ಮುಖ್ಯ ಪುಟ 
ಮನರಂಜನೆ » ಸ್ಯಾಂಡಲ್ ವುಡ್ » ಸುದ್ದಿ/ಗಾಸಿಪ್ » ಕನ್ನಡ ಚಿತ್ರರಂಗಕ್ಕೆ ಮೋಹಕ ನಟಿ ರಮ್ಯಾ ವಿದಾಯ? (Dandam dashagunam | Ramya | Sandalwood | Karnataka)
ಮನರಂಜನೆ » ಸ್ಯಾಂಡಲ್ ವುಡ್ » ಸುದ್ದಿ/ಗಾಸಿಪ್ » ಕನ್ನಡ ಚಿತ್ರರಂಗಕ್ಕೆ ಮೋಹಕ ನಟಿ ರಮ್ಯಾ ವಿದಾಯ? (Dandam dashagunam | Ramya | Sandalwood | Karnataka) 
PR
ನಾನು ಕೆಲಸ ಮಾಡಲು ಇಚ್ಛಿಸುವುದಿಲ್ಲ ಎಂದು ಟ್ವಿಟರ್‌ನಲ್ಲಿ ರಮ್ಯಾ ಬರೆದುಕೊಂಡಿದ್ದಾರೆ. ಹಲವು ಬಾರಿ ವಿವಾದಕ್ಕೆ ಒಳಗಾಗಿರುವ ರಮ್ಯಾ ಅವರ ಇಂತಹದೊಂದು ಹೇಳಿಕೆಯು ಆಕೆಯ ಅಭಿಮಾನಿಗಳಲ್ಲಿ ಸಾಕಷ್ಟು ಬೇಸರಕ್ಕೆ ಕಾರಣವಾಗಿದೆ.
ಒಂದು ತಿಂಗಳೊಳಗೆ ಸಂಭಾವನೆ ಪಾವತಿಸುವ ಒಪ್ಪಂದವಿತ್ತು.....
ಕನ್ನಡ ಚಿತ್ರರಂಗದೊಂದಿಗೆ ಗುದ್ದಾಡುವ ಚೈತನ್ಯ ನನ್ನಲ್ಲಿಲ್ಲ. ಈ ಬೆಳವಣಿಗೆಯಿಂದ ಸಾಕಷ್ಟು ನೊಂದಿದ್ದೇನೆ. ಕೇವಲ ಒಬ್ಬರನ್ನೇ ಗುರಿಮಾಡಿ ಚಿತ್ರಕ್ಕೆ ಪ್ರಚಾರ ಗಿಟ್ಟಿಸಿಕೊಳ್ಳಲಾಗುತ್ತಿದೆ. ಈ ಸಂಬಂಧ ಕಾನೂನು ರೀತಿಯ ಹೋರಾಟ ನಡೆಸಲು ಯತ್ನಿಸುತ್ತೇನೆ.
ಯಾಕೆಂದರೆ ನಿರ್ಮಾಪಕರು ಈ ಮೊದಲು ಮಾಡಿದ್ದ ಸಂಭಾವನೆ ಒಪ್ಪಂದದಲ್ಲಿ ಒಂದು ತಿಂಗಳೊಳಗೆ ಪೂರ್ತಿ ಹಣ ಪಾವತಿಸುವುದಾಗಿ ತಿಳಿಸಿದ್ದರು. ಆದರೆ ಒಪ್ಪಂದದಂತೆ ನಿರ್ಮಾಪಕರು ನಡೆದುಕೊಂಡಿಲ್ಲ. ಇದಕ್ಕೆ ಸಂಬಂಧಿಸಿದಂತೆ ಎಲ್ಲಾ ದಾಖಲಾತಿಗಳು ನನ್ನ ಬಳಿ ಇವೆ.
ಈ ಕಾರಣಕ್ಕೆ ಅನಾವಶ್ಯಕ ವಿವಾದ ತೆಗೆಯಲಾಗಿದೆ. ಕೇವಲ ಒಬ್ಬರನ್ನು ಗುರಿಯಾಗಿಸಿ ಚಿತ್ರದ ಪ್ರಚಾರ ಗಿಟ್ಟಿಸಿಕೊಳ್ಳುವುದು ಎಷ್ಟು ಸರಿ ಎಂದು ರಮ್ಯಾ ಪ್ರಶ್ನಿಸಿದ್ದಾರೆ. ಇದಕ್ಕೆ ಸೂಕ್ತ ಉತ್ತರ ಕಾನೂನು ಸಮರ. ಆದ್ದರಿಂದ ಈ ವಿಚಾರಕ್ಕೆ ಪೂರಕವಾದ ಕಾನೂನಿನ ಸಹಾಯ ಪಡೆಯಲು ಯತ್ನಿಸುತ್ತೇನೆ.
ಅಭಿಮಾನಿಗಳನ್ನು ಬಿಟ್ಟರೆ ಬೇರೆ ಯಾರನ್ನೂ ಕ್ಯಾರೆ ಅನ್ನಲ್ಲ...
