ಮುಖ್ಯ ಪುಟ 
ಮನರಂಜನೆ » ಸ್ಯಾಂಡಲ್ ವುಡ್ » ಸುದ್ದಿ/ಗಾಸಿಪ್ » ನಾನು ನನ್ನ ಕನಸಿನ ನಿರೀಕ್ಷೆ ಹೊತ್ತ ಪ್ರಕಾಶ್ ರೈ (Nanu Nanna Kanasu | Prakash Raj | Amoolya)
ಮನರಂಜನೆ » ಸ್ಯಾಂಡಲ್ ವುಡ್ » ಸುದ್ದಿ/ಗಾಸಿಪ್ » ನಾನು ನನ್ನ ಕನಸಿನ ನಿರೀಕ್ಷೆ ಹೊತ್ತ ಪ್ರಕಾಶ್ ರೈ (Nanu Nanna Kanasu | Prakash Raj | Amoolya)
Feedback
Printನಾನು ನನ್ನ ಕನಸಿನ ನಿರೀಕ್ಷೆ ಹೊತ್ತ ಪ್ರಕಾಶ್ ರೈ 
NRB
ನಾನು ನನ್ನ ಕನಸು ಚಿತ್ರದ ಮೊದಲ ಹಂತದ ಎಡಿಟಿಂಗ್ ಕಾರ್ಯವೂ ಮುಕ್ತಾಯಗೊಂಡಿದೆ. ಚಿತ್ರತಂಡದ ಬಗ್ಗೆ, ಅಮೂಲ್ಯ ಬಗ್ಗೆ ಪ್ರಕಾಶ್ ರೈ ಪ್ರಶಂಸೆಯ ಸುರಿಮಳೆಯನ್ನೇ ಗೈಯುತ್ತಾರೆ. ಅಮೂಲ್ಯರನ್ನು ಖಂಡಿತವಾಗಿಯೂ ಈ ಚಿತ್ರ ನೋಡಿದ ಮೇಲೆ ಜನತೆ ತಮ್ಮ ಮನೆಮಗಳಂತೆ ಕಾಣುತ್ತಾರೆ. ಆಕೆಗೊಂದು ಉತ್ತಮ ಇಮೇಜನ್ನು ಈ ಸಿನಿಮಾ ಸೃಷ್ಟಿಸಲಿದೆ. ಖಂಡಿತವಾಗಿಯೂ ಕುಟುಂಬ ಸಮೇತರಾಗಿ ಎಲ್ಲರೂ ಬಂದು ನೋಡಬಹುದಾದ ಚಿತ್ರವಿದು ಎನ್ನುತ್ತಾರೆ ಪ್ರಕಾಶ್ ರೈ.
ತಮಿಳಿನಲ್ಲಿ ಅಭಿಯುಮ್ ನಾನುಂ ಚಿತ್ರ ಮಾಡುವಾಗ ನಿರ್ದೇಶಕ ರಾಧಾ ಮೋಹನ್ ಜೊತೆಗೆ ಕಥೆಯ ಬಗ್ಗೆ, ಚಿತ್ರದ ಬಗ್ಗೆ ಸಾಕಷ್ಟು ಚರ್ಚಿಸಿರುವುದರಿಂದ ಈ ಕಥೆಯ ಕಟ್ಟುವಿಕೆಯಲ್ಲೂ ನಾನು ಪಾಲ್ಗೊಂಡಿದ್ದೇನೆ. ಹಾಗಾಗಿ ಕನ್ನಡದ್ಲಲೂ ಈ ಚಿತ್ರದ ಬಗ್ಗೆ ಅಪಾರ ನಿರೀಕ್ಷೆಯಿಟ್ಟಿದ್ದೇನೆ. ಜೊತೆಗೆ ನನ್ನ ಜೊತೆ ಈ ಚಿತ್ರಕ್ಕಾಗಿ ಕೆಲಸ ಮಾಡುವ ಎಲ್ಲರಿಂದ ಉತ್ತಮ ಕೆಲಸ ನಿರೀಕ್ಷಿಸಿದ್ದೆ. ಹಾಗೆಯೇ ನನ್ನಂತೆ ರಂಗಭೂಮಿಯ ತಳಹದಿಯಿದ್ದಂಥ ರಾಜೇಶ್, ಅಚ್ಯುತ, ವೀಣಾ ಸುಂದರ್ ಎಲ್ಲರೂ ಕೂಡಾ ತುಂಬ ಸುಂದರವಾಗಿ ನಟಿಸಿದ್ದಾರೆ. ಚಿತ್ರದ ತಾಂತ್ರಿಕ ವರ್ಗವೂ ಕೂಡಾ ಸಾಕಷ್ಟು ಮನಸ್ಸಿಟ್ಟು ಚಿತ್ರಕ್ಕಾಗಿ ಶ್ರಮಿಸಿದ್ದಾರೆ. ಈ ಬಗ್ಗೆ ಖುಷಿಯಿದೆ ಎನ್ನುತ್ತಾರೆ ರೈ.
ಹಂಸಲೇಖಾ ಅವರ ಬಗ್ಗೆಯೂ ಮೆಚ್ಚುಗೆಯ ಮಾತನ್ನಾಡುವ ಪ್ರಕಾಶ್ ರೈ, ಖಂಡಿತವಾಗಿಯೂ ನಾನು ನನ್ನ ಕನಸು ಚಿತ್ರ ಹಂಸಲೇಖಾ ಅವರ ವೃತ್ತಿ ಜೀವನಕ್ಕೆ ಮತ್ತೆ ಬ್ರೇಕ್ ನೀಡಲಿದೆ. ಕೆಲವು ಉತ್ತಮ ಸಾಹಿತ್ಯ ರಚಿಸಿರುವ ಅವರು ಉತ್ತಮವಾಗಿ ಸಂಗೀತ ಸಂಯೋಜನೆ ಮಾಡಿದ್ದಾರೆ ಎನ್ನುತ್ತಾರೆ ಪ್ರಕಾಶ್ ರೈ.
ಪ್ರಕಾಶ್ ರೈ ಅವರ ಕನಸಿನ ಕೂಸು ನಾನು ನನ್ನ ಕಸು ಚಿತ್ರ ಸದ್ಯದಲ್ಲೇ ತೆರೆಗೂ ಬರಲಿದೆ. ರೈ ಕನಸು ನನಸಾಗುತ್ತೋ ಕಾಯಬೇಕು.
('ನಾನು ನನ್ನ ಕನಸು' ಚಿತ್ರದ ಚಿತ್ರೀಕರಣದ ಫೋಟೋ ಗ್ಯಾಲರಿಗಾಗಿ ಇಲ್ಲಿ ಕ್ಲಿಕ್ ಮಾಡಿ)