ಮುಖ್ಯ ಪುಟ 
ಮನರಂಜನೆ » ಸ್ಯಾಂಡಲ್ ವುಡ್ » ಸುದ್ದಿ/ಗಾಸಿಪ್ » ಬಿಡುಗಡೆಯ ಹಾದಿಯಲ್ಲಿ ಉಲ್ಲಾಸ ಉತ್ಸಾಹ (Ullasa Uthsaha | Maleyali Jotheyali | Ganesh)
ಮನರಂಜನೆ » ಸ್ಯಾಂಡಲ್ ವುಡ್ » ಸುದ್ದಿ/ಗಾಸಿಪ್ » ಬಿಡುಗಡೆಯ ಹಾದಿಯಲ್ಲಿ ಉಲ್ಲಾಸ ಉತ್ಸಾಹ (Ullasa Uthsaha | Maleyali Jotheyali | Ganesh)
Feedback
Print
ಬಿಡುಗಡೆಯ ಹಾದಿಯಲ್ಲಿ ಉಲ್ಲಾಸ ಉತ್ಸಾಹ 
MOKSHA
ತೆಲುಗಿನ ಸೂಪರ್ ಹಿಟ್ ಚಿತ್ರವಾದ ಉಲ್ಲಾಸಂಗ ಉತ್ಸಾಹಂಗ ಚಿತ್ರದ ರಿಮೇಕ್ ಆಗಿರುವ ಈ ಚಿತ್ರವು ಸಾಕಷ್ಟು ತಿಂಗಳ ಹಿಂದೆಯೇ ಚಿತ್ರೀಕರಣವನ್ನು ಪ್ರಾರಂಭಿಸಿತ್ತಾದರೂ, ಕೆಲವೊಂದು ಆರ್ಥಿಕ, ಖಾಸಗಿ ಕಾರಣಗಳಿಂದ ಕುಂಟುತ್ತಾ ಸಾಗಿತ್ತು. ನಂತರ ನಡುವೆ ಒಮ್ಮೆ ಮೈ ಕೊಡವಿಕೊಂಡು ಎದ್ದ ಚಿತ್ರ ಚಿತ್ರೀಕರಣವನ್ನು ಮುಗಿಸಿದ್ದು ಬೆಳ್ಳಿತೆರೆಯಲ್ಲಿ ಕಾಣಿಸಿಕೊಳ್ಳಲಿದೆ ಎಂಬುದೇ ಸದ್ಯದ ಕುತೂಹಲ.
ಕಾಂತಿ ಸಿನಿ ಪ್ರೊಡಕ್ಷನ್ಸ್ ಲಾಂಛನದ ಅಡಿಯಲ್ಲಿ ಬಿ.ಪಿ. ತ್ಯಾಗರಾಜುರವರು ಈ ಚಿತ್ರವನ್ನು ನಿರ್ಮಿಸಿದ್ದು, ದೇವರಾಜ್ ಪಾಲನ್ ಅವರು ಸಂಭಾಷಣೆ ಬರೆದು ಚಿತ್ರವನ್ನು ನಿರ್ದೇಶಿಸಿದ್ದಾರೆ. ಕಥೆ- ಚಿತ್ರಕಥೆಯ ಹೊಣೆ ಹೊತ್ತವರು ಎ.ಕರುಣಾಕರನ್. ಜಿಎಸ್‌ವಿ ಎಂದೇ ಖ್ಯಾತರಾಗಿ, ರವಿಚಂದ್ರನ್ ಜೊತೆಯಲ್ಲಿ ಉತ್ತಮ ಚಿತ್ರಗಳನ್ನು ನೀಡಿದ ಸಿನೆಮ್ಯಾಟೋಗ್ರಾಫರ್ ಜಿ.ಎಸ್.ವೆಂಕಟರಾವ್ ಈ ಚಿತ್ರದ ಕ್ಯಾಮರಾ ಉಸ್ತುವಾರಿ ವಹಿಸಿದ್ದಾರೆ. ಸಂಗೀತ ಪ್ರಕಾಶ್ ಕುಮಾರ್ ಅವರದು.
ಈ ಚಿತ್ರದ ನಂತರ, ಗಣೇಶ್ ಅವರ ಮುಂಬರುವ ಚಿತ್ರ ಅವರದೇ ನಿರ್ಮಾಣದ ಪ್ರಥಮ ಕಾಣಿಕೆಯಾದ ಮಳೆಯಲಿ ಜೊತೆಯಲಿ ಬರಲಿದೆ. ಈಗಾಗಲೇ ಹಲವೆಡೆ ಮಳೆಯಲ್ಲೇ ಜಿನುಗುತ್ತಾ ಶೂಟಿಂಗ್ ನಡೆಸಿರುವ ಮಳೆಯಲಿ ಜೊತೆಯಲಿ ಚಿತ್ರ ಸಾಕಷ್ಟು ಸುದ್ದಿ ಮಾಡುತ್ತಿದೆ. ಸಕಲೇಶಪುರದಲ್ಲಿ ಮಳೆಯಲ್ಲಿ ಒದ್ದೆಯಾದ ನಂತರ ಬೆಂಗಳೂರಿನ ಮಳೆಯಲ್ಲೂ ಈಗ ಈ ಚಿತ್ರತಂಡ ಒದ್ದೆಯಾಗುತ್ತಿದೆ. ಉಲ್ಲಾಸ ಉತ್ಸಾಹ ಚಿತ್ರ ಗಣೇಶರ ಮುಂಬರುವ ಇನ್ನೊಂದು ಚಿತ್ರ ಮಳೆಯಲಿ ಜೊತೆಯಲಿಗೆ ಯಾವ ರೀತಿಯಲ್ಲಿ ಮುನ್ನುಡಿಯನ್ನ ಬರೆಯಲಿದೆ ಎಂಬುದನ್ನು ಕಾದು ನೋಡಬೇಕಿದೆ.