ನನ್ನನ್ನು ಈ ಮಟ್ಟಕ್ಕೆ ಬೆಳೆಸಿದ್ದು ಕನ್ನಡ ಚಿತ್ರದ ಅಭಿಮಾನಿಗಳು. ಅವರಿಗೆ ನಾನು ಎಂದೂ ಅಭಾರಿಯಾಗಿರುತ್ತೇನೆ. ನನ್ನನ್ನು ಇಷ್ಟು ಎತ್ತರಕ್ಕೆ ಬೆಳೆಸಿದ್ದ ಅಭಿಮಾನಿಗಳಿಗೆ ಧನ್ಯವಾದ. ಈ ವಿಚಾರನ್ನು ತನ್ನ ಅಭಿಮಾನಿಗಳೊಂದಿಗೆ ಮಾತ್ರ ಚರ್ಚಿಸಲು ಇಚ್ಚಿಸುತ್ತೇನೆ ಎಂದಿದ್ದಾರೆ. ಇನ್ನು ಮುಂದೆ ಹೊಸ ಜೀವನ ನಡೆಸುವ ಉದ್ದೇಶ ಇದೆ ಎಂದಿದ್ದಾರೆ.
ಈ ನಡುವೆ ಪರಭಾಷಾ ನಟಿಯರಾದರೆ ರೆಡ್‌ ಕಾರ್ಪೆಟ್ ಹಾಕಿ ಸ್ವಾಗತಿಸುತ್ತಾರೆ. ಅವರು ಪ್ರಚಾರಕ್ಕೆ ಬರದಿದ್ದರೂ ಯಾವುದೇ ತಗಾದೆ ತೆಗೆಯುವುದಿಲ್ಲ. ಆದರೆ ನಮ್ಮರೇ ಆದದಕ್ಕೆ ಇಷ್ಟೆಲ್ಲ ಕಾರಣ ಹೇಳಿ ವಿವಾದ ಸೃಷ್ಟಿಸುತ್ತಿರುವುದು ಎಷ್ಟು ಸರಿ ಎಂಬ ಪ್ರಶ್ನೆಗಳೂ ಕೇಳಿಬರುತ್ತಿವೆ.
ಹಿನ್ನಲೆ...
ನಟಿ ರಮ್ಯಾ 'ದಂಡಂ ದಶಗುಣಂ' ಚಿತ್ರದ ಧ್ವನಿಸುರುಳಿ ಬಿಡುಗಡೆ ಕಾರ್ಯಕ್ರಮಕ್ಕೆ ಬಂದಿರಲಿಲ್ಲ. ಇದರಿಂದ ರೊಚ್ಚಿಗೆದ್ದಿದ್ದ ಚಿತ್ರದ ನಿರ್ಮಾಪಕರು ಎ ಗಣೇಶ್ ಚಲನಚಿತ್ರ ವಾಣಿಜ್ಯ ಮಂಡಳಿಗೆ ದೂರು ನೀಡಿದ್ದರು.
ಚಿತ್ರದ ಫುಲ್ ಪೇಯ್‌ಮೆಂಟ್ ನೀಡಿದ್ದರೂ ಕಾರ್ಯಕ್ರಮಕ್ಕೆ ರಮ್ಯಾ ಆಗಮಿಸಿರಲಿಲ್ಲ. ನಂತರ ಸಭೆ ಸೇರಿದ ನಿರ್ಮಾಪಕರ ಸಂಘ, ಮುಂದಿನ ನಲವತ್ತೆಂಟು ಗಂಟೆಯೊಳಗೆ 'ದಂಡಂ ದಶಗುಣಂ' ಚಿತ್ರದ ಪ್ರಚಾರದಲ್ಲಿ ಭಾಗವಹಿಸುವಂತೆ ಗಡುವು ನೀಡಿದ್ದರು.
ಆದರೆ ಇವೆಲ್ಲವನ್ನು ಲೆಕ್ಕಿಸದ ರಮ್ಯಾ ತಮ್ಮ ಅಸಮಾಧಾನವನ್ನು ಸಾಮಾಜಿಕ ಅಂತರ್ಜಾಲ ತಾಣ ಟ್ವಿಟರ್ ಪೇಜ್‌ನಲ್ಲಿ ಬರೆದುಕೊಂಡಿದ್ದಾರೆ. ಮಾಧ್ಯಮದವರ ಮೇಲೂ ಈ ಮೋಹಕ ನಟಿ ಕಿರಿಕ್ ತೋರಿದ್ದಾರೆ.
ಇವನ್ನೂ ಓದಿ
ಇದನ್ನು ಸಹ ಶೋಧಿಸು: ರಮ್ಯಾ, ದಂಡಂ ದಶಗುಣಂ, ಕನ್ನಡ ಚಿತ್ರರಂಗ, ಚಲನಚಿತ್ರ ವಾಣಿಜ್ಯ ಮಂಡಳಿ