ಸುದ್ದಿ/ಗಾಸಿಪ್ | ಸಿನಿಮಾ ಮುನ್ನೋಟ | ಸಿನಿಮಾ ವಿಮರ್ಶೆ | ತಾರಾ ಪರಿಚಯ
ಮುಖ್ಯ ಪುಟ ಮನರಂಜನೆ » ಸ್ಯಾಂಡಲ್ ವುಡ್ » ಸುದ್ದಿ/ಗಾಸಿಪ್ » ಇದು ಡಿಫರೆಂಟ್ ಸ್ಟೋರಿ: ಲೇಖನ್ ಕೈಯಲ್ಲಿ ಉದಯವಾಣಿ! (Udayavani | Lekhan | Ravitheja | Priya Hasan)
ಸುದ್ದಿ/ಗಾಸಿಪ್
Bookmark and Share Feedback Print
 
ಇದು ಡಿಫರೆಂಟ್ ಸ್ಟೋರಿ: ಲೇಖನ್ ಕೈಯಲ್ಲಿ ಉದಯವಾಣಿ!  
 
MOKSHA
ನಿರ್ದೇಶಕ ಲೇಖನ್ ಕೈಗೀಗ ಉದಯವಾಣಿ ಸಿಕ್ಕಿದೆ. ಇದೇನು ಕರಾವಳಿಯ ಜನಪ್ರಿಯ ಪತ್ರಿಕೆ ಉದಯವಾಣಿಗೆ ಏನಾಯಿತು ಅಂತೆಲ್ಲಾ ಮಂಡೆ ಬಿಸಿ ಮಾಡಬೇಡಿ ಮಾರಾಯ್ರೆ. ವಿಷಯ ಪಕ್ಕಾ ಸಿಂಪಲ್.

ಚಿತ್ರ ವಿಚಿತ್ರ ಹೆಸರಿಟ್ಟು ಜನರನ್ನು ಆಕರ್ಷಿಸುವ ಟ್ರೆಂಡ್ ಸಿನಿಮಾ ವಲಯದಲ್ಲಿ ಇದ್ದೇ ಇದೆ. ಈಗ ಆ ಸರದಿ ನಿರ್ದೇಶಕ ಲೇಖನ್‌ರದ್ದು. ಅವರು ತಮ್ಮ ಮುಂದಿನ ಚಿತ್ರಕ್ಕೆ ಉದಯವಾಣಿ ಅಂತ ಹೆಸರಿಟ್ಟಿದ್ದಾರೆ. ಸಿಹಿಗಾಳಿ ನಂತರ ನಿರ್ದೇಶಕರು ಕೈಗೆತ್ತಿಕೊಂಡಿರುವ ಹೊಸ ಚಿತ್ರವಿದು. ಚಿತ್ರದ ಹೆಸರು ಪಕ್ಕಾದರೂ, ನಾಯಕ ನಾಯಕಿ, ಚಿತ್ರತಂಡ ರಚನೆ ಇನ್ನು ಪಕ್ಕಾ ಆಗಬೇಕಿದೆ. ಕಥೆ, ಚಿತ್ರಕಥೆಯನ್ನು ನಿರ್ದೇಶಕರೇ ಬರೆದಿದ್ದು, ಚಿತ್ರದ ಚಿತ್ರೀಕರಣವೂ ಶೀಘ್ರವೇ ಆರಂಭವಾಗಲಿದ್ದು, ಸೆಪ್ಟೆಂಬರಿನಲ್ಲಿ ತೆರೆಗೆ ತರುವ ಯತ್ನ ಇವರದ್ದು.

