ಮುಖ್ಯ ಪುಟ 
ಮನರಂಜನೆ » ಸ್ಯಾಂಡಲ್ ವುಡ್ » ಸುದ್ದಿ/ಗಾಸಿಪ್ » 'ಇಂತಿ ನಿನ್ನ ಪ್ರೀತಿಯ' ನಾಯಕಿ ಸೋನುಗೆ ವಿವಾಹ ಬಂಧನ (Sandalwood\ | Kannada cinema| Sonu | Manoj)
ಮನರಂಜನೆ » ಸ್ಯಾಂಡಲ್ ವುಡ್ » ಸುದ್ದಿ/ಗಾಸಿಪ್ » 'ಇಂತಿ ನಿನ್ನ ಪ್ರೀತಿಯ' ನಾಯಕಿ ಸೋನುಗೆ ವಿವಾಹ ಬಂಧನ (Sandalwood\ | Kannada cinema| Sonu | Manoj)
Feedback
Print'ಇಂತಿ ನಿನ್ನ ಪ್ರೀತಿಯ' ನಾಯಕಿ ಸೋನುಗೆ ವಿವಾಹ ಬಂಧನ 
ಬೆಂಗಳೂರು, ಸೋಮವಾರ, 1 ನವೆಂಬರ್ 2010( 16:23 IST )
NRB
ಸೋನು ಹಾಗೂ ಮನೋಜ್ (ಮನು) ನಡುವೆ ಆಗಲೇ ಅಂಕುರಿಸಿದ್ದ ಪ್ರೀತಿಗೆ ಪೋಷಣೆ ನೀಡಿದ್ದವರು ಕಿಟ್ಟಿ ಹಾಗೂ ಇತರ ಸ್ನೇಹಿತರು.
ಆದರೆ, ಮನು ಹಾಗೂ ಸೋನು ಈ ವಿಷಯವನ್ನು ಕಳೆದ ಎರಡು ವರ್ಷಗಳಿಂದ ಬಹಿರಂಗಪಡಿಸದೆ ಕದ್ದುಮುಚ್ಚಿ ಪ್ರೀತಿಯಾಟದಲ್ಲಿ ತೊಡಗಿದ್ದರು. ಈಗ ಸೂಕ್ತ ಕಾಲ ಎಂದು ಎಣಿಸಿ ಬೆಂಗಳೂರಿನ ಜೆ.ಪಿ.ನಗರದಲ್ಲಿರುವ ಶ್ರೀ ವೆಂಕಟೇಶ್ವರ ಸ್ವಾಮಿ ದೇವಸ್ಥಾನದಲ್ಲಿ ತಮ್ಮ ತೀರ ಹತ್ತಿರ ಸಂಬಂಧಿಗಳ ಮುಂದೆ ವಿವಾಹ ಬಂಧನಕ್ಕೊಳಗಾಗಿದ್ದಾರೆ ಎಂದು ಮನು ಗೆಳೆಯರು ತಿಳಿಸಿದ್ದಾರೆ.
ಖ್ಯಾತ ಮೇಕಪ್ ಕಲಾವಿದ ರಾಮಕೃಷ್ಣ ಅವರ ಪುತ್ರಿ ಈ ನಟಿ ಸೋನು. ಎಲ್ಲಿ ತನ್ನ ಸಿನಿಮಾ ಕೆರಿಯರ್ ಈ ಲವ್ ಅಡ್ಡಿಯಾಗುತ್ತೋ ಎಂದು ಹೆದರಿದ್ದ ಈಕೆ ಈ ಮಧ್ಯದಲ್ಲಿ ಶಿವರಾಜ್ ಕುಮಾರ್ ಅಭಿನಯದ 'ಪರಮೇಶ ಪಾನ್ವಾಲ್' ಸೇರಿದಂತೆ 'ಗುಲಾಮ', 'ಪೊಲೀಸ್ ಕ್ವಾರ್ಟರ್ಸ್' ಚಿತ್ರಗಳಲ್ಲಿ ಉತ್ತಮ ಪಾತ್ರಗಳಲ್ಲಿ ನಟಿಸಿದ್ದಾರೆ. ಅಲ್ಲದೆ, 'ಸಿವಪ್ಪು ಮಳೈ', 'ಕಾವಲರ್ ಕಡಿಯಿಪು' ತಮಿಳು ಹಾಗೂ ಹೆಸರಾಂತ ಮಮ್ಮುಟಿ ಅಭಿನಯದ ಮಲೆಯಾಳಂ ಚಿತ್ರ 'ಒರು ಸಿನಿಮಾ ಕಥ'ದಲ್ಲಿ ಅಭಿನಯಿಸಿದ್ದಾರೆ.
ನಗರದ ಗಂಜಾಮ್ ಹಾಲ್‌ನಲ್ಲಿ ಆರತಕ್ಷತೆ ಕಾರ್ಯಕ್ರಮ ನಡೆದಿದೆ ಎಂದು ತಿಳಿದುಬಂದಿದೆ. ಮನೋಜ್ ಫೈನಾನ್ಸ್ ಹಾಗೂ ವ್ಯವಹಾರ ಮಾಡುತ್ತಿದ್ದಾರೆ. ನಿರ್ಮಾಪಕ ಚಂದ್ರು ಈ ದಂಪತಿಗಳ ಆತ್ಮೀಯ ಎಂದು ತಿಳಿದುಬಂದಿದೆ.