ಮುಖ್ಯ ಪುಟ 
ಮನರಂಜನೆ » ಸ್ಯಾಂಡಲ್ ವುಡ್ » ಸುದ್ದಿ/ಗಾಸಿಪ್ » ಪೋಷಕ ಪಾತ್ರಕ್ಕೂ ಸೈ ಎಂದ ಸಾಯಿ ಕುಮಾರ್ (Saikumar | Dialogue King | Prasthanam | Kannada Cinema)
ಮನರಂಜನೆ » ಸ್ಯಾಂಡಲ್ ವುಡ್ » ಸುದ್ದಿ/ಗಾಸಿಪ್ » ಪೋಷಕ ಪಾತ್ರಕ್ಕೂ ಸೈ ಎಂದ ಸಾಯಿ ಕುಮಾರ್ (Saikumar | Dialogue King | Prasthanam | Kannada Cinema)
Feedback
Printಪೋಷಕ ಪಾತ್ರಕ್ಕೂ ಸೈ ಎಂದ ಸಾಯಿ ಕುಮಾರ್ 
MOKSHA
ಡೈಲಾಗ್ ಡಿಲೆವರಿ, ಫೈಟ್ ಮೂಲಕ ಕನ್ನಡದ ಅಭಿಮಾನಿಗಳು ಮಾತ್ರವಲ್ಲ, ನಾನಾ ಭಾಷೆಯ ಅಭಿಮಾನಿಗಳುನ್ನು ಹಿಡಿದಿಟ್ಟ ಸಾಯಿ ಕುಮಾರ್ ಇದೀಗ ಖಾಲಿ ಕೈಯಲ್ಲಿದ್ದಾರಂತೆ. ಇವರ ಚಿತ್ರಗಳು ನಾಲ್ಕಾರು ವರ್ಷಗಳ ಹಿಂದೆ ತುಂಬಿ ತುಳುಕುತ್ತಿದ್ದ ರೀತಿ ಈಗಿಲ್ಲ. ಈಗೆಲ್ಲಾ ಅವರ ಚಿತ್ರಗಳು ಎರಡನೇ ದಿನವೇ ಬಿಕೋ ಎನ್ನುತ್ತಿವೆ. ಇದರಿಂದ ಅನೇಕ ನಿರ್ಮಾಪಕರೂ ಇವರತ್ತ ಸುಳಿಯುತ್ತಿಲ್ಲ.
ಇದನ್ನು ಬಹುಬೇಗ ಅರಿತ ಸಾಯಿ ಕುಮಾರ್ ತಮ್ಮ ಇಮೇಜ್ ಬದಲಿಸಿಕೊಂಡು ಪೋಷಕ ಪಾತ್ರಗಳತ್ತ ವಾಲಲು ನಿರ್ಧರಿಸಿದ್ದಾರೆ. ಹೀರೋ ಪಾತ್ರ ಸಿಕ್ಕರೆ ಅಭಿನಯಿಸುವೆ, ಇಲ್ಲವಾದರೆ ಪೋಷಕ ಪಾತ್ರದಲ್ಲಿ ಅಭಿನಯಿಸಿ ಜನರ ಮನಸ್ಸನಲ್ಲಿ ಉಳಿದುಕೊಳ್ಳುವ ಚಿಂತನೆ ಯತ್ನಿಸುತ್ತಿದ್ದಾರೆ. ತೆಲುಗಿನಲ್ಲಿ ಅತ್ಯಂತ ಜನಪ್ರಿಯ ಪೋಷಕ ನಟರೆನಿಸಿರುವ ಪ್ರಕಾಶ್ ರೈ ಥರ ತಾವೂ ಸವಾಲಿನ ಪಾತ್ರವನ್ನು ಆಯ್ಕೆ ಮಾಡಿಕೊಂಡು ತಮಗೇ ಇನ್ನೊಂದು ವಿಶೇಷ ಇಮೇಜ್ ತಂದುಕೊಳ್ಳಲು ಯತ್ನಿಸುತ್ತಿದ್ದಾರೆ.
ಇವರೀಗ ಅಭಿನಯಿಸುತ್ತಿರುವ ಚಿತ್ರ 'ಪ್ರಸ್ತಾನಂ'. ತಾವು ಮಹತ್ವಾಕಾಂಕ್ಷೆಯನ್ನು ಈ ಚಿತ್ರದಲ್ಲಿ ಇರಿಸಿಕೊಂಡಿದ್ದು, ಯಶಸ್ಸು ಕಾಣಲಿದೆ ಎಂದು ಹೇಳಿಕೊಂಡಿದ್ದಾರೆ. ಕನ್ನಡ, ತೆಲುಗು ಕಿರುತೆರೆಯಲ್ಲಿ ಏಕಕಾಲಕ್ಕೆ 'ಡೀಲ್ ಆರ್ ನೋ ಡೀಲ್' ಎಂದಿದ್ದ ಸಾಯಿಕುಮಾರ್ ಇಲ್ಲಿ ತಮ್ಮ ಇಮೇಜ್ ಛಾಪು ಮೂಡಿಸಲಾಗದೇ ಹೋದರು. ಈಗ ಆ ಕಾರ್ಯಕ್ರಮ ಆಯೋಜಿಸಿದ್ದ ಟಿವಿ ಚಾನೆಲ್ ಕಾರ್ಯಕ್ರಮವನ್ನೇ ನಿಲ್ಲಿಸಿದೆ. ಹೀಗಾಗಿಯೋ ಏನೋ, ಟಿವಿಯಿಂದಲೂ ಹೊರಬಂದು, ಸಾಯಿ ಪೋಷಕ ಪಾತ್ರಗಳಿಗೆ ತಲೆ ಹಾಕಲು ಹೊರಟಿದ್ದು. ಒಟ್ಟಾರೆ ಅವರ ಹೊಸ ಭವಿಷ್ಯಕ್ಕೆ ಗುಡ್ ಲಕ್ ಹೇಳೋಣ.
ತಾಜಾ ಸುದ್ದಿಗಳು ತಕ್ಷಣ ಲಭ್ಯವಾಗಲು ಟ್ವಿಟ್ಟರ್‌ನಲ್ಲಿ 'ವೆಬ್‌ದುನಿಯಾ'ವನ್ನು ಫಾಲೋ ಮಾಡಲು ಇಲ್ಲಿ ಕ್ಲಿಕ್ ಮಾಡಿ