ಮುಖ್ಯ ಪುಟ 
ಮನರಂಜನೆ » ಸ್ಯಾಂಡಲ್ ವುಡ್ » ಸುದ್ದಿ/ಗಾಸಿಪ್ » ಬರ್ತ್‌ಡೇ ಸಂಭ್ರಮದಲ್ಲಿರೋ ಗಣೇಶ್‌ಗೆ ಹೆಂಡತಿಯೇ ಸರ್ವಸ್ವ! (Golden Star Ganesh | Shilpa | Maleyali Jotheyali | Kool | Mungaru Male)
ಮನರಂಜನೆ » ಸ್ಯಾಂಡಲ್ ವುಡ್ » ಸುದ್ದಿ/ಗಾಸಿಪ್ » ಬರ್ತ್‌ಡೇ ಸಂಭ್ರಮದಲ್ಲಿರೋ ಗಣೇಶ್‌ಗೆ ಹೆಂಡತಿಯೇ ಸರ್ವಸ್ವ! (Golden Star Ganesh | Shilpa | Maleyali Jotheyali | Kool | Mungaru Male)
Feedback
Printಬರ್ತ್‌ಡೇ ಸಂಭ್ರಮದಲ್ಲಿರೋ ಗಣೇಶ್‌ಗೆ ಹೆಂಡತಿಯೇ ಸರ್ವಸ್ವ! 
MOKSHA
ಹೆಂಡತಿ ಬಗ್ಗೆ ಮಾತನಾಡುವ ಗಣೇಶ್, ನನ್ನ ಹೆಂಡತಿ ಶಿಲ್ಪಾಗೆ ಪ್ರತಿಭೆ ಇದೆ. ಆಕೆ ಈಗಷ್ಟೇ ಚಿತ್ರ ನಿರ್ಮಾಣದಲ್ಲಿ ಕೈಹಾಕಿದ್ದಾಳೆ. ಈಗಷ್ಟೇ ಆ ವಲಯದಲ್ಲಿ ಕೊಂಚ ಕಲಿತುಕೊಳ್ಳುತ್ತಿದ್ದಾಳೆ. ಆಕೆಗೆ ನಿರ್ದೇಶನದಲ್ಲೂ ಆಸಕ್ತಿಯಿದೆ. ಆಕೆಗೆ ನಿರ್ದೇಶನ ಮಾಡುವ ಪ್ರತಿಭೆಯೂ ಇದೆ. ಆದರೆ ಈಗಲೇ ಅದಕ್ಕೆಲ್ಲ ಕೈ ಹಾಕೋದು ಬೇಡ ಅಂತ ಸುಮ್ಮನೆ ಇದ್ದೀವಿ. ಕೊಂಚ ಕಾಲ ಕಳೆಯಲಿ. ಆಕೆಗೆ ಕ್ಯಾಮರಾ ಹಿಂದಿನ ಕೆಲಸವೆಲ್ಲ ಕರಗತವಾಗಬೇಕು. ಆಕೆಗೆ ಅದು ಸಾಧ್ಯವಿದೆ ಕೂಡಾ. ನನ್ನ ಹೆಂಡತಿ ನಿರ್ದೇಶಿಸುವ ಚಿತ್ರವೊಂದರಲ್ಲಿ ನಾನು ನಟಿಸಿದರೆ, ಆಗ ನನ್ನಷ್ಟು ಸುಖೀ ಗಂಡನೇ ಮತ್ತೊಬ್ಬನಿಲ್ಲ ಕಣ್ರೀ ಅಂತ ಗಣೇಶ್ ಸಂಭ್ರಮದಿಂದ ಹೇಳುತ್ತಾರೆ.
ಪಕ್ಕದ್ಮನೆ ಹುಡುಗನ ಇಮೇಜ್ ಹೊಂದಿರುವ ಗಣೇಶ್‌ಗೆ ತನ್ನ ಇಮೇಜ್ ಬಗ್ಗೆ ಸಂತೃಪ್ತಿಯಿದೆ. ನಾನೊಬ್ಬ ಸಾಮಾನ್ಯ ಮನುಷ್ಯನಾಗಿಯೇ ಹುಟ್ಟಿ ಬೆಳೆದವನು. ಕಷ್ಟ ಎಂಬುದು ನನಗೆ ಏನು ಎಂದು ಗೊತ್ತು. ಹಂತಹಂತವಾಗಿ ನಾನು ಬೆಳೆದುದನ್ನು ಚಿತ್ರರಂಗವೇ ನೋಡಿದೆ. ಹಾಗಾಗಿ ಎಲ್ಲ ನಾಯಕ ನಟರಂತೆ ನಾನಲ್ಲ ಎನ್ನುತ್ತಾರೆ ಗಣೇಶ್.
ಸದ್ಯಕ್ಕೆ ಕಾಯಕವೇ ಕೈಲಾಸ ಅರ್ಥಾತ್ ಕೆಲಸವೇ ನನ್ನ ಬೆಸ್ಟ್ ಫ್ರೆಂಡ್ ಎನ್ನುವ ಗಣೇಶ್, ಈಗೆಲ್ಲಾ ಸಮಯ ಸಾಲಲ್ಲ. ನನಗೆ ಕೆಲಸವೇ ಈಗ ಮುಖ್ಯ. ಆರು ತಿಂಗಳಿಗೊಮ್ಮೆಯೆಲ್ಲಾ ನನ್ನ ಕ್ಲಾಸ್‌ಮೇಟ್ಸನ್ನು ಭೇಟಿಯಾಗ್ತೀನಿ. ಹರಟುತ್ತೇನೆ. ಆದರೆ ಆಗಾಗ ಭೇಟಿಯಾಗುತ್ತಿರಲು ನನಗೀಗ ಸಮಯವಿಲ್ಲ ಎನ್ನುತ್ತಾರೆ ಗಣೇಶ್. ಸದ್ಯಕ್ಕೆ ತನ್ನ ಹೆಂಡತಿಯ ನಿರ್ಮಾಣದಲ್ಲಿ ವರ್ಷಕ್ಕೊಂದು ಚಿತ್ರ ಮಾಡುವ ಕನಸು ಹೊತ್ತಿರುವ ಗಣೇಶ್ ಇನ್ನೂ ಸಾಕಷ್ಟು ಕನಸು ಹೊತ್ತಿದ್ದಾರೆ. ಅವೆಲ್ಲ ಕನಸು ನನಸಾಗಲಿ ಎಂದು ಹಾರೈಸೋಣ.
ಸಂಬಂಧಿತ ಮಾಹಿತಿ ಹುಡುಕಿ
ಇದನ್ನು ಸಹ ಶೋಧಿಸು: ಗಣೇಶ್, ಗೋಲ್ಡನ್ ಸ್ಟಾರ್, ಶಿಲ್ಪಾ, ಮಳೆಯಲಿ ಜೊತೆಯಲಿ, ಮುಂಗಾರು ಮಳೆ, ಕನ್ನಡ ಸಿನೆಮಾ