ಮುಖ್ಯ ಪುಟ 
ಮನರಂಜನೆ » ಸ್ಯಾಂಡಲ್ ವುಡ್ » ಸುದ್ದಿ/ಗಾಸಿಪ್ » ಭಟ್ಟರ ಚಿತ್ರಕ್ಕೆ 'ಇಂತಿ ನಿನ್ನ ಪ್ರೀತಿಯ' ಸೋನು ಆಯ್ಕೆ (Yogaraj Bhat | Inthi Ninna Preethiya | Sonu)
ಮನರಂಜನೆ » ಸ್ಯಾಂಡಲ್ ವುಡ್ » ಸುದ್ದಿ/ಗಾಸಿಪ್ » ಭಟ್ಟರ ಚಿತ್ರಕ್ಕೆ 'ಇಂತಿ ನಿನ್ನ ಪ್ರೀತಿಯ' ಸೋನು ಆಯ್ಕೆ (Yogaraj Bhat | Inthi Ninna Preethiya | Sonu)
Feedback
Printಭಟ್ಟರ ಚಿತ್ರಕ್ಕೆ 'ಇಂತಿ ನಿನ್ನ ಪ್ರೀತಿಯ' ಸೋನು ಆಯ್ಕೆ 
MOKSHA
ಈ ಚಿತ್ರಕ್ಕೆ ಮೊದಲು ಹರಿಪ್ರಿಯಾ ಆಯ್ಕೆಯಾಗಿದ್ದರೂ, ನಂತರ ಅವರನ್ನು ಚಿತ್ರಕ್ಕೆ ಹೊಂದದ ಕಾರಣ ನೀಡಿ ಕೈಬಿಡಲಾಗಿತ್ತು. ಆಮೇಲೆ ಆ ಸ್ಥಾನಕ್ಕೆ ಚಮ್ಕಾಯ್ಸಿ ಚಿಂದಿ ಉಡಾಯ್ಸಿ ಕ್ಯಾತಿಯ ನಿಧಿ ಸುಬ್ಬಯ್ಯ ಆಯ್ಕೆಯಾಗಿದ್ದರು. ಈಗ ಮತ್ತೆ ಇನ್ನೊಬ್ಬ ನಾಯಕಿಯಾಗಿ ಸೋನು ಆಯ್ಕೆಯಾಗಿದ್ದಾರೆ.
ಸೋನು ಕನ್ನಡ ಚಿತ್ರರಂಗದ ಮೇಕಪ್ ಕಲಾವಿದ ರಾಮಕೃಷ್ಣ ಅವರ ಪುತ್ರಿಯಾಗಿದ್ದಾರೆ. ಈಕೆ ಈ ಹಿಂದೆ ಯೋಗರಾಜ ಭಟ್ಟರ ಆತ್ಮೀಯ ಮಿತ್ರ, ದುನಿಯಾ ಖ್ಯಾತಿಯ ಸೂರಿ ನಿರ್ದೇಶನದ ಇಂತಿ ನಿನ್ನ ಪ್ರೀತಿಯ ಚಿತ್ರದ ನಾಯಕಿಯಾಗಿದ್ದರು. ಇತ್ತೀಚೆಗೆ ಎ.ಎಂ.ಆರ್.ರಮೇಶ್ ನಿರ್ದೇಶನದ ಪೊಲೀಸ್ ಕ್ವಾಟ್ರಸ್ ಚಿತ್ರದ ನಾಯಕಿಯಾಗಿಯೂ ಅಭಿನಯಿಸಿದ್ದರು. ಪೋಲೀಸ್ ಕ್ವಾಟ್ರಸ್ ಚಿತ್ರದ ತಮಿಳು ಅವತರಣಿಕೆಯಲ್ಲೂ ಸೋನು ಅದೇ ಪಾತ್ರದಲ್ಲಿ ಅಭಿನಯಿಸಿದ್ದಾರೆ. ಆಕೆಯ ನಟನೆ ಬಗ್ಗೆ ಉತ್ತಮ ಪ್ರತಿಕ್ರಿಯೆಯೂ ಕೇಳಿ ಬಂದಿತ್ತು. ಈಗ್ಗೆ ಸದ್ಯದಲ್ಲೇ ಇನ್ನೊಂದು ತಮಿಳು ಚಿತ್ರಕ್ಕೆ ಸೋನು ಸಹಿ ಮಾಡಿದ್ದು, ಈ ಹಿನ್ನೆಲೆಯಲ್ಲಿ ಮೆಕ್ಸಿಕೋಗೆ ಪ್ರಯಾಣ ಬೆಳೆಸಲಿದ್ದಾರೆ. ಈ ಬೆನ್ನಲ್ಲೇ ಸೋನು ಭಟ್ಟರ ಚಿತ್ರಕ್ಕೆ ಆಯ್ಕೆಯಾಗಿದ್ದಾರೆ.