ಮುಖ್ಯ ಪುಟ 
ಮನರಂಜನೆ » ಸ್ಯಾಂಡಲ್ ವುಡ್ » ಸುದ್ದಿ/ಗಾಸಿಪ್ » ವಿಜಯ್ 'ಜಾನಿ'ಯಲ್ಲಿ ನಟಿಸ್ತೇನೆ; ಪ್ಲೇಟ್ ಬದಲಿಸಿದ ರಮ್ಯಾ
(Ramya | Johny mera naam preeti mera kaam | Dunia Vijay | Kannada Film)
ಮನರಂಜನೆ » ಸ್ಯಾಂಡಲ್ ವುಡ್ » ಸುದ್ದಿ/ಗಾಸಿಪ್ » ವಿಜಯ್ 'ಜಾನಿ'ಯಲ್ಲಿ ನಟಿಸ್ತೇನೆ; ಪ್ಲೇಟ್ ಬದಲಿಸಿದ ರಮ್ಯಾ
(Ramya | Johny mera naam preeti mera kaam | Dunia Vijay | Kannada Film)
Feedback
Printವಿಜಯ್ 'ಜಾನಿ'ಯಲ್ಲಿ ನಟಿಸ್ತೇನೆ; ಪ್ಲೇಟ್ ಬದಲಿಸಿದ ರಮ್ಯಾ
MOKSHA
ನಾನು ಜಾನಿ ಚಿತ್ರದಲ್ಲಿ ನಟಿಸುತ್ತಿಲ್ಲ. ನನ್ನ ವೃತ್ತಿಪರ ನೀತಿಗಳಿಗೆ ಚಿತ್ರ ವಿರುದ್ಧವಾಗಿದೆ. ಅವರ ಕೈಯಲ್ಲಿ ಚೌಕಾಶಿ ಸರಕಾಗಲು ನಾನು ಬಯಸುವುದಿಲ್ಲ, ಚಿತ್ರ ತಂಡಕ್ಕೆ ಶುಭವಾಗಲಿ ಎಂದು ನಿನ್ನೆಯಷ್ಟೇ ರಮ್ಯಾ ತಿಳಿಸಿದ್ದರು.
ಇದನ್ನೂ ಓದಿ: ವಿಜಯ್ 'ಜಾನಿ' ನನಗೆ ಹೇಳಿದ ಚಿತ್ರವಲ್ಲ, ನಟಿಸಲ್ಲ: ರಮ್ಯಾ
ಈಗಷ್ಟೇ ನಾನು ದುನಿಯಾ ವಿಜಿ ನಾಯಕರಾಗಿರುವ 'ಜಾನಿ ಮೇರಾ ನಾಮ್, ಪ್ರೀತಿ ಮೇರಾ ಕಾಮ್' ಚಿತ್ರಕ್ಕೆ ಸಹಿ ಮಾಡಿದ್ದೇನೆ. ಕೆಲವೇ ದಿನಗಳಲ್ಲಿ ಚಿತ್ರದ ಚಿತ್ರೀಕರಣ ಮೈಸೂರಿನಲ್ಲಿ ಆರಂಭವಾಗಲಿದೆ. ಈ ಚಿತ್ರದ ನಿರ್ದೇಶಕರು ಪ್ರೀತಂ ಗುಬ್ಬಿ. ನಕ್ಕುನಗಿಸುವ ಚಿತ್ರಕಥೆಯನ್ನು ಸಿದ್ಧಪಡಿಸಿದ್ದಾರೆ. ಚಿತ್ರೀಕರಣದಲ್ಲೂ ಮಜಾ ಸಿಗಬಹುದೆಂಬುದು ನನ್ನ ನಂಬಿಕೆ ಎಂದು ಈಗ ರಮ್ಯಾ ತನ್ನ ಟ್ವಿಟ್ಟರ್-ಫೇಸ್‌ಬುಕ್‌ನಲ್ಲಿ ಹೇಳಿಕೊಂಡಿದ್ದಾರೆ.
ಮೂಲಗಳ ಪ್ರಕಾರ ರಮ್ಯಾ ಚಿತ್ರವನ್ನು ಆರಂಭದಲ್ಲಿ ಒಪ್ಪಿಕೊಂಡು, ನಂತರ ಸಂಭಾವನೆ ವಿಚಾರದಲ್ಲಿ ಜಗ್ಗದೆ ನಿರಾಕರಿಸಿದ್ದರು. ಅವರು 22 ಲಕ್ಷ ರೂಪಾಯಿಗಳಿಗೆ ಬೇಡಿಕೆ ಇಟ್ಟಿದ್ದರು. ಆದರೆ ಇದಕ್ಕೆ ನಿರ್ಮಾಪಕ-ನಿರ್ದೇಶಕರು ಒಪ್ಪಿಕೊಂಡಿರಲಿಲ್ಲ.
ಇದನ್ನೇ ಪರೋಕ್ಷವಾಗಿ ಹೇಳಿದ್ದ ರಮ್ಯಾ, ತಾನು ಚೌಕಾಶಿ ಸರಕಲ್ಲ. ಚಿತ್ರದಲ್ಲಿ ನಟಿಸುವುದಿಲ್ಲ ಎಂದಿದ್ದರು.
ಈಗ ಎಲ್ಲವೂ ಬದಲಾಗಿದೆ. ಬದಲಾಗಿರುವುದು ನಿರ್ಮಾಪಕ-ನಿರ್ದೇಶಕರೋ ಅಥವಾ ರಮ್ಯಾರೋ ಎಂಬುದು ಖಚಿತವಾಗಿಲ್ಲ. ಆದರೂ 22 ಲಕ್ಷ ರೂಪಾಯಿಗಿಂತ ಕಡಿಮೆಗೆ ರಮ್ಯಾ ಒಪ್ಪಿರಲಾರರು ಎಂದು ಹೇಳಲಾಗುತ್ತಿದೆ.
ಒಟ್ಟಾರೆ ಮತ್ತೊಂದು ವಿವಾದವು ಹೊತ್ತಿಕೊಂಡಷ್ಟೇ ವೇಗದಲ್ಲಿ ಆರಿ ಹೋಗಿದೆ. ಬಹುಕಾಲದಿಂದ ನಿರೀಕ್ಷಿಸುತ್ತಿದ್ದ 'ಕರಿ ಚಿರತೆ' ವಿಜಯ್ - 'ಜಂಭದ ಕೋಳಿ' ರಮ್ಯಾ ಜೋಡಿ ತೆರೆಗೆ ಬರುವಂತಾಗಿದೆ.