ಮುಖ್ಯ ಪುಟ 
ಮನರಂಜನೆ » ಸ್ಯಾಂಡಲ್ ವುಡ್ » ಸುದ್ದಿ/ಗಾಸಿಪ್ » ಮಗನ 'ಗಿಲ್ಲಿ': ಕಣ್ತುಂಬಿಕೊಂಡು ಭಾವುಕರಾದ ಜಗ್ಗೇಶ್! (Gilli | Jaggesh | Gururaj | Yathiraj)
ಮನರಂಜನೆ » ಸ್ಯಾಂಡಲ್ ವುಡ್ » ಸುದ್ದಿ/ಗಾಸಿಪ್ » ಮಗನ 'ಗಿಲ್ಲಿ': ಕಣ್ತುಂಬಿಕೊಂಡು ಭಾವುಕರಾದ ಜಗ್ಗೇಶ್! (Gilli | Jaggesh | Gururaj | Yathiraj)
Feedback
Print
ಮಗನ 'ಗಿಲ್ಲಿ': ಕಣ್ತುಂಬಿಕೊಂಡು ಭಾವುಕರಾದ ಜಗ್ಗೇಶ್! 
MOKSHA
ಹೌದು. ತಮ್ಮ ಮಗ ಅಭಿನಯಿಸಿದ ಗಿಲ್ಲಿ ಚಿತ್ರದ ಕೆಲವು ದೃಶ್ಯಗಳನ್ನು ನೋಡಿ ಜಗ್ಗೇಶ್ ಕಣ್ಣಂಚಲ್ಲಿ ನೀರು ತುಂಬಿಕೊಂಡಿತ್ತು. ತಾವು ಕಷ್ಟಪಟ್ಟ ದಿನಗಳನ್ನು ಚಿತ್ರದ ದೃಶ್ಯಗಳೇ ಅವರಿಗೆ ನೆನಪಿಸಿದ್ದು ವಿಶೇಷ. ನನ್ನ ಜೀವನದಲ್ಲಿನ ಹತಾಶೆ, ನೋವು, ನಲಿವು ಎಲ್ಲವೂ ಈ ಚಿತ್ರದಲ್ಲಿ ಮೂಡಿಬಂದಿದೆ. ಅದರೆ ಇಲ್ಲಿ ವಿಶೇಷ ಎಂದರೆ ನನ್ನ ಜೀವನದ ಪಾತ್ರವನ್ನು ನನ್ನ ಮಗ ಗುರುರಾಜ್ ಅಭಿನಯಿಸುತ್ತಾನೆ ಅಂದರು ಜಗ್ಗೇಶ್.
ಮಗ ಗುರುರಾಜ ಅಂದು ಐಪಿಎಸ್ ಮಾಡುವ ಬಯಕೆ ವ್ಯಕ್ತಪಡಿಸಿದಾಗ ಜಗ್ಗೇಶ್‌ಗೆ ಖುಷಿಯಾಗಿತ್ತಂತೆ. ಆದರೆ, ಇದ್ದಕ್ಕಿದ್ದಂತೆ ನಾಯಕನಾಗುವ ಆಸೆ ಹೇಳಿಕೊಂಡಾಗ ಸ್ವತಃ ಜಗ್ಗೇಶ್ ಅವರಿಗೇ ಅಚ್ಚರಿ. ಚಿತ್ರೋದ್ಯಮದಲ್ಲಿ ಏಗುವುದು ಸುಲಭದ ಮಾತಲ್ಲ ಎಂಬುದು ಅವರ ಸ್ವಂತ ಅನುಭವ.
MOKSHA
ಈ ಚಿತ್ರದ ಮೂಲಕ ಕನ್ನಡ ಚಿತ್ರರಂಗಕ್ಕೆ ಕಾಲಿಟ್ಟಿರುವ ಗುರುರಾಜ್, ಸಿನಿಮಾಭಿಮಾನಿಗಳಲ್ಲಿ ಒಂದು ಹೊಸ ಭರವಸೆಯನ್ನು ಮೂಡಿಸಲಿದ್ದಾರೆ. ಚಿತ್ರವನ್ನು ನೋಡಿದವರು ಕನ್ನಡಕ್ಕೊಬ್ಬ ನವ ನಾಯಕ ಎಂಟ್ರಿ ಕೊಡುವುದು ಗ್ಯಾರಂಟಿ ಎಂಬುದು ಚಿತ್ರತಂಡದ ಅಂಬೋಣ. ಅದೇನೇ ಇರಲಿ, ಅದನ್ನು ಪ್ರೇಕ್ಷಕರೇ ನಿರ್ಧರಿಸುತ್ತಾರೆ ಅನ್ನೋಣ ಬಿಡಿ.
ಚಿತ್ರದ ಕಥೆ ಮತ್ತು ಪಾತ್ರಗಳು ಇತರ ಸಿನಿಮಾಗಳಂತೆ ಸುಲಭದ ಮಾತಲ್ಲ. ಆದರೆ ಇದನ್ನು ಹೊಸಬರಾದರೂ ಗುರುರಾಜ್ ಅಚ್ಚುಕಟ್ಟಾಗಿ ನಿರ್ವಹಿಸಿದ್ದಾರೆ ಎನ್ನುತ್ತಾರೆ ನಿರ್ದೇಶಕ ರಾಘವ ಲೋಕಿ. ಹಾಸ್ಯದಲ್ಲಿ ಸಾಧು ಕೋಕಿಲ ಹಾಗೂ ಜಗ್ಗೇಶ್ ಕಿರಿಯ ಪುತ್ರ ಯತಿರಾಜ್ ಮೊದಲಾದವರಿದ್ದಾರೆ. ಒಟ್ಟಿನಲ್ಲಿ ಅ.2ರಂದು ತೆರೆಕಾಣಲಿರುವ ಚಿತ್ರ ಯಾವ ರೀತಿ ಮೋಡಿ ಮಾಡುತ್ತದೆ ಎಂದು ಕಾದುನೋಡಬೇಕಷ್ಟೆ.