ಮುಖ್ಯ ಪುಟ 
ಮನರಂಜನೆ » ಸ್ಯಾಂಡಲ್ ವುಡ್ » ಸುದ್ದಿ/ಗಾಸಿಪ್ » ಬಿಂದಾಸ್ ಹುಡುಗಿ ಪ್ರಿಯಾ ಈಗ ರೆಬೆಲ್, ಗಂಡುಬೀರಿ
(Priyahasan | Bindas Hudugi | Rebel | Gandubeeri Hennu)
ಮನರಂಜನೆ » ಸ್ಯಾಂಡಲ್ ವುಡ್ » ಸುದ್ದಿ/ಗಾಸಿಪ್ » ಬಿಂದಾಸ್ ಹುಡುಗಿ ಪ್ರಿಯಾ ಈಗ ರೆಬೆಲ್, ಗಂಡುಬೀರಿ
(Priyahasan | Bindas Hudugi | Rebel | Gandubeeri Hennu)
Feedback
Printಬಿಂದಾಸ್ ಹುಡುಗಿ ಪ್ರಿಯಾ ಈಗ ರೆಬೆಲ್, ಗಂಡುಬೀರಿ
MOKSHA
ಪ್ರಿಯಾಹಾಸನ್ ಈಗ ಎರಡು ಹೊಸ ಚಿತ್ರಗಳನ್ನು ಒಪ್ಪಿಕೊಂಡಿದ್ದಾರೆ. ಒಂದು 'ರೆಬೆಲ್' - ಪಕ್ಕಾ ಆಕ್ಷನ್ ಚಿತ್ರ. ಈ ಚಿತ್ರವನ್ನು ಎ. ಗಣೇಶ್ ನಿರ್ಮಾಣ ಮಾಡುತ್ತಿದ್ದು, ಚಿತ್ರದ ಸಾಹಸ ಸಂಯೋಜನೆ ಹಾಗೂ ನಿರ್ದೇಶನದ ಹೊಣೆಗಾರಿಕೆಯನ್ನು ಥ್ರಿಲ್ಲರ್ ಮಂಜು ವಹಿಸಿಕೊಂಡಿದ್ದಾರೆ. ತೆಲುಗು ನಟ ಜೆ.ಡಿ. ಚಕ್ರವರ್ತಿ ಈ ಚಿತ್ರದ ನಾಯಕ. ಉಳಿದ ಕಲಾವಿದರ ಹಾಗೂ ತಾಂತ್ರಿಕ ವರ್ಗದವರ ಆಯ್ಕೆ ಇನ್ನೂ ಆಗಿಲ್ಲ.
ಈ ಚಿತ್ರದಲ್ಲೂ ಪ್ರಿಯಾಹಾಸನ್ ಪೊಲೀಸ್ ಅಧಿಕಾರಿ. ಈ ಚಿತ್ರವನ್ನು ಕನ್ನಡ ಹಾಗೂ ತಮಿಳಿನಲ್ಲಿ ಏಕಕಾಲದಲ್ಲಿ ತಯಾರಿಸಲಾಗುವುದು ಎಂದು ನಿರ್ದೇಶಕ ಮಂಜು ಹೇಳಿದ್ದಾರೆ. ಪ್ರಿಯಾಹಾಸನ್ ಅಭಿನಯದ ಮತ್ತೊಂದು ಚಿತ್ರ 'ಗಂಡುಬೀರಿ ಹೆಣ್ಣು'. ಈ ಚಿತ್ರ ಚಾಮುಂಡೇಶ್ವರಿ ಸ್ಟುಡಿಯೋ ಮಾಲಿಕರಾದ ರಾಜಲಕ್ಷ್ಮಿ ನಿರ್ಮಿಸುತ್ತಿದ್ದಾರೆ.
ಇದು ಫ್ಯಾಮಿಲಿ ಎಂಟರ್ಟೈನ್ಮೆಂಟ್. ಆದರೆ, ನಾಯಕಿಯ ಕ್ಯಾರೆಕ್ಟರ್ ಮಾತ್ರ ರಫ್ ಅಂಡ್ ಟಫ್. ಸ್ವಂತ ಬ್ಯಾನರ್ನಲ್ಲಿ ಮಾತ್ರ ಅಭಿನಯಿಸುತ್ತೇನೆ ಎಂದು ಹೇಳಿಕೊಂಡಿದ್ದ ಪ್ರಿಯಾ, ಈ ಎರಡು ಚಿತ್ರಗಳನ್ನು ಒಪ್ಪಿಕೊಂಡು ತಮ್ಮ ಮಾತನ್ನು ತಾವೇ ಮುರಿದಿದ್ದಾರೆ ಎನಿಸುತ್ತದೆ.
ಆದರೆ, ಈ ಚಿತ್ರಗಳನ್ನು ಪೂರ್ತಿಗೊಳಿಸಿದ ನಂತರ ಮತ್ತೊಂದು ಸ್ವಂತ ಬ್ಯಾನರ್ ಚಿತ್ರ ಮಾಡುತ್ತಾರಂತೆ. ಈ ಮಧ್ಯೆ ಆಕೆಯ 'ಬಿಂದಾಸ್ ಹುಡುಗಿ' 50 ದಿನಗಳನ್ನು ಪೂರೈಸಿದ ಸುದ್ದಿಯೂ ಬಂದಿದೆ.