ಸುದ್ದಿ/ಗಾಸಿಪ್ | ಸಿನಿಮಾ ಮುನ್ನೋಟ | ಸಿನಿಮಾ ವಿಮರ್ಶೆ | ತಾರಾ ಪರಿಚಯ
ಮುಖ್ಯ ಪುಟ ಮನರಂಜನೆ » ಸ್ಯಾಂಡಲ್ ವುಡ್ » ಸುದ್ದಿ/ಗಾಸಿಪ್ » ದೈವಿಕ ಚಿತ್ರದಿಂದ 'ತುಳಸಿ'ಗೆ ಮೊರೆ ಹೋದ ಸಾಯಿಪ್ರಕಾಶ್ (Thulasi | Saayi Prakash | Kishore | Rekha)
ದೈವಿಕ ಚಿತ್ರದಿಂದ 'ತುಳಸಿ'ಗೆ ಮೊರೆ ಹೋದ ಸಾಯಿಪ್ರಕಾಶ್  
PR
'ಶ್ರೀ ನಾಗಶಕ್ತಿ', 'ಆದಿಚುಂಚನಗಿರಿ ಮಹಾತ್ಮೆ'ಗಳಂತಹ ದೈವಿಕತೆಯ ಚಿತ್ರಗಳಿಂದ ಸದ್ಯ ಬಿಡುಗಡೆ ಪಡೆದಿರುವ ನಿರ್ದೇಶಕ ಸಾಯಿಪ್ರಕಾಶ್ ಅವರು ಈಗ 'ತುಳಸಿ'ಗೆ ಮೊರೆ ಹೋದಂತಿದೆ.

ದರ್ಶನ್ ಅಭಿನಯದ 'ಬಾಸ್' ನಂತರ ನಿರ್ಮಾಪಕ ರಮೇಶ್ ಯಾದವ್ 'ತುಳಸಿ'ಯನ್ನು ನಿರ್ಮಿಸಲಿದ್ದು, ಹಳ್ಳಿ ಹಿನ್ನೆಲೆಯ ಸೆಂಟಿಮೆಂಟ್ ಚಿತ್ರಗಳನ್ನು ಮಾಡಿದ ಹ್ಯಾಂಗೋವರ್ನಲ್ಲಿರುವ ಅವರು ಮತ್ತೋರ್ವ ಸೆಂಟಿಮೆಂಟ್ ಚಿತ್ರಗಳ ನಿರ್ದೇಶಕ ಸಾಯಿಪ್ರಕಾಶ್ ಅವರಿಗೆ 'ತುಳಸಿ' ನಿರ್ದೇಶನದ ಜವಾಬ್ದಾರಿ ಒಪ್ಪಿಸಿದ್ದಾರೆ.

'ತುಳಸಿ' ಸೆಟ್ಟೇರಿತೆಂದರೆ ಸ್ಯಾಂಡಲ್‌ವುಡ್‌ನಲ್ಲಿ ರಮೇಶ್ ಯಾದವ್ ಚಿತ್ರಗಳ ಸಂಖ್ಯೆ 21ಕ್ಕೆ ಏರಲಿದೆ. ಮೈಸೂರು ಭಾಗದ ಹಳ್ಳಿಯೊಂದರಲ್ಲಿ ನಡೆಯುವ ಕಥೆಯನ್ನು 'ತುಳಸಿ' ಹೊಂದಿದೆ. ಈ ಚಿತ್ರಕ್ಕೆ ಡಿ.ಎ.ಮಧು ಅವರ ಸಂಭಾಷಣೆ, ಜೆ.ಜಿ. ಕೃಷ್ಣಾ ಅವರ ಛಾಯಾಗ್ರಹಣವಿದೆ.

ಖಳನಟ ಕಿಶೋರ್ 'ಹುಲಿ' ನಂತರ 'ತುಳಸಿ'ಯಲ್ಲಿ ನಾಯಕ ಸ್ಥಾನಕ್ಕೆ ಏರಿದ್ದು ಸ್ಯಾಂಡಲ್‌ವುಡ್‌ನಲ್ಲಿ ಅವರಿನ್ನು ನಾಯಕರಾಗಿಯೇ ಮುಂದುವರಿಯುತ್ತಾರೆಯೇ ಎಂಬುದನ್ನು ಕಾದು ನೋಡಬೇಕಿದೆ.

ಜಿಂಕೆಮರಿ ಖ್ಯಾತಿಯ ರೇಖಾ 'ತುಳಸಿ'ಯ ನಾಯಕಿ. ಕೆ.ಕಲ್ಯಾಣ್ ಈ ಚಿತ್ರಕ್ಕೆ ಐದು ಹಾಡುಗಳನ್ನು ಬರೆದಿದ್ದು ರಾಜೇಶ್ ರಾಮನಾಥ್ ಸಂಗೀತ ನೀಡಿದ್ದಾರೆ. ರಫ್, ಸೆಂಟಿಮೆಂಟ್ ಹಾಗೂ ಪ್ರೇಮದ ಅಂಶಗಳನ್ನೊಳಗೊಂಡ ಕಥೆಯನ್ನು ಹೊಂದಿರುವ 'ತುಳಸಿ'ಯಲ್ಲಿ ಮೂರು ವಿಶೇಷ ಫೈಟ್‌ಗಳಿವೆಯಂತೆ.

ಏಪ್ರಿಲ್ ಮೊದಲ ವಾರದಲ್ಲಿ 'ತುಳಸಿ'ಯ ಚಿತ್ರೀಕರಣ ಆರಂಭಿಸಲು ರಮೇಶ್ ಯಾದವ್ ಸಿದ್ಧತೆ ನಡೆಸಿದ್ದು ನಿರ್ದೇಶನ ಕಾರ್ಯದತ್ತ ಸಾಯಿಪ್ರಕಾಶ್ ಮಗ್ನರಾಗಿದ್ದಾರೆ.
ಇವನ್ನೂ ಓದಿ
ಭಕ್ತಿ ಪ್ರಧಾನ ಚಿತ್ರ 'ಶ್ರೀ ನಾಗಶಕ್ತಿ' ತೆರೆಗೆ ಬರಲು ಸಿದ್ಧ
ಸಾಯಿಪ್ರಕಾಶ್‌ರಿಂದ ಬಾಲಗಂಗಾಧರನಾಥ ಸ್ವಾಮೀಜಿ ಸಿನಿಮಾ
ಸಾಯಿ 'ಶ್ರೀ ನಾಗಶಕ್ತಿ'ಗೆ ಕೊನೆಗೂ ಬಿಡುಗಡೆ ಭಾಗ್ಯ
ಶ್ರೀ ನಾಗಶಕ್ತಿ ವಿಮರ್ಶೆ: ಭಕ್ತಿ ಪ್ರಧಾನ, ತಂತ್ರಜ್ಞಾನ ನಿಧಾನ
ದರ್ಶನ್ 'ಬಾಸ್'ಗೆ ಮೈಲಾರಿ ಪ್ರತಿಭಟನೆ; ನೀವು ರೆಡಿನಾ?
ಇದನ್ನು ಸಹ ಶೋಧಿಸು: ತುಳಸಿ, ಸಾಯಿಪ್ರಕಾಶ್, ಕಿಶೋರ್, ರಮೇಶ್ ಯಾದವ್, ರೇಖಾ, ರಾಜೇಶ್ ರಾಮನಾಥ್