ಅಂದಹಾಗೆ, ಇದೊಂದು ದೊಡ್ಡ ಬಜೆಟ್ ಚಿತ್ರವಂತೆ. ನಾಯಕರಾಗಿ ರವಿತೇಜ ಹಾಗೂ ನಾಯಕಿಯಾಗಿ ಜಂಭದ ಹುಡುಗಿ ಪ್ರಿಯಾ ಹಾಸನ್ ನಟಿಸಬಹುದು ಅನ್ನಲಾಗುತ್ತಿದೆ. ತೆಲುಗಿನ ರವಿತೇಜ ಕೊನೆಗೂ ಕನ್ನಡಕ್ಕೆ ಬಂದರು ಅಂತ ಖಂಡಿತಾ ಅಂದುಕೋಬೇಡಿ. ಇದು ಅಪ್ಪಟ ಕನ್ನಡ ಪ್ರತಿಭೆ ರವಿತೇಜ. ಅವರಿಗೂ ಇದು ಮೊದಲ ಚಿತ್ರ. ಚಿತ್ರ ಒಂದು ಹೊಸ ಪ್ರಯೋಗ ಅನ್ನುವ ಮಾತನ್ನು ನಿರ್ದೇಶಕರು ಆಡುತ್ತಿದ್ದಾರೆ. ಪ್ರಬಲ ತಾಂತ್ರಿಕ ವರ್ಗದ ಸಹಕಾರದೊಂದಿಗೆ ಅದ್ದೂರಿಯಾಗಿ ಚಿತ್ರ ಸಿದ್ಧಪಡಿಸುವ ಆಶಯ ಅವರದ್ದು.

ಚಿತ್ರಕ್ಕೆ ಅಭಿಮಾನ್ ರಾಯ್ ಅಥವಾ ವಿ. ರವಿಕೃಷ್ಣ ಸಂಗೀತ ನೀಡಬಹುದು. ಪ್ರಿಯಾ ಹಸನ್ಗೆ ಅತ್ಯಂತ ಸೂಟ್ ಆಗುವ ಪಾತ್ರ ಇದರಲ್ಲಿದೆಯಂತೆ. ಅಂದಹಾಗೆ ಪ್ರಿಯಾರ 'ಬಿಂದಾಸ್ ಹುಡುಗಿ' ಚಿತ್ರ ಸಂಪೂರ್ಣ ಸಿದ್ಧವಾಗಿದ್ದು, ಸದ್ಯವೇ ತೆರಗೆ ಬರುವ ಸೂಚನೆ ನೀಡಿದೆ. ಆಲ್ ದಿ ಬೆಸ್ಟ್ ಬಿಂದಾಸ್ ಹುಡುಗಿ.
ಸಂಬಂಧಿತ ಮಾಹಿತಿ ಹುಡುಕಿ
ಇದನ್ನು ಸಹ ಶೋಧಿಸು: ಉದಯವಾಣಿ, ಲೇಖನ್, ರವಿತೇಜ, ಪ್ರಿಯಾ ಹಾಸನ್
ಮತ್ತಷ್ಟು
ಸಾಧು ಕೋಕಿಲರ ಶೌರ್ಯದಲ್ಲಿ ದರ್ಶನ್ ಪರಾಕ್ರಮ!
ಮೊದಲ ಹಂತದ ಚಿತ್ರೀಕರಣ ಮುಗಿಸಿದ ಡಯಾನಾ
ರಾಧಿಕಾ ಪಂಡಿತ್‌ಗೆ ಮಾತ್ರ ಒಲಿದ ಅಪೂರ್ವ ಅದೃಷ್ಟ
ಗುಟ್ಟು ರಟ್ಟು: ಗಣೇಶ್ ಅಮೆರಿಕ ವಿಮಾನ ಹತ್ತಲ್ವಂತೆ!
ಹರ್ಷರ 'ಚಿಂಗಾರಿ'ಯಲ್ಲಿ ದರ್ಶನ್ ಬೆಂಕಿಯ ಚೆಂಡು!
ಸರ್ಕಸ್ ಚಿತ್ರದ ಛಾಯಾಗ್ರಾಹಕರಿಗೆ ಇನ್ನೂ ಸಂಭಾವನೆ ಸಿಕ್ಕಿಲ್ಲ!