ಮುಖ್ಯ ಪುಟ 
ಮನರಂಜನೆ » ಸ್ಯಾಂಡಲ್ ವುಡ್ » ಸುದ್ದಿ/ಗಾಸಿಪ್ » ಜನವರಿಯಲ್ಲಿ ಬೆಳ್ಳಿತೆರೆಗಪ್ಪಳಿಸಲಿದೆ ಆಪ್ತರಕ್ಷಕ! (Aaptha Rakshaka | P.Vasu | Aptha Mitra | Dr.Vishnuvardhan)
ಮನರಂಜನೆ » ಸ್ಯಾಂಡಲ್ ವುಡ್ » ಸುದ್ದಿ/ಗಾಸಿಪ್ » ಜನವರಿಯಲ್ಲಿ ಬೆಳ್ಳಿತೆರೆಗಪ್ಪಳಿಸಲಿದೆ ಆಪ್ತರಕ್ಷಕ! (Aaptha Rakshaka | P.Vasu | Aptha Mitra | Dr.Vishnuvardhan)
Feedback
Printಜನವರಿಯಲ್ಲಿ ಬೆಳ್ಳಿತೆರೆಗಪ್ಪಳಿಸಲಿದೆ ಆಪ್ತರಕ್ಷಕ! 
PR
ಪಿ.ವಾಸು ನಿರ್ದೇಶನದ ದ್ವಾರಕೀಶ್ ನಿರ್ಮಾಣದ ಆಪ್ತಮಿತ್ರ ಚಿತ್ರ ಹಿಂದೆ ಭಾರೀ ಯಶಸ್ಸು ಗಳಿಸಿತ್ತು. ಕನ್ನಡ ಸಿನಿಮಾ ಇತಿಹಾಸದಲ್ಲಿ ದಾಖಲೆ ಬರೆದ ಈ ಚಿತ್ರ ಹಲವು ಪ್ರಶಸ್ತಿಗಳನ್ನು ಬುಟ್ಟಿಗೆ ಹಾಕಿತ್ತು. ವಿಷ್ಣುವರ್ಧನ್, ಸೌಂದರ್ಯಾ, ರಮೇಶ್ ತಾರಾಗಣವಿದ್ದ ಈ ಚಿತ್ರವನ್ನು ಪಿ.ವಾಸು ಅವರು ತಮಿಳಿನಲ್ಲೂ ರಜನೀಕಾಂತ್, ಜ್ಯೋತಿಕಾ ತಾರಾಗಣಗಲ್ಲಿ ನಿರ್ದೇಶಿಸಿ ಅಲ್ಲೂ ಜನಪ್ರಿಯತೆ ಪಡೆದಿದ್ದರು. ಈಗ ಮತ್ತೆ ಕನ್ನಡಕ್ಕೆ ಮರಳಿರುವ ಪಿ.ವಾಸು ಜನವರಿಯಲ್ಲಿ ಆಪ್ತರಕ್ಷಕದ ಮೂಲಕ ಚಿತ್ರರಸಿಕರಿಗೆ ರಸದೌತಣ ನೀಡಲಿದ್ದಾರೆ. ಆದರೆ ಪಿ.ವಾಸು ಅವರೇ ಈ ಹಿಂದೆ ಇದು ಆಪ್ತಮಿತ್ರದ ಎರಡನೇ ಅವತರಣಿಕೆಯಲ್ಲ ಎಂದಿದ್ದರು. ಆದರೂ ಇನ್ನೂ ಇದು ಆಪ್ತಮಿತ್ರ ಎರಡೇ ಭಾಗವೆಂದೇ ಕರೆಯಲ್ಪಡುತ್ತಿರುವುದು ವಿಶೇಷ.
ಎಂಟು ಕೋಟಿ ರೂ ವೆಚ್ಚ: ಕಳೆದ ಮಾರ್ಚ್ ತಿಂಗಳಲ್ಲೇ ಆಪ್ತರಕ್ಷಕ ಚಿತ್ರದ ಶೂಟಿಂಗ್ ಮುಗಿದಿದ್ದರೂ, ಚಿತ್ರದ ಪೋಸ್ಟ್ ಪ್ರೊಡಕ್ಷನ್ ಕೆಲಸಕ್ಕಾಗಿ ವಾಸು ಬರೋಬ್ಬರಿ ಎಂಟು ತಿಂಗಳು ತೆಗೆದುಕೊಂಡಿದ್ದಾರೆ. ಚಿತ್ರವನ್ನು ಎಂಟು ಕೋಟಿ ರೂಪಾಯಿಗಳ ಭಾರೀ ವೆಚ್ಚದಲ್ಲಿ ನಿರ್ಮಿಸಲಾಗಿದ್ದು, ಈ ಚಿತ್ರ ಬಿಡುಗಡೆಯ ನಂತರ ಜನರ ಪ್ರತಿಕ್ರಿಯೆ ನೋಡಿ ತಮಿಳಿನಲ್ಲೂ ರಿಮೇಕ್ ಮಾಡುವ ಇರಾದೆಯಿದೆ ಎಂದು ವಾಸು ಹೇಳಿದ್ದಾರೆ.
ಗ್ರಾಫಿಕ್ಸ್ ಕ್ಸೈಮ್ಯಾಕ್ಸ್: ವಿಷ್ಣುವರ್ಧನ್, ವಿಮಲಾ ರಾಮನ್ ಮತ್ತಿತರ ತಾರಾಗಣವಿರುವ ಆಪ್ತರಕ್ಷಕದಲ್ಲಿ ಕ್ಲೈಮ್ಯಾಕ್ಸನ್ನು ಅದ್ಭುತವಾಗಿ ಮಾಡಲಾಗಿದೆಯಂತೆ, ವಾಸು ಅವರೇ ಹೇಳುವಂತೆ, ಕ್ಲೈಮ್ಯಾಕ್ಸ್‌ನಲ್ಲಿ ಭಾರೀ ಗ್ರಾಫಿಕ್ಸ್ ಹಾಗೂ ಕಂಪ್ಯೂಟರ್ ತಂತ್ರಜ್ಞಾನವನ್ನು ಬಳಸಿಕೊಳ್ಳಲಾಗಿದ್ದು, ಚಿತ್ರದ ದೃಶ್ಯಗಳು ಖಂಡಿತ ಮನಸೆಳೆಯುವಂತಿದ್ದು ಮೋಡಿ ಮಾಡುತ್ತದೆ ಎಂದು ಆತ್ಮವಿಶ್ವಾಸ ವ್ಯಕ್ತಪಡಿಸಿದ್ದಾರೆ. ಯಾವುದಕ್ಕೂ ಜನವರಿವರೆಗೆ ಕಾಯಲೇಬೇಕು.