ಮುಖ್ಯ ಪುಟ 
ಮನರಂಜನೆ » ಸ್ಯಾಂಡಲ್ ವುಡ್ » ಸುದ್ದಿ/ಗಾಸಿಪ್ » ಐಂದ್ರಿತಾಳೊಂದಿಗೆ ಧೂಳ್ ಎಬ್ಬಿಸಲಿರುವ ಯೋಗಿ! (Dhool | Yogeesh | Aindritha Rey | Prakash Rai)
ಮನರಂಜನೆ » ಸ್ಯಾಂಡಲ್ ವುಡ್ » ಸುದ್ದಿ/ಗಾಸಿಪ್ » ಐಂದ್ರಿತಾಳೊಂದಿಗೆ ಧೂಳ್ ಎಬ್ಬಿಸಲಿರುವ ಯೋಗಿ! (Dhool | Yogeesh | Aindritha Rey | Prakash Rai)
Feedback
Print
ಐಂದ್ರಿತಾಳೊಂದಿಗೆ ಧೂಳ್ ಎಬ್ಬಿಸಲಿರುವ ಯೋಗಿ! 
MOKSHA
ಧೂಳ್ ಚಿತ್ರದಲ್ಲಿ ಲೂಸ್ ಮಾದ ಖ್ಯಾತಿಯ ಯೋಗೀಶ್‌ಗೆ ಜೊತೆಯಾಗಿದ್ದಾರೆ ಕನ್ನಡ ಚಿತ್ರರಂಗದ ಸದ್ಯದ ಸೆನ್ಸೇಷನ್ ತಾರೆ ಐಂದ್ರಿತಾ ರೇ. ದುನಿಯಾ ವಿಜಿಯೊಂದಿಗೆ ಜಂಗ್ಲಿ ಚಿತ್ರದಲ್ಲಿ, ಪ್ರಜ್ವಲ್ ಜೊತೆ ಮೆರವಣಿಗೆ ಚಿತ್ರದಲ್ಲಿ ಮಿಂಚಿದ ಈ ಬಾಲೆ, ಇತ್ತೀಚೆಗಷ್ಟೇ ಮನಸಾರೆ ಚಿತ್ರ ಬಿಡುಗಡೆಯಾದ ನಂತರವಂತೂ ಹೆಚ್ಚಿನ ಸ್ಟಾರ್ ವ್ಯಾಲ್ಯೂ ಪಡೆದಿದ್ದಾಳೆ ಎಂಬುದು ಗಾಂಧಿನಗರದ ಪಂಡಿತರ ಅಂಬೋಣ.
ಸೇವಾಲಾಲ್ ಪ್ರೊಡಕ್ಷನ್ಸ್ ಲಾಂಛನದಲ್ಲಿ ತಯಾರಾಗುತ್ತಿರುವ ಧೂಳ್ ಚಿತ್ರವನ್ನು ನಂಜುಡಿ ಕಲ್ಯಾಣದಂತಹ ಹಿಟ್ ಚಿತ್ರವನ್ನು ಕೊಟ್ಟ ನಿರ್ದೇಶಕರಾದ ಎಂ.ಎಸ್.ರಾಜಶೇಖರ್ ಅವರ ಮಗ ಧರಣಿ ನಿರ್ದೇಶಿಸುತ್ತಿದ್ದಾರೆ. ಹರಿಕೃಷ್ಣರ ಸಂಗೀತ, ಕೆ.ಎಚ್.ದತ್ತುರವರ ಛಾಯಾಗ್ರಹಣವಿರುವ ಈ ಚಿತ್ರಕ್ಕೆ ಕೆ.ರಾಮ್ ನಾರಾಯಣ್ ಸಂಭಾಷಣೆ ಒದಗಿಸಿದ್ದಾರೆ. ರಾಷ್ಟ್ತ್ರಪ್ರಶಸ್ತಿ ವಿಜೇತ ಪ್ರಕಾಶ್ ರೈ ಒಂದು ಗಮನಾರ್ಹ ಪಾತ್ರದಲ್ಲಿ ಕಾಣಿಸಿಕೊಂಡಿದ್ದಾರೆ ಎಂಬುದು ಕುತೂಹಲ ಕೆರಳಿಸಿರುವ ವಿಷಯ.
ಏನೇ ಇರಲಿ, ಈ ಧೂಳ್ ನಿಜಕ್ಕೂ ಧೂಳೆಬ್ಬಿಸುತ್ತಾ ಅಂತ ಕಾದು ನೋಡದೆ ವಿಧಿಯಿಲ್ಲ.