ಮುಖ್ಯ ಪುಟ 
ಮನರಂಜನೆ » ಸ್ಯಾಂಡಲ್ ವುಡ್ » ಸುದ್ದಿ/ಗಾಸಿಪ್ » ಆಪ್ತರಕ್ಷಕದ ತೆಲುಗು ರಿಮೇಕ್‌ಗೆ ಚಿರು ಅಲ್ಲ, ವೆಂಕಟೇಶ್!
(Aaptha Rakshaka | Telugu | Venkatesh | Aaptha Rakshaka | Chiranjeevi | Rajanikanth)
ಮನರಂಜನೆ » ಸ್ಯಾಂಡಲ್ ವುಡ್ » ಸುದ್ದಿ/ಗಾಸಿಪ್ » ಆಪ್ತರಕ್ಷಕದ ತೆಲುಗು ರಿಮೇಕ್‌ಗೆ ಚಿರು ಅಲ್ಲ, ವೆಂಕಟೇಶ್!
(Aaptha Rakshaka | Telugu | Venkatesh | Aaptha Rakshaka | Chiranjeevi | Rajanikanth)
Feedback
Printಆಪ್ತರಕ್ಷಕದ ತೆಲುಗು ರಿಮೇಕ್‌ಗೆ ಚಿರು ಅಲ್ಲ, ವೆಂಕಟೇಶ್!
ಶುಕ್ರವಾರ, 12 ಮಾರ್ಚ್ 2010( 13:02 IST )
WD
ತೆಲುಗು ಆಪ್ತರಕ್ಷಕದಲ್ಲಿ ನಟಿಸಲು ಮೆಗಾ ಸ್ಟಾರ್ ಚಿರಂಜೀವಿ ಕೊಂಚ ಆಸಕ್ತಿ ತೋರಿಸಿದರಾದರೂ, ಆವರು ಈ ಚಿತ್ರಕ್ಕಾಗಿ ತಮ್ಮ ತೂಕವನ್ನು ಸಕಷ್ಟು ಇಳಿಸಬೇಕಾಗಿತ್ತು. ಅಷ್ಟೇ ಅಲ್ಲದೆ, ಅವರಿಗೆ ಲಭ್ಯವಿದ್ದ ಸಮಯಕ್ಕೂ ಶೂಟಿಂಗ್ ನಡೆಸಬೇಕೆಂದು ಅಂದುಕೊಂಡಿದ್ದ ಸಮಯಕ್ಕೂ ತಾಳೆಯಾಗುತ್ತಿರಲಿಲ್ಲ. ಇದೇ ಸಂದರ್ಭ ಬೆಳ್ಳಂಕೊಂಡ ಸುರೇಶ್ ಅವರು ಈಗಾಗಲೇ ಈ ಚಿತ್ರವನ್ನು ರಿಮೇಕಿಸಲು ನಿರ್ದೇಶಕ ಪಿ.ವಾಸು ಅವರಿಗೆ ಭಾರೀ ಮುಂಗಡ ಹಣವನ್ನು ಕೊಟ್ಟಿದ್ದಾಗಿಯೂ ಸುದ್ದಿಯಿದ್ದು, ಈಗಾಗಲೇ ರಿಮೇಕ್ ಹಕ್ಕನ್ನೂ ಪಡೆದಿದ್ದಾರೆ.
ಚಂದ್ರಮುಖಿ -2 ಹೆಸರಿನಡಿ ತೆಲುಗು ಹಾಗೂ ತಮಿಳು ಚಿತ್ರ ಹೊರಬರಲಿದೆ. ಇದರ ನಿರ್ದೇಶನ ಜವಾಬ್ದಾರಿಯನ್ನೂ ಪಿ.ವಾಸು ಅವರೇ ಹೊತ್ತಿದ್ದಾರೆ. ಈ ಹಿಂದೆ ಆಪ್ತಮಿತ್ರ ನಿರ್ದೇಶಿಸಿದ ನಂತರ ಪಿ.ವಾಸು, ಅದನ್ನು ತಮಿಳಿನಲ್ಲಿ ಚಂದ್ರಮುಖಿ ಹೆಸರಿನಲ್ಲಿ ರಿಮೇಕ್ ಮಾಡಿ ಭಾರೀ ಯಶಸ್ಸು ಗಳಿಸಿದ್ದರು. ಅದನ್ನು ತೆಲುಗಿಗೂ ಡಬ್ ಮಾಡಿದ್ದರು. ಆದರೆ ತೆಲುಗಿನಲ್ಲಿ ಇದು ಯಶಸ್ವಿಯಾಗಿರಲಿಲ್ಲ. ಈಗ ಚಂದ್ರಮುಖಿ -2 ಹೆಸರಿನಡಿ ಬರುತ್ತಿರುವ ಆಪ್ತರಕ್ಷಕ ಚಿತ್ರಕ್ಕೆ ತಮಿಳಿನಲ್ಲಿ ರಜನಿ ಹಾಗೂ ತೆಲುಗಿಗೆ ವೆಂಕಟೇಶ್ ಅವರನ್ನು ಹಾಕಿಕೊಂಡು ರಿಮೇಕಿಸುವುದು ಬಹುತೇಕ ಪಕ್ಕಾ ಆಗಿದೆ ಎಂದು ಮೂಲಗಳು ತಿಳಿಸಿವೆ.
ವೆಂಕಟೇಶ್ ಅವರು ಈಗಾಗಲೇ ಈ ಪಾತ್ರ ಮಾಡಲು ಒಪ್ಪಿದ್ದು, ವಾಸು ಅವರು ಸದ್ಯದಲ್ಲೇ ತೆಲುಗು ಚಂದ್ರಮುಖಿಯನ್ನು ಕೈಗೆತ್ತಿಕೊಳ್ಳಲಿದ್ದಾರೆ. ನಿರ್ಮಾಪಕರಾಗಿ ಬೆಳ್ಳಂಕೊಂಡ ಸುರೇಶ್ ಕಾರ್ಯನಿರ್ವಹಿಸಲಿದ್ದಾರೆ.
ಸಂಬಂಧಿತ ಮಾಹಿತಿ ಹುಡುಕಿ
ಇದನ್ನು ಸಹ ಶೋಧಿಸು: ಆಪ್ತರಕ್ಷಕ, ತೆಲುಗು ಸಿನಿಮಾ, ವಿಷ್ಣುವರ್ಧನ್, ಪಿವಾಸು, ಚಂದ್ರಮುಖಿ, ರಜನೀಕಾಂತ್, ಚಿರಂಜೀವಿ