ಮುಖ್ಯ ಪುಟ 
ಮನರಂಜನೆ » ಸ್ಯಾಂಡಲ್ ವುಡ್ » ಸುದ್ದಿ/ಗಾಸಿಪ್ » ವಿವಾದದ ಸುಳಿಯಲ್ಲಿ ಇತಿಹಾಸ ಪ್ರಸಿದ್ಧ ಹಕ್ಕ-ಬುಕ್ಕ, ಒನಕೆ ಓಬವ್ವ! (Hakka Bukka | Onake Obavva | Veera madakari | Anand P. Raju)
ಮನರಂಜನೆ » ಸ್ಯಾಂಡಲ್ ವುಡ್ » ಸುದ್ದಿ/ಗಾಸಿಪ್ » ವಿವಾದದ ಸುಳಿಯಲ್ಲಿ ಇತಿಹಾಸ ಪ್ರಸಿದ್ಧ ಹಕ್ಕ-ಬುಕ್ಕ, ಒನಕೆ ಓಬವ್ವ! (Hakka Bukka | Onake Obavva | Veera madakari | Anand P. Raju) 
PR
PRತಬಲಾ ನಾಣಿ ಮತ್ತು ರವಿಶಂಕರ್ ಅಭಿನಯದ ಹಾಸ್ಯಚಿತ್ರವೊಂದಕ್ಕೆ 'ಹಕ್ಕ-ಬುಕ್ಕ' ಎಂಬ ಶೀರ್ಷಿಕೆಯನ್ನು ಇಟ್ಟಿರುವುದರ ಕುರಿತು ಖ್ಯಾತ ಸಾಹಿತಿ ಮತ್ತು ಸಂಶೋಧಕ ಡಾ. ಎಂ. ಚಿದಾನಂದ ಮೂರ್ತಿಯವರು ಆಕ್ಷೇಪ ವ್ಯಕ್ತಪಡಿಸಿರುವುದನ್ನು ನೀವಾಗಲೇ ಇಲ್ಲಿ ಓದಿದ್ದೀರಿ. ತಗೊಳ್ಳಿ ಈಗ 'ಒನಕೆ ಓಬವ್ವ' ಚಿತ್ರದ ಸರದಿ.
ನಿರ್ದೇಶಕ ಆನಂದ್ ಪಿ. ರಾಜು ತಮ್ಮ ಚಿತ್ರಕ್ಕೆ ಈ ಹೆಸರಿಟ್ಟಿರುವುದು ಕೆಲವರ ಕಣ್ಣು ಕೆಂಪಾಗಿಸಿದೆ. ಬರಹಗಾರ ಮೊಹಿದ್ದೀನ್ ಖಾನ್ ಈ ಕುರಿತು ಆಕ್ಷೇಪವನ್ನು ವ್ಯಕ್ತಪಡಿಸಿದ್ದಾರೆ. ದುಡ್ಡು ಮಾಡುವ ಉಮೇದನ್ನು ಹೊಂದಿರುವ ಕೆಲವರು ಕಥೆಗೆ ಹೊಂದಿಕೊಳ್ಳದಿದ್ದರೂ ಇತಿಹಾಸ ಪ್ರಸಿದ್ಧ ಸ್ಥಳಗಳ ಅಥವಾ ರಾಜಮಹಾರಾಜರ ಹೆಸರುಗಳನ್ನು ತಮ್ಮ ಚಿತ್ರಕ್ಕೆ ಇರಿಸಿ ಜನರನ್ನು ಸೆಳೆಯುವ ತಂತ್ರ ಹೂಡುತ್ತಿದ್ದಾರೆ. ಹೀಗಾಗಿ ಸಂಬಂಧಪಟ್ಟ ಅಧಿಕಾರಿವರ್ಗದವರು ಈ ಶೀರ್ಷಿಕೆಯನ್ನು ರದ್ದುಗೊಳಿಸಿ ಪರ್ಯಾಯ ಹೆಸರಿಡುವಂತೆ ಸೂಚಿಸಬೇಕು. ಇಲ್ಲವಾದರೆ ಹೋರಾಟವನ್ನು ಹಮ್ಮಿಕೊಳ್ಳಬೇಕಾಗುತ್ತದೆ ಎಂದು ಖಾನ್ ಎಚ್ಚರಿಸಿದ್ದಾರೆ.
ಈ ಕುರಿತು ತಮ್ಮ ಪ್ರತಿಕ್ರಿಯೆ ಸೂಚಿಸಿರುವ ನಿರ್ದೇಶಕ ಆನಂದ್ ಪಿ. ರಾಜು, ಈ ಹಿಂದೆ ನನ್ನದೇ ಚಿತ್ರವೊಂದಕ್ಕೆ 'ಚೆನ್ನಮ್ಮ ಐಪಿಎಸ್' ಎಂದು ಹೆಸರಿಟ್ಟಿರುವೆ. ಕಿತ್ತೂರು ರಾಣಿ ಚೆನ್ನಮ್ಮನ ವೀರತ್ವವನ್ನು ಕಥಾನಾಯಕಿಯು ಹೊರಹೊಮ್ಮಿಸುವುದರಿಂದ ಆ ರೀತಿ ಇಡಲಾಗಿದೆ. ಮೇಲಾಗಿ ನನ್ನ ಚಿತ್ರದ ಶೀರ್ಷಿಕೆಯಲ್ಲಿ 'ಚೆನ್ನಮ್ಮ' ಎಂಬ ಪದವಿತ್ತೇ ಹೊರತು ಕಿತ್ತೂರು ರಾಣಿ ಚೆನ್ನಮ್ಮ ಎಂದಿರಲಿಲ್ಲ. ಸದ್ಯದ ಚಿತ್ರದ ಕಥಾನಾಯಕಿ ಒನಕೆ ಓಬವ್ವನ ರೀತಿಯಲ್ಲಿ ಹೋರಾಡುವುದರಿಂದ ಆ ಹೆಸರನ್ನು ಇಡಲಾಗಿದ್ದು, ಒಂದು ವೇಳೆ ವಿರೋಧಗಳು ವ್ಯಕ್ತವಾದಲ್ಲಿ ಶೀರ್ಷಿಕೆಯಲ್ಲಿನ 'ಓಬವ್ವ' ಎಂಬ ಹೆಸರನ್ನು ಕಿತ್ತುಹಾಕಲು ನಾನು ಸಿದ್ಧನಿರುವೆ; ಯಾವುದೇ ಕಾರಣಕ್ಕೆ ಸಂಘ-ಸಂಸ್ಥೆಗಳ ವಿರೋಧವನ್ನು ಕಟ್ಟಿಕೊಳ್ಳಲು ನಾನು ಸಿದ್ಧನಿಲ್ಲ ಎಂದು ತಿಳಿಸಿದ್ದಾರೆ.
ಇವನ್ನೂ ಓದಿ
ಇದನ್ನು ಸಹ ಶೋಧಿಸು: ಹಕ್ಕಬುಕ್ಕ, ಒನಕೆ ಓಬವ್ವ, ವೀರ ಮದಕರಿ, ವಿಷ್ಣುವರ್ಧನ, ಆನಂದ್ ಪಿ ರಾಜು, ಕನ್ನಡ ಸಿನಿಮಾ
