ಮುಖ್ಯ ಪುಟ 
ಮನರಂಜನೆ » ಸ್ಯಾಂಡಲ್ ವುಡ್ » ಸುದ್ದಿ/ಗಾಸಿಪ್ » ಹುಲ್ಲಿನ ಬುಟ್ಟಿಯಲ್ಲಿ ಸಿಡಿ ಹುದುಗಿಟ್ಟ 'ಕಿರಾತಕ'! (Kirathaka | Yash | V.Manohar | Pradeep Raj)
ಮನರಂಜನೆ » ಸ್ಯಾಂಡಲ್ ವುಡ್ » ಸುದ್ದಿ/ಗಾಸಿಪ್ » ಹುಲ್ಲಿನ ಬುಟ್ಟಿಯಲ್ಲಿ ಸಿಡಿ ಹುದುಗಿಟ್ಟ 'ಕಿರಾತಕ'! (Kirathaka | Yash | V.Manohar | Pradeep Raj) 
 |
PR |
'ಲೊಕೇಶನ್ ಹುಡುಕಲು ಮಂಡ್ಯ ಜಿಲ್ಲೆ ಸುತ್ತಾಡಿದ ನಿದೇಶಕರು ಕೊನೆಗೆ ಆ ಹಳ್ಳಿಗಳ ಹೆಸರುಗಳನ್ನೇ ಸೇರಿಸಿ ಈ ಹಾಡು ಬರೆದರು' ಎಂದು ಹಾಡು ಹುಟ್ಟಿದ ಬಗೆಯನ್ನು ಸಂಗೀತ ನಿರ್ದೇಶಕ ವಿ. ಮನೋಹರ್ ವಿವರಿಸಿದರು.
'ಒಂದೊಂದು ಕಾಲದಲ್ಲೂ ಒಂದೊಂದು ರೀತಿಯ ಚಿತ್ರಗಳು ಜನರಿಗೆ ಇಷ್ಟವಾಗುತ್ತವೆ. ಹಳ್ಳಿಯ ಸಾಂಸ್ಕ್ಕತಿಕ ಪರಿಸರ ಕಟ್ಟಿಕೊಡಲು ಹೊರಟಿರುವ ಈ ಚಿತ್ರ ನನಗೆ ವಿಶಿಷ್ಟ ಅನುಭವ ನೀಡಿತು' ಎಂದರು ಚಿತ್ರದಲ್ಲಿ ನಟಿಸಿರುವ ನಿರ್ದೇಶಕ ನಾಗಾಭರಣ.
ನಟಿ ತಾರಾ 'ಕಿರಾತಕ' ಚಿತ್ರದ ಪಾತ್ರವೊಂದರಲ್ಲಿ ನಟಿಸಿದ್ದಾರೆ. ನಾಗಾಭರಣ ಅವರೊಂದಿಗೆ ಕೆಲಸ ಮಾಡಿದ ಖುಷಿಯನ್ನು ಹಂಚಿಕೊಂಡ ಅವರು 'ನಟನೆಯ ಭರದಲ್ಲಿ ಅವರು ನಿಜವಾಗಿಯೂ ನನಗೆ ತಪರಾಕಿ ಭಾರಿಸಿದರು' ಎಂದರು. 'ಕಿರಾತಕ' ತಮಿಳಿನ 'ಕಲಾಮಣಿ' ಚಿತ್ರದ ರೀಮೇಕ್ ಚಿತ್ರವಾದರೂ, ಸಂಗೀತ ನಿರ್ದೇಶಕ ವಿ. ಮನೋಹರ್ ಅವರು ಸ್ವಂತಿಕೆಯ ಗೀತ ರಚನೆ ಮಾಡಿದ್ದಾರೆ ಎಂದು ತಾರಾ ಶ್ಲಾಘಿಸಿದರು.
ಮಂಡ್ಯದಲ್ಲಿ ತುಂಟ ಹುಡುಗರನ್ನು ಕಿರಾತಕ ಎಂದು ಕರೆಯುವುದು ನಿರ್ದೇಶಕ ಪ್ರದೀಪ್ ರಾಜು ಅವರಿಗೆ ಇಷ್ಟವಾಗಿ ಚಿತ್ರಕ್ಕೆ ಅದೇ ಹೆಸರಿಟ್ಟರಂತೆ. ಅದರಂತೆ ನಾಯಕ ನಾಯಕಿ ಇಬ್ಬರೂ ಮಂಡ್ಯ ಭಾಗದ ಹಳ್ಳಿಯವರನ್ನು ಹೋಲುತ್ತಾರೆ ಎಂಬುದು ಅವರ ಮೆಚ್ಚುಗೆಯ ಮಾತು.
'ನಾನು ಅಂಬರೀಷ್ ಅಭಿಮಾನಿ. ಮನೆಯಲ್ಲಿ ಮಾತನಾಡುವ ಮಂಡ್ಯ ಶೈಲಿಯ ಕನ್ನಡವನ್ನೇ ನುಡಿದಿದ್ದೇನೆ. ಚಿತ್ರದಲ್ಲಿ ಪಕ್ಕಾ ಜಾನಪದ ಮತ್ತು ಮಂಡ್ಯದ ಸೊಗಡಿದೆ' ಎಂದರು ನಾಯಕ ಯಶ್.
ನಾಯಕಿ ಓವಿಯಾಗೆ ತಮಿಳಿನ 'ಕಲಾಮಣಿ' ಚಿತ್ರದಲ್ಲೂ ನಾಯಕಿಯಾಗಿ ನಟಿಸಿರುವ ಕಾರಣ ಈ ಚಿತ್ರದ ನಟನೆ ಕಷ್ಟವಾಗಲಿಲ್ಲವಂತೆ. ಈ ಚಿತ್ರದಲ್ಲಿ ಹತ್ತನೇ ತರಗತಿ ಓದುವ ಹಳ್ಳಿ ಹುಡುಗಿಯ ಪಾತ್ರ ಓವಿಯಾ ಅವರದು.
ಇವನ್ನೂ ಓದಿ
ಇದನ್ನು ಸಹ ಶೋಧಿಸು: ಕಿರಾತಕ, ಯಶ್, ವಿ ಮನೋಹರ್, ಪ್ರದೀಪ್ ರಾಜ್, ಅಂಬರೀಷ್, ನಾಗಾಭರಣ, ತಾರಾ, ಕನ್ನಡ, ಸ್ಯಾಂಡಲ್ ವುಡ್
