ಮುಖ್ಯ ಪುಟ 
ಮನರಂಜನೆ » ಬಾಲಿವುಡ್‌ » ಕಿರುತೆರೆ » ಬಿಗ್ ಬಾಸ್ ರಿಯಾಲಿಟಿ ಶೋಗೆ ಬಿಗ್ ಬಿ ಅಮಿತಾಬ್! (Bigg Boss | Big B | Colors | Shilpa Shetty | Amitabh Bachchan)
ಮನರಂಜನೆ » ಬಾಲಿವುಡ್‌ » ಕಿರುತೆರೆ » ಬಿಗ್ ಬಾಸ್ ರಿಯಾಲಿಟಿ ಶೋಗೆ ಬಿಗ್ ಬಿ ಅಮಿತಾಬ್! (Bigg Boss | Big B | Colors | Shilpa Shetty | Amitabh Bachchan)
Feedback
Print
ಬಿಗ್ ಬಾಸ್ ರಿಯಾಲಿಟಿ ಶೋಗೆ ಬಿಗ್ ಬಿ ಅಮಿತಾಬ್! 
IFM
ಕಲರ್ಸ್ ಟಿವಿ ವಾಹಿನಿ ಆರಂಭಿಸಿದ ಬಿಗ್ ಬಾಸ್ ಕಾರ್ಯಕ್ರಮವನ್ನು ಈವರೆಗೆ ಶಿಲ್ಪಾಶೆಟ್ಟಿ ನಡೆಸುತ್ತಿದ್ದರು. ಬಿಗ್ ಬಾಸ್‌ನ ಭಾಗ 1 ಹಾಗೂ ಭಾಗ 2 ಕಾರ್ಯಕ್ರಮಗಳು ಮುಗಿದಿವೆ. ಈಗ ಭಾಗ 3ರ ಸರದಿ. ಕಲರ್ಸ್ ಚಾನಲ್ ಈವರೆಗೆ ಹಿಡಿದಿದ್ದ ಶಿಲ್ಪಾ ಶೆಟ್ಟಿ ಕೈಯನ್ನು ಬಿಟ್ಟಿದ್ದು, ಆ ಸ್ಥಾನದಲ್ಲಿ ಅಮಿತಾಬ್ ಬಚ್ಚನ್ ಅವರನ್ನು ಕೂರಿಸಿದೆ.
ಮನೆಯಂತಿರುವ ಸೆಟ್‌ನಲ್ಲಿ ಕ್ಯಾಮರಾ ಅಳವಡಿಸಿ ಗುಣನಡತೆಯನ್ನು ಅಳೆಯುವ ರಿಯಾಲಿಟಿ ಶೋ ಇದಾಗಿದೆ. ಮನೆಯೊಳಗಿನ ಗುಣನಡತೆಯನ್ನು ಅಳೆಯುವ ಕಾಯಕವನ್ನು ಈವರೆಗೆ ಶಿಲ್ಪಾ ಶೆಟ್ಟಿ ನಿಭಾಯಿಸುತ್ತಿದ್ದರು. ಈಗ ಅಮಿತಾಬ್ ಬಚ್ಚನ್ ನಿರ್ವಹಿಸಲಿದ್ದಾರೆ.
