ಮುಖ್ಯ ಪುಟ 
ಮನರಂಜನೆ » ಸ್ಯಾಂಡಲ್ ವುಡ್ » ಸುದ್ದಿ/ಗಾಸಿಪ್ » ಕ್ಷಮೆ ಯಾಚಿಸಿ ದುಡ್ಡು ಕೊಟ್ಟ ಗಣೇಶ್: ರಮ್ಯಾ ವಿವಾದ ಸುಖಾಂತ್ಯ (Dandam Dashagunam | Ramya | A.Ganesh | Munirathna)
ಮನರಂಜನೆ » ಸ್ಯಾಂಡಲ್ ವುಡ್ » ಸುದ್ದಿ/ಗಾಸಿಪ್ » ಕ್ಷಮೆ ಯಾಚಿಸಿ ದುಡ್ಡು ಕೊಟ್ಟ ಗಣೇಶ್: ರಮ್ಯಾ ವಿವಾದ ಸುಖಾಂತ್ಯ (Dandam Dashagunam | Ramya | A.Ganesh | Munirathna) 
PR
ಇಂದು ಕೊನೆಗೊಳ್ಳುತ್ತದೆ, ನಾಳೆ ಕೊನೆಗೊಳ್ಳುತ್ತದೆ ಎಂದು ಬೇರೆ-ಬೇರೆ ರೀತಿಯಲ್ಲಿ ತಿರುವು ಪಡೆದುಕೊಂಡಿದ್ದ 'ದಂಡಂ ದಶಗುಣಂ' ಚಿತ್ರದ ವಿವಾದ ಗುರುವಾರ ಅಂಬರೀಷ್ ಅವರ ನಿವಾಸದಲ್ಲಿ ಸುಖಾಂತ್ಯ ಕಂಡಿದೆ.
ಬೆಂಗಳೂರಿನ ಜೆ.ಪಿ.ನಗರದಲ್ಲಿರುವ ಅಂಬರೀಷ್ ನಿವಾಸದಲ್ಲಿ ನಿರ್ಮಾಪಕರ ಸಂಘ, ವಾಣಿಜ್ಯ ಮಂಡಳಿ, ಕಲಾವಿದರ ಸಂಘ, ವಿತರಕರ ಸಂಘದ ಪ್ರಮುಖರೆಲ್ಲ ಸಭೆ ಸೇರಿ ಈ ವಿವಾದಕ್ಕೆ ಅಂತ್ಯಹಾಡಿದ್ದಾರೆ.
ನಟಿ ರಮ್ಯಾ ಅವರಿಗೆ ಕೊಡಬೇಕಿದ್ದ ಒಂಬತ್ತು ಲಕ್ಷ ಹಣವನ್ನು ಅಂಬರೀಷ್ ಅವರ ಎದುರೇ ನಿರ್ಮಾಪಕ ಎ.ಗಣೇಶ್ ನೀಡಿದರು. ಈ ಸಂದರ್ಭ ತನ್ನಿಂದ ತಪ್ಪಾಗಿದೆ ಎಂದ ಗಣೇಶ್ ಕ್ಷಮೆಯಾಚಿಸಿದರು.
ದಿಢೀರ್ ಬೆಳವಣಿಗೆ....
'ದಂಡಂ ದಶಗುಣಂ' ಚಿತ್ರದ ವಿವಾದ ಕೇವಲ ರಮ್ಯಾ ಮತ್ತು ನಿರ್ಮಾಪಕ ಎ.ಗಣೇಶ್ ನಡುವೆ ಮಾತ್ರ ಏರ್ಪಟ್ಟಿತ್ತು. ಆದರೆ ದಿನ ಕಳೆದಂತೆ ಈ ವಿವಾದ ಕಲಾವಿದರ ಸಂಘ ಮತ್ತು ಚಲನ ಚಿತ್ರ ವಾಣಿಜ್ಯ ಮಂಡಳಿಯ ನಡುವೆ ಬೇರೆಯದೇ ಆದ ವಿವಾದವನ್ನು ಸೃಷ್ಟಿಸಿತ್ತು. ಆದರೆ ಬುಧವಾರ ರಮ್ಯಾ ಅವರಿಗೆ ಕೊಡಬೇಕಿದ್ದ ಹಣವನ್ನು ನಿರ್ಮಾಪಕ ಗಣೇಶ್ ಅವರು ಕೊಡಲು ತಯಾರಾಗಿದ್ದರು.
ಈ ನಡುವೆ ಗುರುವಾರ ವಿವಾದ ಹೊಸ ತಿರುವು ಪಡೆದುಕೊಂಡಿತು. ಚಲನ ಚಿತ್ರ ವಿತರಕರ ಸಂಘ ಒಮ್ಮತದೊಂದಿಗೆ ಕಲಾವಿದರ ಸಂಘದ ಪರವಾಗಿ ನಿಂತು, ಈ ವಿವಾದ ಇತ್ಯರ್ಥಗೊಳ್ಳದಿದ್ದರೆ 'ದಂಡಂ ದಶಗುಣಂ' ಚಿತ್ರವನ್ನು ಬಹಿಷ್ಕರಿಸುವುದಾಗಿ ತಿಳಿಸಿದ್ದರು.
ಈ ಸಂದರ್ಭಕ್ಕೆ ತಕ್ಕಂತೆ ಚಿತ್ರರಂಗದ ಎಲ್ಲಾ ಸಂಘಗಳೂ ಅಂಬರೀಷ್ ಅವರ ನಿವಾಸದಲ್ಲಿ ಸಭೆಸೇರಿ, ಅಂಬರೀಷ್ ಅವರ ತೀರ್ಮಾನಕ್ಕೆ ಬದ್ದರಾಗಿ ವಿವಾದಕ್ಕೆ ಇತಿಶ್ರೀ ಹಾಡಿದ್ದಾರೆ.
ಇವನ್ನೂ ಓದಿ
ಇದನ್ನು ಸಹ ಶೋಧಿಸು: ದಂಡಂ ದಶಗುಣಂ, ರಮ್ಯಾ, ಮುನಿರತ್ನ, ಎಗಣೇಶ್, ಕೆಎಫ್ಸಿಸಿ, ಅಂಬರೀಷ್, ರಮ್ಯಾ ವಿವಾದ ಸುಖಾಂತ್ಯ