Rajanikanth | P.Vasu | Vishnuvardhan | Upendra | ರಜನಿ ಶೀಘ್ರ ಗುಣಮುಖರಾಗಲು ಪಿ.ವಾಸು ವಿಶೇಷ ಪೂಜೆ

ಸುದ್ದಿ/ಗಾಸಿಪ್ | ಸಿನಿಮಾ ಮುನ್ನೋಟ | ಸಿನಿಮಾ ವಿಮರ್ಶೆ | ತಾರಾ ಪರಿಚಯ

ಮನರಂಜನೆ » ಸ್ಯಾಂಡಲ್ ವುಡ್ » ಸುದ್ದಿ/ಗಾಸಿಪ್ » ರಜನಿ ಶೀಘ್ರ ಗುಣಮುಖರಾಗಲು ಪಿ.ವಾಸು ವಿಶೇಷ ಪೂಜೆ (Rajanikanth | P.Vasu | Vishnuvardhan | Upendra)

ರಜನಿ ಶೀಘ್ರ ಗುಣಮುಖರಾಗಲು ಪಿ.ವಾಸು ವಿಶೇಷ ಪೂಜೆ

ಸೂಪರ್ ಸ್ಟಾರ್ ರಜನಿಕಾಂತ್ ಅವರ ಆರೋಗ್ಯ ಸುಧಾರಿಸಲೆಂದು ದೇಶಾದ್ಯಂತ ಅವರ ಅಭಿಮಾನಿಗಳು ದೇವರ ಮೊರೆ ಹೋಗಿದ್ದಾರೆ. ಇನ್ನು ಚೆನ್ನೈನಲ್ಲಂತೂ ಅಪಾರ ಅಭಿಮಾನಿಗಳು ಹಲವು ದೇವರುಗಳಿಗೆ ಹರಕೆ ಹೊತ್ತು ಉರುಳು ಸೇವೆ ಮಾಡುತ್ತಿದ್ದಾರೆ. ಕೆಲವು ಅಭಿಮಾನಿ ವರ್ಗ ದೇವಸ್ಥಾನಗಳಲ್ಲಿ ಅಹೋ ರಾತ್ರಿ ಭಜನೆ ಏರ್ಪಡಿಸಿದೆ. ಈಗ ಖ್ಯಾತ ನಿರ್ದೇಶಕ ಪಿ. ವಾಸು ಕೂಡಾ ರಜನಿ ಅವರು ಶೀಘ್ರ ಗುಣಮುಖರಾಗಲೆಂದು ಹಾರೈಸಿ ವಿಶೇಷ ಪೂಜೆ ಸಲ್ಲಿಸಿದ್ದಾರೆ.

ಪಿ. ವಾಸು ಅವರು ಮೈಸೂರಿನಲ್ಲಿ ಕೃಷ್ಣ ಪ್ರಜ್ವಲ್ ನಿರ್ಮಾಣ ಹಾಗೂ ಉಪೇಂದ್ರ ಅಭಿನಯದ ಹೊಸ ಚಿತ್ರವನ್ನು ಚಿತ್ರೀಕರಿಸುತ್ತಿದ್ದಾರೆ. ಮೈಸೂರಿನ ಚಾಮುಂಡೇಶ್ವರಿ ದೇವಾಲಯಕ್ಕೆ ತೆರಳಿದ ವಾಸು ಸೂಪರ್ ಸ್ಟಾರ್ ರಜನಿಕಾಂತ್ ಶೀಘ್ರ ಗುಣಮುಖರಾಗಲೆಂದು ಪ್ರಾರ್ಥಿಸಿ ವಿಶೇಷ ಪೂಜೆ ಸಲ್ಲಿಸಿದರು.

ರಜನಿಕಾಂತ್ ಅಭಿನಯಿಸಿರುವ 'ಪನಕ್ಕಾರನ್', 'ಮನ್ನನ್', 'ಉಳೈಪಾಳಿ', 'ಚಂದ್ರಮುಖಿ' ಹಾಗೂ 'ಕುಚೇಲನ್' ಚಿತ್ರಗಳನ್ನು ವಾಸು ನಿರ್ದೇಶಿಸಿದ್ದರು. ಮಾತ್ರವಲ್ಲದೆ 'ಚಂದ್ರಮುಖಿ', 'ಕುಚೇಲನ್' ಸೇರಿದಂತೆ ಹತ್ತಕ್ಕೂ ಹೆಚ್ಚು ಚಿತ್ರಗಳಲ್ಲಿ ಸಣ್ಣ ಪಾತ್ರಗಳಲ್ಲಿ ಅಭಿನಯಿಸುವ ಮೂಲಕ ವಾಸು ಗಮನ ಸೆಳೆದಿದ್ದಾರೆ.

ರಜನಿಕಾಂತ್ ಅವರ ಆಪ್ತರೆನಿಸಿರುವ ವಾಸು, ಕನ್ನಡದಲ್ಲಿ ವಿಷ್ಣುವರ್ಧನ್ ಅಭಿನಯದ 'ಆಪ್ತ ಮಿತ್ರ', 'ಆಪ್ತ ರಕ್ಷಕ' ಮುಂತಾದ ಯಶಸ್ವಿ ಚಿತ್ರಗಳನ್ನು ನಿರ್ದೇಶಿಸಿದ್ದಾರೆ. ಈಗ ಅವರು ಉಪೇಂದ್ರ ಅಭಿನಯದ ಚಿತ್ರದಲ್ಲಿ ಬ್ಯುಸಿಯಾಗಿದ್ದಾರೆ.

ಇವನ್ನೂ ಓದಿ

ಉಪೇಂದ್ರ-ಪ್ರೇಮ್ ಚಿತ್ರ ಆರಂಭಕ್ಕೂ ಮೊದಲೇ ಅಂತ್ಯ?

ಉಪೇಂದ್ರ-ಪ್ರೇಮ್ ಚಿತ್ರ ಮಾಡೇ ಮಾಡ್ತೇನೆ: ಮುನಿರತ್ನಂ

ಮಾರ್ಚ್‌ನಲ್ಲಿ ಅಮೆರಿಕಾ-ಆಂಧ್ರದಲ್ಲಿ ಉಪ್ಪಿ 'ಸೂಪರ್' ಕಲರವ

ಸುದೀಪ್‌ಗೆ ಭಾವನಾ ಕೈಕೊಟ್ಟರೆ ಉಪೇಂದ್ರನ ಕಥೆಯೇನು...?

ಮುಂದಿನ ಚಿತ್ರದ ತಯಾರಿಯಲ್ಲಿ ಉಪ್ಪಿ; ಯಾರು ಹೀರೋ?

ಇದನ್ನು ಸಹ ಶೋಧಿಸು: ರಜನಿಕಾಂತ್, ಪಿ ವಾಸು, ಕೃಷ್ಣ ಪ್ರಜ್ವಲ್, ಉಪೇಂದ್ರ, ಚಾಮುಂಡೇಶ್ವರಿ ದೇವಾಲಯ, ವಿಷ್ಣುವರ್ಧನ್, ಕನ್ನಡ ಸಿನಿಮಾ