ಖಾಸಗಿ ಮನರಂಜನಾ ಚಾನಲ್‌ಗಳ ನಡುವೆ ಇದೀಗ ಭಾರೀ ಸ್ಪರ್ಧೆ ನಡೆಯುತ್ತಿದೆ. ಚಾನಲ್‌ಗಳ ಸಂಖ್ಯೆಯೂ ಹಿಂದೆ ಇದ್ದುದಕ್ಕಿಂತ ಸಾಕಷ್ಟು ಹೆಚ್ಚಿದೆ. ಅದಕ್ಕಾಗಿ ಹೆಚ್ಚು ಹೆಚ್ಚು ಕ್ರಿಯಾತ್ಮಕ, ಡಿಫರೆಂಟ್ ಕಾರ್ಯಕ್ರಮ ಪ್ರಸ್ತುತ ಪಡಿಸುವ ಸ್ಪರ್ಧೆಯೂ ನಡೆಯುತ್ತಿದೆ. ಈಗ್ಗೆ ಕೆಲವೇ ದಿನಗಳ ಹಿಂದಷ್ಟೆ ಸ್ವಯಂವರವನ್ನೇ ಟಿ ಮೂಲಕ ಮಾಡಿಕೊಳ್ಳುವ ರಿಯಾಲಿಟಿ ಶೋನಲ್ಲಿ ರಾಖಿ ಮಿಂಚಿದ್ದು ಗೊತ್ತೇ ಇದೆ. ಬಿಗ್ ಬಾಸ್ ಕಾರ್ಯಕ್ರಮ ಕೂಡಾ ಅಂತಹುದೇ ಒಂದು ಪ್ರಯತ್ನ.
IFM
ಈ ಬಗ್ಗೆ ಪ್ರತಿಕ್ರಿಯಿಸಲು ಅಮಿತಾಬ್ ಮಾತ್ರ ಮುಂಬೈನಲ್ಲಿಲ್ಲ. ಈಗಾಗಲೇ ಅವರು ಸಿಂಗಾಪುರದ ವಿಮಾನ ಹತ್ತಿದ್ದಾರೆ. ಅಷ್ಟೇ ಅಲ್ಲ, ಸದ್ಯಕ್ಕಂತೂ ಸಿಂಗಾಪುರದಿಂದ ಬರುವ ಲಕ್ಷಣವೂ ಇಲ್ಲ.
ಅಮಿತಾಬ್ ಹೇಳುವಂತೆ, ಕಾರ್ಯಕ್ರಮ ನಾನು ನಡೆಸುತ್ತಿರುವುದು ಹೌದು. ಆದರೆ ನಾನು ಮುಂಬೈನಲ್ಲಿಲ್ಲ. ಸಿಂಗಾಪುರಕ್ಕೆ ನನ್ನ ಗೆಳೆಯ ಅಮರ್‌ಸಿಂಗ್ (ಸಮಾಜವಾದಿ ಪಕ್ಷದ ಮುಖಂಡ) ಅವರನ್ನು ನೋಡಿಕೊಳ್ಳಲೆಂದು ಸಿಂಗಾಪುರಕ್ಕೆ ಬಂದಿದ್ದೇನೆ. ಅಮರ್ ಸಿಂಗ್ ಆರೋಗ್ಯ ಸರಿಯಿಲ್ಲ. ಇತ್ತೀಚೆಗಷ್ಟೆ ಆಪರೇಷನ್ ನಡೆದಿದೆ. ಇಂಥ ಸಂದರ್ಭ ಆತ್ಮೀಯ ಗೆಳೆಯನಾಗಿ ನಾನಿಲ್ಲಿ ಇರಲೇಬೇಕು. ಹಾಗಾಗಿ ಸದ್ಯಕ್ಕೆ ಮುಂಬೈಗೆ ಬರುವ ಪ್ಲಾನ್ ಇಲ್ಲ. ಆದರೆ ಕಾರ್ಯಕ್ರಮ ನಡೆಸುವುದಕ್ಕಾಗಿ ಪ್ರತಿ ಶುಕ್ರವಾರ ಮುಂಬೈಗೆ ಬಂದು ಮತ್ತೆ ಸಿಂಗಾಪುರಕ್ಕೆ ಮರಳುತ್ತೇನೆ ಎನ್ನುತ್ತಾರೆ.
ಸಂಬಂಧಿತ ಮಾಹಿತಿ ಹುಡುಕಿ
ಇದನ್ನು ಸಹ ಶೋಧಿಸು: ಬಿಗ್ ಬಾಸ್, ಕಲರ್ಸ್, ಬಿಗ್ ಬಿ, ಶಿಲ್ಪಾ ಶೆಟ್ಟಿ, ಅಮಿತಾಬ್ ಬಚ್ಚನ್, ಅಮರ್ ಸಿಂಗ್