ಸುದ್ದಿ/ಗಾಸಿಪ್ | ಸಿನಿಮಾ ಮುನ್ನೋಟ | ಸಿನಿಮಾ ವಿಮರ್ಶೆ | ತಾರಾ ಪರಿಚಯ
ಮುಖ್ಯ ಪುಟ ಮನರಂಜನೆ » ಸ್ಯಾಂಡಲ್ ವುಡ್ » ಸುದ್ದಿ/ಗಾಸಿಪ್ » ಆರ್. ಚಂದ್ರು ಅವರ 'ಕೋ ಕೋ' ತಂಡಕ್ಕೆ ಇನ್ನೂ ನಾಯಕ ಸಿಕ್ಕಿಲ್ಲ! (R.Chandru | Taj Mahal | Prem Kahani | Mylari)
ಆರ್. ಚಂದ್ರು ಅವರ 'ಕೋ ಕೋ' ತಂಡಕ್ಕೆ ಇನ್ನೂ ನಾಯಕ ಸಿಕ್ಕಿಲ್ಲ!  
PR
ಸಿನಿಮಾ ಮಂದಿ ಏನೇ ಮಾಡಿದರೂ ವಿಭಿನ್ನ, ವಿಶಿಷ್ಟ ಹಾಗೂ ವಿಶೇಷದ ಬೆನ್ನು ಹತ್ತುತ್ತಾರೆ. ಚಿತ್ರದ ಶೀರ್ಷಿಕೆ, ಟ್ಯಾಗ್ ಲೈನಿನಿಂದ ಹಿಡಿದು ಪೋಸ್ಟರ್ ಡಿಸೈನ್ ವರೆಗೂ ಪ್ರತಿ ವಿಷಯದಲ್ಲೂ ಪ್ರತಿ ಹಂತದಲ್ಲೂ ಎನಾದರೊಂದು ಹೊಸತು ಸೃಷ್ಟಿಸಬೇಕು ಅಂದುಕೊಳ್ಳುವುದರಲ್ಲಿ ಗಾಂಧಿನಗರಿಗರು ಯಾರಿಗೂ ಕಮ್ಮಿ ಇಲ್ಲ.

ಆ ಮೂಲಕವಾದರೂ ಜನರನ್ನು ಚಿತ್ರಮಂದಿರಕ್ಕೆ ಕರೆ ತರಬೇಕೆಂಬ ಹಂಬಲ ಅವರದು. ಇದೀಗ ಈ ನಿಟ್ಟಿನಲ್ಲಿ ನಿರ್ದೇಶಕ ಆರ್. ಚಂದ್ರು ಕೂಡ ಹೊಸ ಹೆಜ್ಜೆ ಇಟ್ಟಿದ್ದಾರೆ. ಅವರ ನಿರ್ದೇಶನದ ಹೊಸ ಚಿತ್ರದ ಶೀರ್ಷಿಕೆಯೇ ಇದಕ್ಕೆ ಸಾಕ್ಷಿಯಾಗಿದೆ. ಅವರ ನಿರ್ದೇಶನದ ಹೊಸ ಚಿತ್ರದ ಹೆಸರು 'ಕೋ.... ಕೋ'. ಜೊತೆಗೊಂದು ಕಿಕ್ಕರ್: ಕೋಳಿ ಕೋತಿ!

'ತಾಜಮಹಲ್'ನಲ್ಲಿ ಗೆದ್ದು 'ಪ್ರೇಮ್ ಕಹಾನಿ'ಯಲ್ಲಿ ಸುಸ್ತು ಹೊಡೆದರೂ 'ಮೈಲಾರಿ'ಯಲ್ಲಿ ಶತಕ ಬಾರಿಸಿದ ನಿರ್ದೇಶಕ ಆರ್.ಚಂದ್ರು ಅವರೀಗ ಕನ್ನಡಿಗರಿಗೆ ಹೊಸದೇನನ್ನೋ ತೋರಿಸಲು ಮುಂದಾಗಿದ್ದಾರೆ. ಅವರ ಪ್ರಕಾರ 'ಕೋ....ಕೋ' ಒಂದು ಪಕ್ಕಾ ಸ್ಟೈಲಿಶ್ ಯೂಥ್ ಫಿಲ್ಮ್.

