ಸುದ್ದಿ/ಗಾಸಿಪ್ | ಸಿನಿಮಾ ಮುನ್ನೋಟ | ಸಿನಿಮಾ ವಿಮರ್ಶೆ | ತಾರಾ ಪರಿಚಯ
ಮುಖ್ಯ ಪುಟ ಮನರಂಜನೆ » ಸ್ಯಾಂಡಲ್ ವುಡ್ » ಸುದ್ದಿ/ಗಾಸಿಪ್ » ಹೊಸ ಹುಮ್ಮಸ್ಸಿನೊಂದಿಗೆ ಮೇಲೆದ್ದಿರುವ ಒರಟ ಪ್ರಶಾಂತ್ (Orata I Love You | Thandava | Vishal Raj | Prashanth)
ಹೊಸ ಹುಮ್ಮಸ್ಸಿನೊಂದಿಗೆ ಮೇಲೆದ್ದಿರುವ ಒರಟ ಪ್ರಶಾಂತ್  
PR
'ಒರಟ ಐ ಲವ್ ಯು' ಚಿತ್ರವು ತನ್ನ ಹಾಡುಗಳಿಂದ ಮಾತ್ರವೇ ಅಲ್ಲದೇ ನಾಯಕನಟ ಪ್ರಶಾಂತ್ ಅಭಿನಯದ ಕಾರಣದಿಂದಲೂ ಅಭಿಮಾನಿಗಳ ಮನರಂಜಿಸಿತ್ತು. ಆದರೆ ನಂತರ ಬಂದ ಯಾವ ಚಿತ್ರವೂ ಪ್ರಶಾಂತ್‌ರ ಅಭಿನಯವನ್ನು ಹೊರಗೆಳೆಯುವ ಮಟ್ಟಕ್ಕಿರಲಿಲ್ಲ. 'ಚೆಲ್ಲಿದರು ಸಂಪಿಗೆಯಾ' ಎಂಬ ಚಿತ್ರ, ಪೂಜಾಗಾಂಧಿ ಜೊತೆಗಿನ 'ಮಹರ್ಷಿ' ಚಿತ್ರವನ್ನು ಈ ನಿಟ್ಟಿನಲ್ಲಿ ನೆನಪಿಸಿಕೊಳ್ಳಬಹುದು.

ಈಗ ಮತ್ತೊಮ್ಮೆ ಅದೃಷ್ಟ ಪರೀಕ್ಷೆ ಮಾಡಿಕೊಳ್ಳುವ ದೃಷ್ಟಿಯಿಂದ ಪ್ರಶಾಂತ್ ಅಖಾಡಕ್ಕಿಳಿದಿದ್ದಾರೆ. ಅವರ ಅಭಿನಯದ 'ತಾಂಡವ' ಎಂಬ ಚಿತ್ರವನ್ನು ವಿಶಾಲ್ ರಾಜ್ ನಿರ್ದೇಶಿಸಲಿದ್ದು ಇದರ ಹಾಡುಗಳ ಧ್ವನಿಮುದ್ರಣ ನಡೆದಿದೆ.

ನಿಜ ಹೇಳಬೇಕೆಂದರೆ, ಈ ಚಿತ್ರದ ನಿರ್ದೇಶಕರಾದ ವಿಶಾಲ್ ರಾಜ್ ಕೂಡಾ ಒಂದು ಬ್ರೇಕ್‌ನ ನಿರೀಕ್ಷೆಯಲ್ಲಿದ್ದಾರೆ. ಬೆಂಗಳೂರಿನ ಆದರ್ಶ ಫಿಲ್ಮ್ ಇನ್ಸ್‌ಸ್ಟಿಟ್ಯೂಟ್‌ನಿಂದ ತರಬೇತಿ ಪಡೆದಿರುವ ವಿಶಾಲ್ ಒಂದಷ್ಟು ಚಿತ್ರಗಳನ್ನು ನಿರ್ದೇಶಿಸಿದ್ದಾರಾದರೂ ಅವು ಹೇಳಿಕೊಳ್ಳುವ ಯಶಸ್ಸನ್ನೇನೂ ದಾಖಲಿಸಿಲ್ಲವಾದ್ದರಿಂದ 'ತಾಂಡವ' ಚಿತ್ರವನ್ನು ಉತ್ತಮವಾಗಿ ನಿರ್ದೇಶಿಸಬೇಕಾದ ಅನಿವಾರ್ಯತೆ ಅವರಿಗಿದೆ ಎನ್ನಬಹುದು.

ರೇವತಿಯವರು ನಿರ್ಮಿಸುತ್ತಿರುವ ಈ ಚಿತ್ರದ ಸಹ-ನಿರ್ಮಾಪಕರಾಗಿ ಎಂ.ಕಿರಣ್, ಗುರುದತ್ ಕುಲಕರ್ಣಿ ಕಾರ್ಯನಿರ್ವಹಿಸಲಿದ್ದು ಯಲ್ಲಾಲಿಂಗ ಕ್ರಿಯೇಷನ್ಸ್ ಅಡಿಯಲ್ಲಿ ಚಿತ್ರವು ಅರ್ಪಣೆಯಾಗುತ್ತಿದೆ. ಯಾವ ಗಾಡ್ ಫಾದರ್ ನೆರವಿಲ್ಲದೆಯೇ 'ಒರಟ ಐ ಲವ್ ಯು' ಚಿತ್ರದಲ್ಲಿ ಯಶಸ್ಸನ್ನು ಗಳಿಸಿದ್ದ ಪ್ರಶಾಂತ್, ತಮ್ಮ ಯಶಸ್ಸು ಫ್ಲೂಕ್ ಅಲ್ಲ ಎಂಬುದನ್ನು 'ತಾಂಡವ' ಚಿತ್ರದ ಮೂಲಕ ಸಾಬೀತುಮಾಡಲಿದ್ದಾರೆಯೇ ಎಂಬುದನ್ನು ಕಾದುನೋಡಬೇಕಿದೆ.
ಇವನ್ನೂ ಓದಿ
ವಸಂತಪುರದಲ್ಲಿ ಒರಟನ 'ಚಿರಾಯು' ಸಾಹಸ
ಫುಲ್ ಖುಷಿಯಲ್ಲಿ 'ಕಳವಾಣಿ' ಓವಿಯಾ
ಪ್ರೇಮ್ ಹೇಳಿದ್ದು ನಿಜ; ಜೋಗಯ್ಯನಿಗೆ ಎಲ್ಲೆಲ್ಲೂ ಡಿಮ್ಯಾಂಡ್
ವೇಶ್ಯಾವಾಟಿಕೆಯಲ್ಲಿ ನಿರತರಾಗಿದ್ದ ನಟಿಯರಿಬ್ಬರ ಸೆರೆ
ಮತ್ತೆ ಚಿತ್ರ ನಿರ್ಮಾಣ ಸಾಹಸಕ್ಕೆ ತಾರಾ
ಇದನ್ನು ಸಹ ಶೋಧಿಸು: ಒರಟ ಐ ಲವ್ ಯು, ತಾಂಡವ, ವಿಶಾಲ್ ರಾಜ್, ಪ್ರಶಾಂತ್, ಕನ್ನಡ ಸಿನಿಮಾ