ಸುದ್ದಿ/ಗಾಸಿಪ್ | ಸಿನಿಮಾ ಮುನ್ನೋಟ | ಸಿನಿಮಾ ವಿಮರ್ಶೆ | ತಾರಾ ಪರಿಚಯ
ಮುಖ್ಯ ಪುಟ ಮನರಂಜನೆ » ಸ್ಯಾಂಡಲ್ ವುಡ್ » ಸುದ್ದಿ/ಗಾಸಿಪ್ » ಮೇ 28ಕ್ಕೆ ರವಿಚಂದ್ರನ್ 'ಹೂ' ಅರಳಲಿದೆ! (Hoo | Crazy Star Ravichandran | Meera Jasmine | Namitha | Dinesh Gandhi)
ಸುದ್ದಿ/ಗಾಸಿಪ್
Bookmark and Share Feedback Print
 
ಮೇ 28ಕ್ಕೆ ರವಿಚಂದ್ರನ್ 'ಹೂ' ಅರಳಲಿದೆ!  
 
PR
ಕ್ರೇಜಿ ಸ್ಟಾರ್ ರವಿಚಂದ್ರನ್ ನಿರ್ದೇಶನ ಹಾಗೂ ನಟನೆಯ ಬಹುನಿರೀಕ್ಷಿತ ಹೂ ಚಿತ್ರ ಕೊನೆಗೂ ಇದೇ ಮೇ ತಿಂಗಳ 28ರಂದು ಬಿಡುಗಡೆಗೊಳ್ಳಲಿದೆ. ದಕ್ಷಿಣ ಭಾರತದ ಹಾಟ್ ನಟಿ ನಮಿತಾ ಹಾಗೂ ಮೀರಾ ಜಾಸ್ಮಿನ್ ಅಭಿನಯದ ಈ ಚಿತ್ರ ಈಗಾಗಲೇ ಪಡ್ಡೆ ಹುಡುಗರ ನಿದ್ದೆಗೆಡಿಸಿತ್ತು. ಬಹುಶಃ ಅದಕ್ಕೆ ನಮಿತಾ ಕಾರಣ ಇರಬಹುದು, ಅಷ್ಟೇ ಅಲ್ಲ, ರವಿಚಂದ್ರನ್ ಚಿತ್ರ ಎಂಬುದೂ ಕೂಡಾ ಕಾರಣವಿದ್ದೀತು. ಜೊತೆಗೆ ಚಿತ್ರದ ಸ್ಟಿಲ್‌ಗಳೂ ಈಗಸಾಕಷ್ಟು ಕುತೂಹಲ ಕೆರಳಿಸಿವೆ.

ತೆಲುಗಿನ ವಸಂತಂ ಎಂಬ ಹಿಟ್ ಚಿತ್ರದ ರಿಮೇಕ್ ಅವತರಣಿಕೆಯಾಗಿರುವ ಹೂ ಚಿತ್ರಕ್ಕೆ ಹರಿಕೃಷ್ಣ ಸಂಗೀತವಿದೆ. ರವಿ ಅವರ ಖಾಯಂ ಛಾಯಾಗ್ರಾಹಕ ಸಿ.ಎಸ್.ಸೀತಾರಾಂ ಅವರ ಛಾಯಾಗ್ರಾಹಣವಿದೆ. ಆದರೆ ರವಿ ಹೇಳುವಂತೆ, ಇದು ಪಕ್ಕಾ ರಿಮೇಕ್ ಚಿತ್ರವಲ್ಲ. ವಸಂತಂ ಚಿತ್ರದ ಸಣ್ಣ ಎಳೆಯೊಂದನ್ನು ಹಿಡಿದು ಬೇರೆಯೇ ಕಥೆ ಹೆಣೆಯಲಾಗಿದೆಯಂತೆ.

ನಿರ್ಮಾಪಕ ದಿನೇಶ್ ಬಾಬು ಅವರ ಯೋಜನೆಗಳ ಪ್ರಕಾರ ಈ ಚಿತ್ರ ಈಗಾಗಲೇ ಜನವರಿ, ಫೆಬ್ರವರಿ ತಿಂಗಳಲ್ಲೇ ಬಿಡುಗಡೆ ಕಾಣಬೇಕಿತ್ತು. ಕಾರಣಾಂತರಗಳಿಂದ ಚಿತ್ರ ಮುಂದೂಡಲ್ಪಟ್ಟಿತು. ಕೊನೆಗೆ ಈ ಯುಗಾದಿಗೆ ಬಿಡುಗಡೆ ಎಂಬ ಸುದ್ದಿಯೂ ಕೇಳಿ ಬಂದರೂ, ಚಿತ್ರ ಆಗಲೂ ಬಿಡುಗಡೆಯಾಗಲಿಲ್ಲ. ಇದೀಗ ಮೇ 28ಕ್ಕೆ ಎಂಬ ಮಾಹಿತಿ ಹೊರಬಿದ್ದಿದೆ. ಈಗಾಗಲೇ ಚಿತ್ರದ ಹಾಡುಗಳು ಬಿಡುಗಡೆಯಾಗಿದ್ದು, ಉತ್ತಮ ಪ್ರಶಂಸೆಯೂ ಕೇಳಿ ಬಂದಿದೆ.

ಹಾಂ ಅಂದಹಾಗೆ, ಕಾಕತೀಳೀಯವೋ ಎಂಬಂತೆ ರವಿಚಂದ್ರನ್ ಅವರ ಹುಟ್ಟುಹಬ್ಬದ ದಿನವೇ ಈ ಹೂ ಗಿಫ್ಟಾಗಿ ಬಿಡುಗಡೆಯಾಗಲಿದೆ. ಆದರೆ ಹುಟ್ಟುಹಬ್ಬದ ದಿನ ಈ ಹೂ ರವಿಮಾಮ ಅವರ ಮೊಗದಲ್ಲಿ ನಗು ಅರಳಿಸಲಿದೆಯೋ ಕಾದು ನೋಡದೆ ವಿಧಿಯಿಲ್ಲ.
ಸಂಬಂಧಿತ ಮಾಹಿತಿ ಹುಡುಕಿ
ಇದನ್ನು ಸಹ ಶೋಧಿಸು: ರವಿಚಂದ್ರನ್, ಹೂ, ನಮಿತಾ, ಮೀರಾ ಜಾಸ್ಮಿನ್
ಮತ್ತಷ್ಟು
ಬರಲಿದೆ ರಾಧಿಕಾ ತರುಣ್ ಜೋಡಿಯ ಗಾನಾ ಬಜಾನಾ...
ಭಯೋತ್ಪಾದನೆ ಸುತ್ತ ಈ ಕಾಫಿಶಾಪ್
ಲಕ್ಷ್ಮಿ ಗೋಪಾಲಸ್ವಾಮಿ ಎಂಬ ಅನರ್ಘ್ಯ ರತ್ನ
ಈ ಬೇಸಿಗೆಯಲ್ಲಿ ಮಕ್ಕಳಿಗಾಗಿ ಎರಡು ಸಿನೆಮಾ
ಪಂಚರಂಗಿಯಲ್ಲಿ ಉಪ್ಪಿ ಪತ್ನಿ ಪ್ರಿಯಂಕಾ ನಟಿಸಲಿದ್ದಾರೆ!
ಸರ್ಜಾ ಕುಟುಂಬದ ಇನ್ನೊಂದು ಕುಡಿ ಸ್ಯಾಂಡಲ್‌ವುಡ್ಡಿಗೆ