ಮುಖ್ಯ ಪುಟ 
ಮನರಂಜನೆ » ಸ್ಯಾಂಡಲ್ ವುಡ್ » ಸುದ್ದಿ/ಗಾಸಿಪ್ » ಆಪ್ತಕ್ಕೆ ಮಂಗಳೂರು ಪಬ್ ವಿವಾದದ ಹಿನ್ನೆಲೆ!
(Aptha | Mangalore Pub | Pooja Gandhi | Kannada Cinema)
ಮನರಂಜನೆ » ಸ್ಯಾಂಡಲ್ ವುಡ್ » ಸುದ್ದಿ/ಗಾಸಿಪ್ » ಆಪ್ತಕ್ಕೆ ಮಂಗಳೂರು ಪಬ್ ವಿವಾದದ ಹಿನ್ನೆಲೆ!
(Aptha | Mangalore Pub | Pooja Gandhi | Kannada Cinema)
Feedback
Printಆಪ್ತಕ್ಕೆ ಮಂಗಳೂರು ಪಬ್ ವಿವಾದದ ಹಿನ್ನೆಲೆ!
NRB
ಚಿತ್ರದ ಹೆಸರು ಆಪ್ತ. ಅರೆರೆ ಇದು ನಮಗೆ ಗೊತ್ತು ಅಂದಿರಾ? ಆದರೆ ಇದು ಅಪ್ಡೇಟ್ ಸುದ್ದಿ. ಚಿತ್ರಕ್ಕೆ ಒಬ್ಬ ನಾಯಕ, ಐವರು ನಾಯಕಿಯರು ಎಂದು ಕೇಳಿದ್ದೆವು. ಆದರೆ ಈಗ ಅದೆಲ್ಲಾ ಫೈನಲ್ ಆಗಿದೆ. ನಾಯಕನಾಗಿ ಹೊಸ ಹುಡುಗ ನೀರಜ್ ಶ್ಯಾಮ್ ಆಯ್ಕೆಯಾಗಿದ್ದಾರೆ. ಪೂಜಾ ಜತೆ ಇತರೆ ನಟಿಯರಾಗಿ ಭವ್ಯಕಲಾ, ಪ್ರಜ್ಞಾ, ಮಾನಸಿ ಸದ್ಯ ಆಯ್ಕೆಯಾಗಿದ್ದಾರೆ. ಇನ್ನೊಬ್ಬ ನಟಿಯ ಆಯ್ಕೆ ಆಗಬೇಕಿದೆ. ಕಿರುತೆರೆ ನಟ ರವಿಕಿರಣ್ ಬಹುದಿನದ ನಂತರ ಹಿರಿತೆರೆಗೆ ಬಂದು ವಿಲನ್ ಆಗುತ್ತಿದ್ದಾರೆ.
ಇದು ಪಕ್ಕಾ ಲವ್ ಸ್ಟೋರಿಯಾಗಿದ್ದು, ಸಸ್ಪೆನ್ಸ್ ಥ್ರಿಲ್ಲರ್ ಕೂಡ ಹೌದು ಎನ್ನುತ್ತಾರೆ ನಿರ್ದೇಶಕ ಸಂಜೀವ್. ಇವರ ಪ್ರಕಾರ, ಈ ಚಿತ್ರಕ್ಕೆ ಪೂಜಾ ಪಕ್ಕಾ ರೋಲ್ ಅಂತೆ. ಅನು ಚಿತ್ರದಲ್ಲಿ ನೀಡಿದ ಅವರ ಅಭಿನಯದಿಂದ ಮಾರುಹೋಗಿರುವ ತಾವು ಈ ಪಾತ್ರಕ್ಕೆ ಅವರೇ ಸೂಕ್ತ ಎಂದು ಆಯ್ಕೆ ಮಾಡಿದ್ದೇನೆ ಎನ್ನುತ್ತಾರೆ.
ಆಂಧ್ರ ಮೂಲದ ಇವರು ಚಿತ್ರವನ್ನು ವಿಜಯವಾಡದಲ್ಲಿ ನಡೆದ ಮರ್ಡರ್ ಮತ್ತು ಮಂಗಳೂರಿನ ಪಬ್ ವಿವಾದ ಆಧರಿಸಿ ಹೆಣೆದಿದ್ದಾರೆ. ಪೂಜಾ ಪ್ರಧಾನ ನಾಯಕಿ. ಹಳ್ಳಿ ಹುಡುಗಿಯ ಪಾತ್ರ ಮಾಡುತ್ತಿದ್ದಾರೆ. ಹಳ್ಳಿಯಿಂದ ಬಂದು ಪೇಟೆ ಸೇರುವ ಹುಡುಗಿಯರು ಏನೆಲ್ಲ ಕಷ್ಟ ಅನುಭವಿಸುತ್ತಾರೆ. ಕೆಲವರು ತಪ್ಪು ನಿರ್ಧಾರ ಕೈಗೊಂಡು ಹೇಗೆ ವ್ಯಥೆ ಪಡುತ್ತಾರೆ ಎಂಬುದು ಕಥಾ ಹಂದರವಂತೆ.
ಸಾಧು ಕೋಕಿಲಾ ಭಿಕ್ಷುಕನ ಪಾತ್ರ ಮಾಡುತ್ತಿದ್ದಾರೆ. ಐದು ಭಿನ್ನ ಗೆಟಪ್‌ಗಳಲ್ಲಿ ಕಾಣಿಸಿಕೊಳ್ಳುತ್ತಾರೆ. ಟಿ.ಎಸ್. ಬಾಬು ನಿರ್ಮಾಪಕರಾಗಿದ್ದು, ಮಾರಿಯೋ ಎಕ್ಸರ್ ಸಂಗೀತ ನೀಡಲಿದ್ದಾರೆ. ಮುಂದಿನ ಅಪ್ಡೇಟ್ ಸದ್ಯವೇ ಸಿಗಲಿದೆ.