ಮುಖ್ಯ ಪುಟ 
ಮನರಂಜನೆ » ಸ್ಯಾಂಡಲ್ ವುಡ್ » ಸುದ್ದಿ/ಗಾಸಿಪ್ » ಈಗ ಕರಿಯಾ ಐ ಲವ್ ಯೂ ಎನ್ನುವ ಸರದಿ ಕಾವೇರಿಯದ್ದು! (Kariya Loves Kaveri | Duniya Vijay | Sai Ramesh)
ಮನರಂಜನೆ » ಸ್ಯಾಂಡಲ್ ವುಡ್ » ಸುದ್ದಿ/ಗಾಸಿಪ್ » ಈಗ ಕರಿಯಾ ಐ ಲವ್ ಯೂ ಎನ್ನುವ ಸರದಿ ಕಾವೇರಿಯದ್ದು! (Kariya Loves Kaveri | Duniya Vijay | Sai Ramesh)
Feedback
Printಈಗ ಕರಿಯಾ ಐ ಲವ್ ಯೂ ಎನ್ನುವ ಸರದಿ ಕಾವೇರಿಯದ್ದು! 
MOKSHA
ಕನ್ನಡದಲ್ಲಿ ಕರಿಯ ಎಂದ ಮೇಲೆ ಇನ್ಯಾರು ಇರಲಿಕ್ಕೆ ಸಾಧ್ಯ ಹೇಳಿ. ಹೌದು, ನಿಮ್ಮ ಊಹೆ ಸರಿಯಾಗಿಯೇ ಇದೆ. ಕರಿಯಾ ಐ ಲವ್ ಯೂ ಎಂಬ ಹಾಡಿನಿಂದ ಜನಪ್ರಿಯತೆಯ ಅಲೆಯಲ್ಲಿ ತೇಲಿದ, ತನ್ನನ್ನು ತಾನು ಕರಿಯ ಎಂದು ಕರೆದುಕೊಳ್ಳುವಲ್ಲೇ ಹಿತ ಕಂಡ ವಿಜಯ್ ಮತ್ತೆ ಕರಿಯನಾಗಿ ಲವ್ ಮಾಡಲಿದ್ದಾರೆ. ಆದರೆ, ಈ ಕಾವೇರಿ ಯಾರು ಎಂಬ ಕುತೂಹಲಕ್ಕೆ ಉತ್ತರ ಸಿಗಲು ಕೊಂಚ ಕಾಲ ಬೇಕು. ಚಿತ್ರದ ನಾಯಕಿಗಾಗಿ ತಂಡ ಹುಡುಕಾಟ ನಡೆಸಿದ್ದು, ಕನ್ನಡದವರಿಗೇ ಅವಕಾಶ ಸಿಗುವ ಸಾಧ್ಯತೆ ಹೆಚ್ಚಿದೆ ಎನ್ನಲಾಗುತ್ತಿದೆ.
ಚಿತ್ರವನ್ನು ಎಂ. ಭದ್ರಿ ನಿರ್ಮಿಸುತ್ತಿದ್ದಾರೆ. ವಿ. ಹರಿಕೃಷ್ಣ ಸಂಗೀತ ನೀಡಿದರೆ, ಜಗದೀಶ್ವಾಲಿ ಕ್ಯಾಮರಾ ಕೈಚಳಕ ತೋರಲಿದ್ದಾರೆ. ತನ್ನನ್ನು ಅಪಾರವಾಗಿ ಪ್ರೀತಿಸುವ ಕಾವೇರಿ ಎಲ್ಲೋ ಕಳೆದು ಹೋಗುತ್ತಾಳೆ. ಅವಳನ್ನು ನಾಯಕ ಅರ್ಥಾತ್ ಕರಿಯ ಹುಡುಕುವುದೇ ಚಿತ್ರದ ಒಂದೆಳೆ ಕಥೆ. ಸಾಯಿ ರಮೇಶ್ ನಿರ್ದೇಶನದಲ್ಲಿ ಚಿತ್ರ ಮೂಡಿಬಂದಿದ್ದು, ಸೆಪ್ಟೆಂಬರ್‌ನಲ್ಲೇ ಚಿತ್ರೀಕರಣ ಆರಂಭವಾಗುವ ಲಕ್ಷಣ ಕಾಣುತ್ತಿದೆ.