ಮುಖ್ಯ ಪುಟ 
ಮನರಂಜನೆ » ಸ್ಯಾಂಡಲ್ ವುಡ್ » ಸುದ್ದಿ/ಗಾಸಿಪ್ » ಈಗ ಶಿವಣ್ಣನೂ ಕಿರುತೆರೆಯತ್ತ: ನಾನಿರುವುದೆ ನಿಮಗಾಗಿ! (Shivaraj Kumar | Naniruvude Nimagagi | Zee Kannada)
ಮನರಂಜನೆ » ಸ್ಯಾಂಡಲ್ ವುಡ್ » ಸುದ್ದಿ/ಗಾಸಿಪ್ » ಈಗ ಶಿವಣ್ಣನೂ ಕಿರುತೆರೆಯತ್ತ: ನಾನಿರುವುದೆ ನಿಮಗಾಗಿ! (Shivaraj Kumar | Naniruvude Nimagagi | Zee Kannada)
Feedback
Printಈಗ ಶಿವಣ್ಣನೂ ಕಿರುತೆರೆಯತ್ತ: ನಾನಿರುವುದೆ ನಿಮಗಾಗಿ! 
MOKSHA
ವಿಶೇಷವೆಂದರೆ ಇದೀಗ ಹ್ಯಾಟ್ರಿಕ್ ಹೀರೋ ಶಿವರಾಜ್ ಕುಮಾರ್ ಕಿರುತೆರೆಯತ್ತ ಮುಖ ಮಾಡಿದ್ದಾರೆ. ಆಗಸ್ಟ್ 30ರಿಂದ ಪ್ರತಿ ಸೋಮವಾರ ಹಾಗೂ ಮಂಗಳವಾರ ರಾತ್ರಿ 9 ಗಂಟೆಯಿಂದ 10ರವರೆಗೆ ಝೀ ಕನ್ನಡ ವಾಹಿನಿಯಲ್ಲಿ ಪ್ರಸಾರವಾಗಲಿರುವ ನಾನಿರುವುದೆ ನಿಮಗಾಗಿ ಕಾರ್ಯಕ್ರಮದ ಮೂಲಕ ನಿರೂಪಕರೂ ಆಗಲಿದ್ದಾರೆ.
ಕಿರುತೆರೆಯಿಂದ ಜನರಿಗೆ ಇನ್ನಷ್ಟು ಹತ್ತಿರವಾಗಲು ಸಾಧ್ಯ ಎನ್ನುವ ಶಿವಣ್ಣ, ಅಪ್ಪಾಜಿಯ ಆಶಯವನ್ನು ಈ ಮೂಲಕ ಈಡೇರಿಸುತ್ತೇನೆ. ಇದರಿಂದ ದೊಡ್ಡ ಸಾಧನೆಯೇನೂ ಮಾಡದಿದ್ದರೂ, ಈ ಶೋನಿಂದ ಬಡ ಜನರಿಗೆ ಒಂದಷ್ಟು ಸಹಾಯವಂತೂ ಆಗಲಿದೆ. ಹಾಗಾಗಿ ಈ ಕಾನ್ಸೆಪ್ಟ್ ಇಷ್ಟ ಆಯ್ತು ಒಪ್ಪಿಕೊಂಡೆ ಎನ್ನುತ್ತಾರೆ ಶಿವಣ್ಣ.
ಸಿನಿಮಾ ನಟನೆಗಿಂತ ಕಿರುತೆರೆಯಲ್ಲಿ ನಿರೂಪಣೆ ಮಾಡೋದು ಕಷ್ಟದ ಕೆಲಸ ಅನ್ನುವ ಶಿವರಾಜ್ ಕುಮಾರ್, ಈ ರಿಯಾಲಿಟಿ ಶೋ ಮುಖಾಂತರ ಬಡವರ, ಸಾಮಾನ್ಯ ಜನರ ಪುಟ್ಟ ಪುಟ್ಟ ಕನಸುಗಳನ್ನು ನನಸು ಮಾಡಲು ಹೊರಟಿದ್ದಾರೆ.
ಕೇವಲ ಶಿವಣ್ಣ ಅಂತಲ್ಲ. ಈಗ ಹಲವಾರು ನಟನಟಿಯರು ಹಿರಿತೆರೆಯಲ್ಲಿ ಬೇಡಿಕೆಯಲ್ಲಿರುವಾಗಲೇ ಕಿರುತೆರೆಗೂ ಲಗ್ಗೆಯಿಟ್ಟಿದ್ದಾರೆ. ನಟ ರಮೇಶ್, ಪ್ರೀತಿಯಿಂದ ರಮೇಶ್ ಕಾರ್ಯಕ್ರಮ ನಡೆಸಿಕೊಡುತ್ತಲೇ ಇದೀಗ ರಾಜಾ ರಾಣಿ ರಮೇಶ್ ಅನ್ನೋ ಕಾರ್ಯಕ್ರಮವನ್ನೂ ಕೈಗೆತ್ತಿಕೊಂಡಿದ್ದಾರೆ. ನಟ ಸುದೀಪ್ ಈ ಹಿಂದೆ ಸುವರ್ಣ ವಾಹಿನಿಯಲ್ಲಿ ಪ್ಯಾಟೆ ಹುಡ್ಗೀರ್ ಹಳ್ಳಿ ಲೈಫು ಶೋವನ್ನು ಭರ್ಜರಿಯಾಗಿ ನಡೆಸಿಕೊಟ್ರು. ಚಾನಲ್ಲಿಗೂ ಅಷ್ಟೇ ಟಿಆರ್‌ಪಿ ಬಂತು. ಈಗ ಹಳ್ಳಿ ಹೈದರ ಪ್ಯಾಟೆ ಲೈಫು ಎಂಬ ಕಾರ್ಯಕ್ರಮದ ಮೂಲಕ ಬಹುಬೇಡಿಕೆಯ ನಟಿ ರಾಧಿಕಾ ಪಂಡಿತ್ ಕೂಡಾ ಕಿರುತೆರೆಗೆ ಲಗ್ಗೆಯಿಟ್ಟಿದ್ದಾರೆ. ಡೀಲ್ ಆರ್ ನೋ ಡೀಲ್ ಎಂದಿದ್ದ ಸಾಯಿ ಕುಮಾರ್ ಮತ್ತೆ ವಾಹ್ವ್ ರಿಯಾಲಿಟಿ ಶೋ ನಡೆಸಲಿದ್ದಾರೆ. ನಟ ಜಗ್ಗೇಶ್ ಆಗೀಗ ಕಾಗೆ ಹಾರಿಸುತ್ತಿರುತ್ತಾರೆ. ಒಟ್ಟಾರೆ ನಟ ನಟಿಯರಿಗಿದು ಕಾಲವಯ್ಯಾ..!