ಮುಖ್ಯ ಪುಟ 
ಮನರಂಜನೆ » ಸ್ಯಾಂಡಲ್ ವುಡ್ » ಸುದ್ದಿ/ಗಾಸಿಪ್ » ಯೋಗರಾಜ ಭಟ್ಟರ ಚಿತ್ರಕ್ಕೆ ದಕ್ಕಿದ 'ನಿಧಿ'! (Yograj Bhat | Nidhi Subbaih | Haripriya | Diganth)
ಮನರಂಜನೆ » ಸ್ಯಾಂಡಲ್ ವುಡ್ » ಸುದ್ದಿ/ಗಾಸಿಪ್ » ಯೋಗರಾಜ ಭಟ್ಟರ ಚಿತ್ರಕ್ಕೆ ದಕ್ಕಿದ 'ನಿಧಿ'! (Yograj Bhat | Nidhi Subbaih | Haripriya | Diganth)
Feedback
Printಯೋಗರಾಜ ಭಟ್ಟರ ಚಿತ್ರಕ್ಕೆ ದಕ್ಕಿದ 'ನಿಧಿ'! 
MOKSHA
ಹೌದು. ಭಟ್ಟರ ಚಿತ್ರಕ್ಕೆ ನಿಧಿ ಸುಬ್ಬಯ್ಯ ನಾಯಕಿಯಾಗಿ ಆಯ್ಕೆಯಾಗಿದ್ದಾರೆ. ಈ ಆಯ್ಕೆಯಿಂದ ನಿಧಿಗೆ ದೊಡ್ಡ ನಿಧಿಯೇ ಸಿಕ್ಕಿದಂತೆ ಅನಿಸಿದೆಯಂತೆ. ಈ ಹಿಂದೆ ಹರಿಪ್ರಿಯಾರನ್ನು ಆಯ್ಕೆ ಮಾಡಿದ್ದ ಭಟ್ಟರು, ನಂತರ ಆ ಕಥೆಯನ್ನೇ ಕೈಬಿಟ್ಟರು. ಮಳಯಾಳಂನಲ್ಲಿ ಈಗಾಗಲೇ ಅಂತಹುದೇ ಚಿತ್ರ ಹೊರಬಂದಿರುವ ಕಾರಣ, ಆ ಚಿತ್ರ ಮಾಡಿದರೆ ನಕಲು ಮಾಡಿದ್ದು ಎಂಬ ಆರೋಪ ಬಂದರೆ ಎಂಬ ಕಾರಣದಿಂದ ತನ್ನ ಆ ಕಥೆಯನ್ನು ಅರ್ಧಕ್ಕೇ ನಿಲ್ಲಿಸಿ ಹೊಸ ಚಿತ್ರಕ್ಕೆ ಕೈ ಹಾಕಿದ್ದಾರೆ. ಹಾಗಾಗಿ ಈ ಹೊಸ ಚಿತ್ರಕ್ಕೆ ಹರಿಪ್ರಿಯಾ ಹೊಂದುವುದಿಲ್ಲ ಎಂಬ ಕಾರಣಕ್ಕೆ ಆಕೆಯನ್ನು ಹೊರಗಿಟ್ಟು, ಬೇರೆ ನಾಯಕಿಯ ಹುಡುಕಾಟದಲ್ಲಿದ್ದರು. ಅದಕ್ಕಾಗಿ ನೂರಾರು ಮಾಡೆಲ್‌ಗಳನ್ನು ಆಡಿಷನ್‌ಗೂ ಕರೆದಿದ್ದರು. ಕೊನೆಗೂ ಭಟ್ಟರು ನಿಧಿ ಸುಬ್ಬಯ್ಯರನ್ನು ಆಯ್ಕೆ ಮಾಡಿದ್ದಾರೆ.
ನಿಧಿ ಈ ಹಿಂದೆ ವರ ಹಾಗೂ ಚಮ್ಕಾಯ್ಸಿ ಚಿಂದಿ ಉಡಾಯ್ಸಿ ಚಿತ್ರಗಳಲ್ಲಿ ನಟಿಸಿದ್ದಾರೆ. ಚಮ್ಕಾಯ್ಸಿ ಚಿತ್ರದಲ್ಲಿ ತನ್ನನ್ನು ತುಸು ಹೆಚ್ಚೇ ಗ್ಲಾಮರಸ್ ಆಗಿ ಬಳಸಿಕೊಂಡಿದ್ದಾರೆಂದು ಅಡ್ಡರಾಗವೆಳೆದು ಸುದ್ದಿ ಮಾಡಿದ್ದ ಬೆಡಗಿ ನಿಧಿಗೆ ಈಗ ಭಟ್ಟರ ಸಿನಿಮಾದಲ್ಲಿ ಅವಕಾಶ ಸಿಕ್ಕಿದ್ದು ನಿಧಿ ಸಿಕ್ಕಷ್ಟೇ ಖುಷಿಯಾಗಿದೆಯಂತೆ. ಭಟ್ಟರ ಮುಂಗಾರುಮಳೆಯ ನಂತರ ಎಲ್ಲ ಚಿತ್ರಗಳನ್ನೂ ನೋಡಿದ್ದೇನೆ. ನಾನು ಅವರ ದೊಡ್ಡ ಅಭಿಮಾನಿ. ಅವರ ಚಿತ್ರದಲ್ಲಿ ಅವಕಾಶ ಸಿಕ್ಕಿದ್ದು ತುಂಬ ಖುಷಿಯಾಗಿದೆ ಎಂದು ನಿಧಿ ಸಂತಸ ಹಂಚಿಕೊಂಡಿದ್ದಾರೆ. ನಾಯಕನಾಗಿ ಭಟ್ಟರ ಜೊತೆಗೆ ನಾಲ್ಕನೇ ಬಾರಿ ಅದೇ ಮನಸಾರೆಯ ದಿಗಂತ್ ಕಾಣಿಸಿಕೊಳ್ಳಲಿದ್ದಾರೆ.