ಮುಖ್ಯ ಪುಟ 
ಮನರಂಜನೆ » ಸ್ಯಾಂಡಲ್ ವುಡ್ » ಸುದ್ದಿ/ಗಾಸಿಪ್ » 'ಸಂಜು ವೆಡ್ಸ್ ಗೀತಾ'ದಿಂದ ರಮ್ಯಾಗೆ ಗೇಟ್‌ಪಾಸ್ ಎಂಬ ಗಾಳಿಸುದ್ದಿ! (Sanju Weds Geetha | Ramya | Nagashekhar | Sreenagara Kitty)
ಮನರಂಜನೆ » ಸ್ಯಾಂಡಲ್ ವುಡ್ » ಸುದ್ದಿ/ಗಾಸಿಪ್ » 'ಸಂಜು ವೆಡ್ಸ್ ಗೀತಾ'ದಿಂದ ರಮ್ಯಾಗೆ ಗೇಟ್‌ಪಾಸ್ ಎಂಬ ಗಾಳಿಸುದ್ದಿ! (Sanju Weds Geetha | Ramya | Nagashekhar | Sreenagara Kitty)
Feedback
Print
'ಸಂಜು ವೆಡ್ಸ್ ಗೀತಾ'ದಿಂದ ರಮ್ಯಾಗೆ ಗೇಟ್‌ಪಾಸ್ ಎಂಬ ಗಾಳಿಸುದ್ದಿ! 
MOKSHA
ಹೌದು. ರಮ್ಯ ರಂಪಾಟ ಪ್ರಕರಣದ ನಂತರ ರಮ್ಯಾ ಒಪ್ಪಿಕೊಂಡ ಇನ್ನೊಂದು ಸಿನಿಮಾ ಸಂಜು ವೆಡ್ಸ್ ಗೀತಾದಿಂದ ಆಕೆಯನ್ನು ಕೈಬಿಡಲಾಗುತ್ತದಂತೆ. ಆಕೆಯ ಸ್ಥಾನಕ್ಕಾಗಿ ನಿರ್ದೇಶಕರು ಬೇರೆ ನಾಯಕಿಯ ಹುಡುಕಾಟದಲ್ಲಿದ್ದಾರಂತೆ ಎಂಬಂಥ ಸುದ್ದಿಗಳು ದಿನವೂ ಗಾಂಧಿನಗರದ ಮೊಗಸಾಲೆಯಲ್ಲಿ ಬಂದು ಬೀಳುತ್ತವೆ. ರಮ್ಯಾ 'ಜಸ್ಟ್ ಮಾತ್ ಮಾತಲಿ' ಚಿತ್ರದ ಶೂಟಿಂಗ್ ಸಂದರ್ಭ ನಿರ್ದೇಶಕ ಸುದೀಪ್ ಹಾಗೂ ಕೊರಿಯೋಗ್ರಾಫರ್ ಹರ್ಷ ಅವರಿಗೆ ಅವಮಾನ ಮಾಡಿದ್ದಕ್ಕಾಗಿ ಅವರನ್ನು ತನ್ನ ಚಿತ್ರದಿಂದ ನಾಗಶೇಖರ್ ಕೈಬಿಟ್ಟಿದ್ದಾರೆ ಎಂಬುದೇ ಗಾಳಿ ಸುದ್ದಿಯ ತರ್ಕ. ಆದರೆ ಈ ಸುದ್ದಿಯನ್ನೆಲ್ಲ, ಸಂಜು ವೆಡ್ಸ್ ಗೀತಾದ ನಿರ್ದೇಶಕ ನಾಗಶೇಖರ್ ಸುಳ್ಳು ಎಂದಿದ್ದಾರೆ.
ನಟ, ನಿರ್ದೇಶಕ ನಾಗಶೇಖರ್ ಅವರು ಶ್ರೀನಗರ ಕಿಟ್ಟಿ ಹಾಗೂ ರಮ್ಯಾರನ್ನು ಹಾಕಿಕೊಂಡು ಸಂಜು ವೆಡ್ಸ್ ಗೀತಾ ಚಿತ್ರ ಮಾಡುತ್ತಿದ್ದಾರೆ. ರಮ್ಯಾ ರಂಪಾಟದ ನಂತರವಷ್ಟೆ ಈ ರಮ್ಯಳನ್ನು ಕೈಬಿಟ್ಟಿದ್ದಾರೆ ಎಂಬ ಗಾಳಿಸುದ್ದಿ ಬಂದಿದ್ದು. ಅದಕ್ಕಾಗಿ ನೇರವಾಗಿ ನಾಗಶೇಖರ್ ಅವರಲ್ಲೇ ರಮ್ಯರನ್ನು ಕೈಬಿಟ್ಟಿದ್ದೀರೋ ಹೇಗೆ ಎಂದರೆ, ಅವರು ಖಂಡಿತವಾಗಿಯೂ ಇಲ್ಲ ಎಂದು ಉತ್ತರಿಸುತ್ತಾರೆ.
