಸಹೋದರರ ಕಥೆ. ಚಾರ್ಲಿ ಹಾಗೂ ಗುಡ್ಡು (ಶಾಹಿದ್ ಕಪೂರ್) ಅವಳಿ ಸಹೋದರರು. ಚಾರ್ಲಿಗೆ ಸ್ವಲ್ಪ ತೊದಲುವಿಕೆ ಇದ್ದರೆ ಗುಡ್ಡುವಿಗೆ ಉಗ್ಗು (ಬಿಕ್ಕಳಿಕೆ) ಇರುತ್ತದೆ. ನೋಡಲು ಒಂದೇ ತೆರನಾಗಿರೋದು ಬಿಟ್ಟರೆ, ಈ ಇಬ್ಬರಿಗೂ ಇದೊಂದೇ ಸಾಮ್ಯತೆ. ಬೇರೆ ಎಲ್ಲಾ ವಿಚಾರಗಳಲ್ಲೂ ಇವರಿಬ್ಬರು ತದ್ವಿರುದ್ಧ. ಚಾರ್ಲಿಗೆ ಬಹುಬೇಗನೆ ಶ್ರೀಮಂತನಾಗುವ ಕನಸಿದ್ದರೆ, ಗುಡ್ಡು ಹಾಗಲ್ಲ. ಶ್ರಮವಹಿಸಿ ಕೆಲಸ ಮಾಡುವ ವರ್ಗದವನು. ಇಂತಿಪ್ಪ ಸಂದರ್ಭ ಗುಡ್ಡುವಿನ ಜೀವನದಲ್ಲಿ ಸ್ವೀಟಿ (ಪ್ರಿಯಾಂಕಾ ಛೋಪ್ರಾ)ಯ ಆಗಮನವಾಗುತ್ತದೆ.
IFM
ಚಿತ್ರದ ಸಂಭಾಷಣೆಗೂ ಫುಲ್ ಮಾರ್ಕ್ ನೀಡಬೇಕು. ಅದರಲ್ಲೂ ಭಾರದ್ವಾಜ್ ಗೆದ್ದಿದ್ದಾರೆ. ಢನ್ ಟೇ ನಾನ್ ಹಾಡಿನ ಹೊರತು ಉಳಿದ ಹಾಡುಗಳೆಲ್ಲವೂ ರಾಕಿಂಗ್ ಆಗಿಲ್ಲ. ಆದರೂ ಚಿತ್ರವನ್ನು ಕಟ್ಟಿಕೊಡುವಲ್ಲಿ ಹಾಡು ಬಳಕೆಯಾಗಿ ಕೇಳುವಂತೆ ಮಾಡುತ್ತದೆ.
IFM
ಇನ್ನು ಅಮೋಲ್ ಗುಪ್ತೆ ಕೂಡಾ ಅತ್ಯುತ್ತಮ ಅಭಿನಯ ನೀಡಿದ್ದಾರೆ. ಚಂದನ್ ರಾಯ್ ಸನ್ಯಾಲ್, ಶಿವಸುಬ್ರಹ್ಮಣಿಯನ್, ಹೃಷಿಕೇಶ್ ಜೋಷಿ ಎಲ್ಲರೂ ಪಾತ್ರಕ್ಕೆ ನ್ಯಾಯ ಒದಗಿಸಿದ್ದಾರೆ. ಚಿತ್ರದ ಪ್ಲಸ್ ಪಾಯಿಂಟ್ ವಿಶಾಲ್ ಭಾರದ್ವಾಜ್, ಶಾಹಿದ್ ಕಪೂರ್, ಪ್ರಿಯಾಂಕಾ ಛೋಪ್ರಾ ಹಾಗೂ ಢನ್ ಟೇ ನಾನ್ ಹಾಡು. ಇವಿಷ್ಟಕ್ಕಾಗಿಯಾದರೂ ಚಿತ್ರ ನೋಡಲು ಚಿತ್ರರಸಿಕರು ಧಾರಾಳವಾಗಿ ಹೋಗುತ್ತಾರೆ.
ಶುಕ್ರವಾರ ಕೃಷ್ಣ ಜನ್ಮಾಷ್ಟಮಿ, ಶನಿವಾರ ಸ್ವಾತಂತ್ರ ದಿನಾಚರಣೆ ಪ್ರಯುಕ್ತದ ರಜೆ ಹಾಗೂ ಭಾನುವಾರ ರಜೆ ಇರುವುದರಿಂದ ಚಿತ್ರದ ಕಲೆಕ್ಷನ್ ಕೂಡಾ ಅದ್ಭುತವಾಗಿರುವ ನಿರೀಕ್ಷೆಯಿದೆ. ಆದರೆ ಮುಂಬೈ ಸೇರಿದಂತೆ ಹಲವೆಡೆ ಹಂದಿಜ್ವರದ ಭೀತಿಯಿಂದ ಹಲವು ಥಿಯೇಟರ್‌ಗಳು ಬಾಗಿಲು ಮುಚ್ಚಿರುವುದರಿಂದ ಇದು ಚಿತ್ರದ ಕಲೆಕ್ಷನ್ ಮೇಲೆ ಪರಿಣಾಮ ಬೀರುವ ಬಗ್ಗೆಯೂ ಗುಮಾನಿಯಿದೆ.
