ಮುಖ್ಯ ಪುಟ 
ಮನರಂಜನೆ » ಸ್ಯಾಂಡಲ್ ವುಡ್ » ಸುದ್ದಿ/ಗಾಸಿಪ್ » ವಿಷ್ಣು ಮನೆಗೆ ಭೇಟಿ ನೀಡಿದ ರಜನೀಕಾಂತ್! (Vishnuvardhan | Bharathi Vishnuvardhan | Rajanikanth)
ಮನರಂಜನೆ » ಸ್ಯಾಂಡಲ್ ವುಡ್ » ಸುದ್ದಿ/ಗಾಸಿಪ್ » ವಿಷ್ಣು ಮನೆಗೆ ಭೇಟಿ ನೀಡಿದ ರಜನೀಕಾಂತ್! (Vishnuvardhan | Bharathi Vishnuvardhan | Rajanikanth)
Feedback
Printವಿಷ್ಣು ಮನೆಗೆ ಭೇಟಿ ನೀಡಿದ ರಜನೀಕಾಂತ್! 
MOKSHA
ಭೇಟಿಯ ಸಂದರ್ಭ ಭಾರತೀ ವಿಷ್ಣುವರ್ಧನ್ ಅವರ ಜೊತೆಗೆ ಮಾತನಾಡಿದ ಬಳಿಕ ಸುದ್ದಿಗಾರರ ಜೊತೆಗೆ ಮಾತನಾಡಿದ ರಜನೀಕಾಂತ್, 32 ವರ್ಷಗಳಿಂದ ವಿಷ್ಣುವರ್ಧನ್ ನನಗೆ ಪರಿಚಿತರು. ನಾನು ಸಿನಿಮಾ ರಂಗಕ್ಕೆ ಪಾದಾರ್ಪಣೆ ಮಾಡುವ ಸಂದರ್ಭ ವಿಷ್ಣುವರ್ಧನ್ ಆಗಲೇ ಸ್ಟಾರ್ ಆಗಿದ್ದರು. ಆಗ ಕನ್ನಡದ ಹಾಗೂ ತಮಿಳಿಲ್ಲಿ ನನಗೆ ಏಕಕಾಲಕ್ಕೆ ಸಿನಿಮಾದಿಂದ ಆಫರ್ ಬಂದಿತ್ತು. ಆಗ ಯಾವುದಕ್ಕೆ ಒಪ್ಪಿಕೊಳ್ಳಲಿ ಎಂಬ ಅನುಮಾನದಲ್ಲಿ ನಾನಿದ್ದಾಗ, ತಮಿಳಿನಲ್ಲಿ ಉತ್ತಮವಾದ ಅವಕಾಶ ನಿನಗೊದಗಿದೆ. ಅದನ್ನು ಸ್ವೀಕರಿಸು. ಅಲ್ಲಿ ನೀನು ಮಿಂಚಿದರೆ ನಮಗೆ ಹೆಮ್ಮೆ. ಕನ್ನಡಿಗರಿಗೆ ಹೆಮ್ಮೆ ಎಂದು ನನ್ನನ್ನು ಬೆನ್ನು ತಟ್ಟಿ ವಿಷ್ಣು ಸರ್ ಕಳುಹಿಸಿಕೊಟ್ಟರು. ಇದು ನನ್ನ ಜೀವನದಲ್ಲಿ ಮರೆಯಲಾಗದ ಘಟನೆ ಎಂದು ರಜನೀಕಾಂತ್ ತಮ್ಮ ಹಳೆಯ ದಿನಗಳನ್ನು ಮೆಲುಕು ಹಾಕಿದರು.
ವಿಷ್ಣುವರ್ಧನ್ ಸಾವಿನಿಂದ ಅತೀವ ನೋವಾಗಿದೆ ಅನ್ನುವುದಕ್ಕಿಂತಲೂ ನನಗವರು ತುಂಬ ಸ್ನೇಹಿತರಾಗಿದ್ದರು. ಅಂದಿನ ದಿನಗಳಲ್ಲಿ ನನ್ನ ಬೆನ್ನುತಟ್ಟಿ ಮುನ್ನಡೆಸಿದ್ದರು. ಇವೆಲ್ಲ ಘಟನೆಗಳೂ ನನಗೆ ಮರೆಯಲು ಸಾಧ್ಯವೇ ಇಲ್ಲ. ವಿಷ್ಣುವರ್ಧನ್ ಇತ್ತೀಚೆಗೆ ತುಂಬ ಆಧ್ಯಾತ್ಮಿಕವಾಗಿ ಮುಂದುವರಿದಿದ್ದರು. ಆಧ್ಯಾತ್ಮಿಕವಾಗಿ ಅವರು ಸಾಕಷ್ಟು ಬೆಳೆದಿದ್ದರು. ಅವರ ಸಾವು ನನಗೆ ಆಘಾತ ತಂದಿತು. ಆದರೆ ಅಂದು ನನಗೆ ಬಂದು ನೋಡಲಾಗಲಿಲ್ಲ. ಹಾಗಾಗಿ ಈಗ ಅವರ ಮನೆಗೆ ಬಂದಿದ್ದೇನೆ ಎಂದು ರಜನೀಕಾಂತ್ ಹೇಳಿದರು.
ಕನ್ನಡದಲ್ಲೇ ಸ್ಪಷ್ಟ ಹಾಗೂ ಸುಲಲಿತವಾಗಿ ಸ್ಹೇಹಪರತೆಯಿಂದ ಮಾತನಾಡಿದ ರಜನೀಕಾಂತ್ ಅವರನ್ನು ನೋಡಲು ಡಾ.ವಿಷ್ಣು ಮನೆಯ ಬಳಿ ಸಾವಿರಾರು ಅಭಿಮಾನಿಗಳು ನೆರೆದಿದ್ದರು. ರಜನಿ ಭೇಟಿಯ ಸಂದರ್ಭ ವಿಷ್ಣು ಮನೆಯಲ್ಲಿ ವಷ್ಣು ಅವರ ಖಾಸಾ ಸ್ನೇಹಿತ, ನಟ ಅಂಬರೀಷ್, ನಿರ್ಮಾಪಕ ರಾಕ್‌ಲೈನ್ ವೆಂಕಟೇಶ್ ಸೇರಿದಂತೆ ಹಲವರು ಪಾಲ್ಗೊಂಡಿದ್ದರು.