ಮುಖ್ಯ ಪುಟ 
ಮನರಂಜನೆ » ಸ್ಯಾಂಡಲ್ ವುಡ್ » ಸುದ್ದಿ/ಗಾಸಿಪ್ » ಮಾತೃಭಾಷೆಗಾಗಿ ಉಚಿತವಾಗಿ ನಟಿಸಿದ ನೀತೂ! (Neethu | Ujwadu | Kasargod chinna | Kannada Cinema)
ಮನರಂಜನೆ » ಸ್ಯಾಂಡಲ್ ವುಡ್ » ಸುದ್ದಿ/ಗಾಸಿಪ್ » ಮಾತೃಭಾಷೆಗಾಗಿ ಉಚಿತವಾಗಿ ನಟಿಸಿದ ನೀತೂ! (Neethu | Ujwadu | Kasargod chinna | Kannada Cinema) 
PR
ಕಾಸರಗೋಡು ಚಿನ್ನಾ ನಿರ್ದೇಶನದ 'ಉಜ್ವಾಡು' ಕೊಂಕಣಿ ಚಿತ್ರದ ನಾಯಕಿ ನಟಿ ನೀತು ಚಿತ್ರದ ಸಂಭಾವನೆ ಯಾಕೆ ಪಡೆದಿಲ್ಲಾ ಎಂದು ಕೇಳಿದರೆ 'ಇದು ನನ್ನ ಮಾತೃ ಭಾಷೆಯ ಚಿತ್ರ. ಇಲ್ಲಿ ಸಂಭಾವನೆ ಬೇಕಾಗಿಲ್ಲ. ಚಿತ್ರ ನನ್ನದು ಎನ್ನುವ ಭಾವನೆ ಮುಖ್ಯ' ಎಂದು ಉತ್ತರಿಸುತ್ತಾರೆ.
ಚಿತ್ರೀಕರಣದ ಸಮಯದಲ್ಲಿ ನಡೆದ ಒಂದು ಸನ್ನಿವೇಶವನ್ನು ನಿರ್ದೇಶಕ ಕಾಸರಗೋಡು ಚಿನ್ನಾ ಪತ್ರಕರ್ತರಿಗೆ ವಿವರಿಸಿದರು. 'ಚಿತ್ರದ ಬಹುತೇಕ ಭಾಗ ಶೂಟ್ ಆಗಿತ್ತು. ನೀತು ಅವರ ಒಂದು ಕ್ಲೈಮ್ಯಾಕ್ಸ್ ಸೀನ್ ಬಾಕಿ ಉಳಿದಿತ್ತು. ಅಷ್ಟರಲ್ಲಿ ನನ್ನ ಮೊಬೈಲಿಗೆ 'ನೀತು ತಂದೆ ತೀರಿಕೊಂಡರು' ಎನ್ನುವ ಮೆಸೇಜ್ ಬಂತು. ನೇರವಾಗಿ ನೀತು ಬಳಿ ಹೇಳಲಾಗದ ಪರಿಸ್ಥಿತಿ. ಬೇರೊಬ್ಬರ ಮೂಲಕ ಹೇಳಿಸಿದೆ. ನೀತು ಅಲ್ಲಿಂದಲೇ ಹೊರಟು ನಿಂತರು. ಇನ್ನು ಕನಿಷ್ಠ ಹತ್ತು ದಿನ ನೀತು ಕೈಗೆ ಸಿಗೋಲ್ಲ ಎಂದುಕೊಂಡೆ. ಆದರೆ ತಂದೆಯ ಕ್ರಿಯಾವಿಧಿ ಮುಗಿಸಿಕೊಂಡು ಮರುದಿನವೇ ಶೂಟಿಂಗ್ ಸ್ಪಾಟ್‌ಗೆ ನೀತು ಹಾಜರಾಗಿದ್ದರು' ಎಂದರು ಚಿನ್ನಾ.
ತುಂಬಾ ಬೇಸರದ ಕಾಲದಲ್ಲೂ ಯಾಕೆ ಈ ರೀತಿಯ ಸೇವಾ ನಿಷ್ಠೆ ಎಂದು ಚಿನ್ನಾ ಕೇಳಿದ್ದಕ್ಕೆ ನೀತು ಉತ್ತರಿಸಿದ್ದಿಷ್ಟು: 'ನೋಡಿ ಸಾರ್.. ನಿರ್ಮಾಪಕರು ನಮ್ಮನ್ನು ನಂಬಿ ಚಿತ್ರಕ್ಕೆ ಬಹಳಷ್ಟು ಹಣ ಸುರಿದಿರುತ್ತಾರೆ. ನಮ್ಮಿಂದಾಗಿ ಅಂತಹ ನಿರ್ಮಾಪಕರಿಗೆ ತೊಂದರೆಯಾಗಕೂಡದು. ಬದುಕಿನಲ್ಲಿ ಯಾವತ್ತೂ ಏಳು ಬೀಳುಗಳು ಇರುತ್ತವೆ'.
ಇವನ್ನೂ ಓದಿ
ಇದನ್ನು ಸಹ ಶೋಧಿಸು: ನೀತು, ಉಜ್ವಾಡು, ಕಾಸರಗೋಡು ಚಿನ್ನಾ, ತರಂಗ, ಕನ್ನಡ ಸಿನಿಮಾ, ಕೊಂಕಣಿ ಸಿನಿಮಾ