ಚಿತ್ರದ ವಿವರ ನೀಡಲು ಸದ್ಯ ಹಿಂಜರಿಯುತ್ತಿರುವ ಅವರು 'ಎಲ್ಲವನ್ನೂ ತೆರೆಯ ಮೇಲೆ ನೋಡಿ' ಎಂದು ಹೇಳಿದ್ದಾರೆ. ಲವ್, ಸೆಂಟಿಮೆಂಟ್, ಆಕ್ಷನ್‌ನಿಂದ ಸ್ವಲ್ಪ ದೂರ ಹೋಗಿ ಚಿತ್ರಕಥೆ ಹೆಣೆದಿದ್ದಾರಂತೆ. ಭರಣಿ ಮಿನರಲ್ಸ್ ಬ್ಯಾನರಿನಡಿ ತಯಾರಾಗುತ್ತಿರುವ 'ಕೋ.....ಕೋ' ಚಿತ್ರದ ನಿರ್ಮಾಪಕರು ಭಾಸ್ಕರ್. ಕನ್ನಡದಲ್ಲಿ ಇವರಿಗೆ ಇದು ಎರಡನೇ ಚಿತ್ರ.

ಶಿವರಾಜ್ ಕುಮಾರ್ ಅಭಿನಯದ 101ನೇ ಚಿತ್ರ 'ಲಕ್ಷ್ಮೀ'ಮೊದಲನೆಯದು. ಗೋಲ್ಡನ್ ಸ್ಟಾರ್ ಗಣೇಶ್ ಅಥವಾ ಶ್ರೀನಗರ ಕಿಟ್ಟಿ ಅಥವಾ ಹೊಸತೊಂದು ಮುಖ ಕೋ ಕೋ ಆಡಲು ಆಯ್ಕೆಗೊಳ್ಳುವ ಸಾಧ್ಯತೆ ಇದೆ. ನಾಯಕಿಯ ಆಯ್ಕೆಯೂ ಇನ್ನಷ್ಟೇ ಆಗಬೇಕಿದೆ. ಚಿತ್ರಕ್ಕೆ ಮೇ ತಿಂಗಳಲ್ಲಿ ಮುಹೂರ್ತವಂತೆ.
ಇವನ್ನೂ ಓದಿ
ಮೈಲಾರಿ ವಿಮರ್ಶೆ; ಎಡವಿದ ಚಂದ್ರು, ಶಿವಣ್ಣ ಸೂಪರ್
ಶಿವಣ್ಣನ 'ಮೈಲಾರಿ'ಯಲ್ಲಿ ಏನಿದೆ? ಚಿರಂಜೀವಿಗೂ ಕುತೂಹಲ!
ಕೋಟಿ ಕೋಟಿ ಬಾಚಿದ ಮೈಲಾರಿ; ಶಿವಣ್ಣ ಫುಲ್ ಖುಷ್
ಶತದಿನ ಪೂರೈಸಿದ 'ಮೈಲಾರಿ'ಗೆ ಹುಬ್ಬಳ್ಳಿಯಲ್ಲಿ ಹಬ್ಬ!
'ಮೈಲಾರಿ'ಯಾಗಿ ಶಿವಣ್ಣ ಬರ್ತಿದ್ದಾರೆ ನಿಮ್ಮ ಮನೆ ಬಾಗಿಲಿಗೆ!
ಇದನ್ನು ಸಹ ಶೋಧಿಸು: ಆರ್ಚಂದ್ರು, ತಾಜಮಹಲ್, ಪ್ರೇಮ್ ಕಹಾನಿ, ಮೈಲಾರಿ, ಗಣೇಶ್, ಶ್ರೀನಗರ ಕಿಟ್ಟಿ, ಶಿವರಾಜ್ ಕುಮಾರ್