MOKSHA
ಯಾಕೆ ಹೀಗೆ ಸುದ್ದಿಯಾಯಿತು ಅನ್ನೋದೇ ಗೊತ್ತಿಲ್ಲ. ರಮ್ಯಾಳನ್ನು ಕೈಬಿಡುವ ಪ್ರಶ್ನೆಯೇ ಇಲ್ಲ. ಅಂತಹ ನಿರ್ಧಾರವೇಕೆ, ಯೋಚನೆಯೂ ನನ್ನ ತಲೆಯಲ್ಲಿ ಬಂದಿಲ್ಲ ಎನ್ನುತ್ತಾರೆ ನಾಗಶೇಖರ್. ನಾನು ಈಗಷ್ಟೇ ರಮ್ಯಾ ಜತೆಗೆ ಚಿತ್ರದ ಬಗ್ಗೆ ಮಾತುಕತೆ ನಡೆಸಿದ್ದೇನೆ. ನಮ್ಮ ನಡುವೆ ಯಾವುದೇ ಭಿನ್ನಾಭಿಪ್ರಾಯಗಳಿಲ್ಲ. ನನಗೆ ಆಕೆಯ ಬಗ್ಗೆ ನಟಿಯಾಗಿ ಗೌರವವಿದೆ. ಆಕೆಗೂ ಅಷ್ಟೆ. ನಾನು ನಿರ್ದೇಶಕನಾಗಿ ಆಕೆ ನನ್ನನ್ನು ಗೌರವಿಸುತ್ತಾಳೆ. ನಮ್ಮ ನಡುವೆ ಅಂತಹ ಭಿನ್ನಾಭಿಪ್ರಾಯಗಳು ಎದ್ದಿಲ್ಲ. ಅಲ್ಲದೆ, ರಮ್ಯಾಳನ್ನು ಇಲ್ಲಿ ನಾನು ಯಾಕೆ ಬದಲಾಯಿಸಬೇಕು ಎಂಬುದೇ ಅರ್ಥವಾಗುತ್ತಿಲ್ಲ. ನಾನು ಚಿತ್ರಕ್ಕಾಗಿ ಆಕೆಯನ್ನು ಆಯ್ಕೆ ಮಾಡಿದ್ದೇನೆ.ಯ ಚಿತ್ರಕಥೆಯನ್ನು ಬರೆಯುವಾಗಲೂ ನನ್ನ ತಲೆಗೆ ಬಂದಿದ್ದು ಆಕೆಯೇ. ರಮ್ಯಾಳನ್ನು ದೃಷ್ಟಿಯಲ್ಲಿರಿಸಿಕೊಂಡೇ ಚಿತ್ರಕಥೆ ಬರೆದಿರುವುದರಿಂದ ಆಕೆಯನ್ನೇ ಚಿತ್ರಕ್ಕೆ ಆಯ್ಕೆ ಮಾಡಿದ್ದೇನೆ ಎನ್ನುತ್ತಾರೆ ನಾಗಶೇಖರ್.
ಗಲಾಟೆಯಿಂದಾಗಿ ರಮ್ಯಾ ಅಂತೂ ಜಸ್ಟ್ ಮಾತ್ ಮಾತಲಿ ಚಿತ್ರದಿಂದ ಹೊರಬಿದ್ದಿದ್ದಾರೆ. ಆಕೆಯಿಲ್ಲದೆ ಚಿತ್ರ ಮಾಡುವ ಪಣತೊಟ್ಟಿರುವ ಸುದೀಪ್ ತನ್ನ ಚಿತ್ರಕಥೆಯನ್ನೂ ಕೂಡಾ ಕೊಂಚ ಬದಲಾಯಿಸಿಕೊಂಡಿದ್ದಾರೆ. ಇತ್ತ ರಮ್ಯಾ ಪ್ರಕಾಶ್ ರೈ ಅವರ ಚೊಚ್ಚಲ ನಿರ್ದೇಶನದ ಕನ್ನಡ ಚಿತ್ರ ನಾನು ನನ್ನ ಕನಸು ಚಿತ್ರದ ಕನಸಿನಲ್ಲಿ ಮುಳುಗಿದ್ದಾರೆ. ಪ್ರಕಾಶ್ ರೈ ಸ್ವತಃ ತನಗೆ ಆಫರ್ ಕೊಟ್ಟಿರೋದಕ್ಕೆ ಉಬ್ಬಿ ಹೋಗಿರುವ ರಮ್ಯಾ, ಆ ಚಿತ್ರ ಎಲ್ಲ ರೀತಿಯಿಂದಲೂ ಉತ್ತಮವಾಗಿ ಹೊರಬರಲು ತಾನು ಶಕ್ತಿ ಮೀರಿ ನಟಿಸುತ್ತೇನೆ ಎಂದೂ ಹೇಳಿದ್ದಾಳಂತೆ.
ಸಂಬಂಧಿತ ಮಾಹಿತಿ ಹುಡುಕಿ
ಇದನ್ನು ಸಹ ಶೋಧಿಸು: ಸಂಜು ವೆಡ್ಸ್ ಗೀತಾ, ರಮ್ಯಾ, ನಾಗಶೇಖರ್, ಶ್ರೀನಗರ ಕಿಟ್ಟಿ, ಜಸ್ಟ್ ಮಾತ್ ಮಾತಲಿ, ಸುದೀಪ್, ಹರ್ಷ