ಮುಖ್ಯ ಪುಟ 
ಮನರಂಜನೆ » ಸ್ಯಾಂಡಲ್ ವುಡ್ » ಸುದ್ದಿ/ಗಾಸಿಪ್ » ಒಂದೇ ದಿನದಲ್ಲಿ ಡಬ್ಬಿಂಗ್ ಮುಗಿಸಿದ ಯಶ್! (Yash | Moggin Manasu | Gokula | Kallara Santhe)
ಮನರಂಜನೆ » ಸ್ಯಾಂಡಲ್ ವುಡ್ » ಸುದ್ದಿ/ಗಾಸಿಪ್ » ಒಂದೇ ದಿನದಲ್ಲಿ ಡಬ್ಬಿಂಗ್ ಮುಗಿಸಿದ ಯಶ್! (Yash | Moggin Manasu | Gokula | Kallara Santhe)
Feedback
Print
ಒಂದೇ ದಿನದಲ್ಲಿ ಡಬ್ಬಿಂಗ್ ಮುಗಿಸಿದ ಯಶ್! 
MOKSHA
ಈ ಬಗ್ಗೆ ಮಾತನಾಡಿದ ಯಶ್ ಹೇಳುವುದು ಹೀಗೆ. ''ಗೋಕುಲ ಚಿತ್ರದ ಶೂಟಿಂಗ್ ಕಾರ್ಯ ಮುಗಿದಿದೆ. ಡಬ್ಬಿಂಗ್ ಕಾರ್ಯ ಕೂಡಾ ಮುಕ್ತಾಯವಾಗಿದೆ. ನನಗೆ ಮೊಗ್ಗಿನ ಮನಸು ಚಿತ್ರಕ್ಕೆ ಡಬ್ಬಿಂಗ್ ಮಾಡುವಾಗ ಪ್ರತಿ ಬಾರಿಯೂ ನೆಗಡಿಯಾಗಿ ಸ್ವರ ಬದಲಾಗುತ್ತಿತ್ತು. ಇದರಿಂದ ನನಗೆ ಡಬ್ಬಿಂಗ್ ಮುಗಿಸುವುದೇ ದೊಡ್ಡ ಕಷ್ಟವಾಯ್ತು. ಹೇಗೋ ಮುಗಿಸಿದೆ. ಈ ಬಾರಿ ಗೋಕುಲ ಚಿತ್ರಕ್ಕೂ ನನಗೆ ಅದೇ ಭಯವಿತ್ತು. ಎಲ್ಲಿ ನೆಗಡಿಯಾಗಿ ಬಿಡುತ್ತೋ ಅಂತ. ಕೊನೆಗೂ ಏನೂ ಆಗದಂತೆ ಡಬ್ಬಿಂಗ್ ಕೇವಲ ಒಂದೇ ದಿನದಲ್ಲಿ ಮುಗಿಸಿದೆ'' ಎನ್ನುತ್ತಾರೆ ಯಶ್ ಖುಷಿಯಿಂದ.
''ಗೋಕುಲ ಚಿತ್ರದ ಶೂಟಿಂಗ್ ಸಮಯ ತುಂಬ ಖುಷಿಕೊಟ್ಟಿತು. ಕಳ್ಳರ ಸಂತೆ ಚಿತ್ರದ ಶೂಟಿಂಗ್ ಕೂಡಾ ಅಷ್ಟೆ. ಮಜಾವಾಗಿತ್ತು. ಗೋಕುಲ ಚಿತ್ರವಿಡೀ ಮನರಂಜನೆ. ಅದರಲ್ಲಿ ನಾನೊಬ್ಬ ಮಹಾ ಛತ್ರಿ. ಆದರೆ ಕಳ್ಳರ ಸಂತೆ ಹಾಗಲ್ಲ. ಅದರ ಪಾತ್ರ ಸ್ವಲ್ಪ ಕಷ್ಟದ್ದು. ಅದು ನನಗೆ ಸವಾಲೊಡ್ಡಿದ ಪಾತ್ರ. ಜತೆಗೆ ಕಳ್ಳರ ಸಂತೆಯಲ್ಲಿ ನಾನು ಹಿರಿಯ ನಟರೊಂದಿಗೆ ನಟಿಸಬೇಕಿತ್ತು. ಹಿರಿಯ ನಟನಟಿಯರಾದ ಸುಧಾರಾಣಿ, ರಂಗಾಯಣ ರಘು, ಶೋಭರಾಜ್ ಅವರ ಜತೆ ನಟಿಸಿದ್ದು ಒಂದು ಅದ್ಭುತ ಅನುಭವ'' ಎನ್ನುತ್ತಾರೆ ಯಶ್.
ಸದ್ಯಕ್ಕೆ ಗೋಕುಲ ಚಿತ್ರದ ಹಾಡುಗಳಿಗೆ ಕುಣಿಯುವುದಷ್ಟೇ ಯಶ್‌ಗೆ ಬಾಕಿಯಿರುವ ಕೆಲಸ. ಅದು ಸೆ.22ರಿಂದ ಆರಂಭವಾಗಲಿದೆ. ಅದಾದ ನಂತರ ಹೊಸ ಚಿತ್ರವೊಂದರಲ್ಲಿ ಯಶ್ ನಟಿಸಲಿದ್ದಾರಂತೆ. ಅದಕ್ಕೆ ಅ.20ರಿಂದ ಶೂಟಿಂಗ್ ಆರಂಭವಾಗಲಿದೆ. ಅಂತೂ ಯಶ್ ಬ್ಯುಸಿ.