ಮುಖ್ಯ ಪುಟ 
ಮನರಂಜನೆ » ಸ್ಯಾಂಡಲ್ ವುಡ್ » ಸುದ್ದಿ/ಗಾಸಿಪ್ » ವರ್ಷದ ನಂತರ ಹುಂಜದೊಂದಿಗೆ ಬಂದ ಮಯೂರ್ ಪಟೇಲ್ (Mayur Patel | Hunja | Deepika)
ಮನರಂಜನೆ » ಸ್ಯಾಂಡಲ್ ವುಡ್ » ಸುದ್ದಿ/ಗಾಸಿಪ್ » ವರ್ಷದ ನಂತರ ಹುಂಜದೊಂದಿಗೆ ಬಂದ ಮಯೂರ್ ಪಟೇಲ್ (Mayur Patel | Hunja | Deepika)
Feedback
Printವರ್ಷದ ನಂತರ ಹುಂಜದೊಂದಿಗೆ ಬಂದ ಮಯೂರ್ ಪಟೇಲ್ 
 |
MOKSHA |
ಇದುವರೆಗೂ ನಾವು ನಾಯಕರ ಹೆಸರಿನಲ್ಲಿ, ವ್ಯಕ್ತಿಗಳ ಹೆಸರಿನಲ್ಲಿ, ಪ್ರಾಣಿಗಳ ಹೆಸರಿನಲ್ಲಿ ಚಿತ್ರ ಬಂದುದನ್ನು ಕಂಡಿದ್ದೇವೆ, ನೋಡಿದ್ದೇವೆ. ಆದರೆ ಎಲ್ಲಾದರೂ ಪಕ್ಷಿಯ ಹೆಸರಿನಲ್ಲಿ ಬಂದಿದ್ದನ್ನು ನೋಡಿದ್ದೀರಾ. ನೋಡದಿದ್ದರೆ ಇದೀಗ ಬಂದಿದೆ ನೋಡಿ. ಹೌದು. ಇತ್ತೀಚೆಗೆ ಪಕ್ಷಿಯ ಹೆಸರಿನ ಚಿತ್ರ ಬರಲು ಶುರುವಾಗಿದೆ. ಹುಂಜ, ಗುಬ್ಬಿ ಇತ್ಯಾದಿ.
ಹುಂಜ ಈ ವಾರ ರಾಜ್ಯಾದ್ಯಂತ ತೆರೆಕಾಣುತ್ತಿದೆ. ಚಿತ್ರದಲ್ಲಿ ಮಯೂರ್ ಪಟೇಲ್ ನಾಯಕ ಹಾಗೂ ದೀಪಿಕಾ ನಾಯಕಿಯಾಗಿ ನಟಿಸುತ್ತಿದ್ದಾರೆ. ಹಳ್ಳಿ ಹೈದನೊಬ್ಬ ಪೇಟೆಗೆ ಅನಿವಾರ್ಯವಾಗಿ ಬಂದು ಇಲ್ಲಿ ಏನೆಲ್ಲಾ ತೊಡಕು ಎದುರಿಸುತ್ತಾನೆ ಎನ್ನುವುದು ಈ ಚಿತ್ರದ ಮೂಲ ವಸ್ತು. ತಂದೆಯ ಅನಾರೋಗ್ಯಕ್ಕೆ ಚಿಕಿತ್ಸೆ ಕೊಡಿಸಲು ಪಟ್ಟಣಕ್ಕೆ ಬರುವ ನಾಯಕ ಇಲ್ಲಿ ರೌಡಿಗಳ ಕೈಗೆ ಸಿಕ್ಕಿ ಬೀಳುತ್ತಾನೆ. ಖಳ ನಾಯಕರ ಜತೆ ಸೆಣಸಾಡುತ್ತಾನೆ. ನಡುವೆ ಕಳಂಕವೊಂದು ತಲೆಗೇರುತ್ತದೆ. ಅದರಿಂದ ಹೇಗೆ ಬಚಾವಾಗಿ ಬರುತ್ತಾನೆ ಅನ್ನುವುದು ಚಿತ್ರದ ಕಥೆ.
ಮುನಿಯ ನಂತರ ಮಯೂರ್‌ಗೆ ಇದು ಬಿಡುಗಡೆ ಭಾಗ್ಯ ಕಾಣುತ್ತಿರುವ ಚಿತ್ರವಾಗಿದೆ. ಅದೇ ರೀತಿ ಪಟ್ರೆ ಲವ್ಸ್ ಪದ್ಮ ಚಿತ್ರದ ನಂತರ ತೆರೆಕಾಣುತ್ತಿರುವ ದೀಪಿಕಾ ಅವರ ಹೊಸ ಚಿತ್ರವೂ ಇದಾಗಿದೆ. ಚಿತ್ರ ನಿರ್ದೇಶಿಸುತ್ತಿರುವ ಜಯಂತ್ ಅವರಿಗೆ ಇದು 9ನೇ ಚಿತ್ರ. ಅಂದಹಾಗೆ, ಇದೊಂದು ಆಕ್ಷನ್ ಕಂ ಲವ್ ಚಿತ್ರವಾಗಿದೆ. ಅವಿನಾಶ್ ಸಹ ಚಿತ್ರದಲ್ಲಿ ಇದ್ದಾರೆ. ನಿಜಕ್ಕೂ ಸಾಕಷ್ಟು ನಿರೀಕ್ಷೆ ಹುಟ್ಟಿಸಿರುವ ಈ ಚಿತ್ರ ಬಿಡುಗಡೆ ನಂತರ ಏನಾಗುತ್ತದೆ ಅಂತ ಕಾದು ನೋಡಬೇಕು.
ಚಿತ್ರದ ಇನ್ನಷ್ಟು ಫೋಟೋಗಳಿಗಾಗಿ ಮುಂದೆ ಕ್ಲಿಕ್ ಮಾಡಿ...