ಮುಖ್ಯ ಪುಟ 
ಮನರಂಜನೆ » ಸ್ಯಾಂಡಲ್ ವುಡ್ » ಸುದ್ದಿ/ಗಾಸಿಪ್ » ಹೊಸ ಸಾಧ್ಯತೆಗಳನ್ನು ಹುಟ್ಟುಹಾಕಲಿರುವ 'ಶ್ರೀಮತಿ' (Shrimathi | Upendra | Priyanka | Celina Jaitley)
ಮನರಂಜನೆ » ಸ್ಯಾಂಡಲ್ ವುಡ್ » ಸುದ್ದಿ/ಗಾಸಿಪ್ » ಹೊಸ ಸಾಧ್ಯತೆಗಳನ್ನು ಹುಟ್ಟುಹಾಕಲಿರುವ 'ಶ್ರೀಮತಿ' (Shrimathi | Upendra | Priyanka | Celina Jaitley) 
 |
PR |
ಕ್ಷಣ ಕ್ಷಣದ ತಾಜಾ ಸುದ್ದಿ, ವಿಶೇಷ ವರದಿ-ಲೇಖನಗಳಿಗಾಗಿ ನಿಮ್ಮ ವೆಬ್‌ದುನಿಯಾಕ್ಕೆ ಭೇಟಿ ಕೊಡಿ
ಪ್ರಸ್ತುತ 'ಶ್ರೀಮತಿ' ಚಿತ್ರದ ಕುರಿತು ನಿರೀಕ್ಷೆಗಳು ಹೆಚ್ಚಿರಲು ಮ‌ೂಲಸ್ವರೂಪದಲ್ಲಿ ಅದು ದಾಖಲಿಸಿದ ಅಪೂರ್ವ ಯಶಸ್ಸೇ ಕಾರಣ. ಹಿಂದಿಯಲ್ಲಿ ಬಿಡುಗಡೆಯಾಗಿ ಗಳಿಕೆಯಲ್ಲಿ ದಾಖಲೆಯನ್ನು ನಿರ್ಮಿಸಿದ 'ಐತ್ರಾಜ್' ಚಿತ್ರವನ್ನು ಆಧರಿಸಿ 'ಶ್ರೀಮತಿ' ಚಿತ್ರವನ್ನು ನಿರ್ಮಿಸಿರುವುದೇ ನಿರೀಕ್ಷೆಯು ಹೆಚ್ಚಲು ಕಾರಣವಾಗಿದೆ.
ಹಿಂದಿ ಆವೃತ್ತಿಯಲ್ಲಿ ಅಕ್ಷಯ್‌ ಕುಮಾರ್‌ ಮತ್ತು ಕರೀನಾ ಕಪೂರ್‌ ವಹಿಸಿದ್ದ ಪಾತ್ರವನ್ನು ಕನ್ನಡದಲ್ಲಿ ಉಪೇಂದ್ರ ಮತ್ತು ಅವರ ಶ್ರೀಮತಿ ಪ್ರಿಯಾಂಕ ನಿರ್ವಹಿಸಿದ್ದರೆ, ಹಿಂದಿ ಆವೃತ್ತಿಯಲ್ಲಿ ಪ್ರಿಯಾಂಕಾ ಚೋಪ್ರಾ ವಹಿಸಿದ್ದ ಪಾತ್ರವನ್ನು ಕನ್ನಡದಲ್ಲಿ ಸೆಲಿನಾ ಜೆಟ್ಲಿ ನಿರ್ವಹಿಸಿದ್ದಾರೆ.
ಚಿತ್ರದಲ್ಲಿನ ಗಂಡ-ಹೆಂಡತಿಯ ಪಾತ್ರವನ್ನು ನಿಜ ಜೀವನದಲ್ಲೂ ದಂಪತಿಗಳಾದ ಉಪೇಂದ್ರ ಮತ್ತು ಪ್ರಿಯಾಂಕಾ ವಹಿಸಿರುವುದು ಕುತೂಹಲವನ್ನು ಕೆರಳಿಸಿದ್ದರೆ, ಉಪೇಂದ್ರ ಇದರಲ್ಲಿ ಮೀಸೆ-ರಹಿತರಾಗಿರುವುದು ಅಭಿಮಾನಿಗಳ ಅಚ್ಚರಿಗೆ ಕಾರಣವಾಗಿದೆ.
ಇನ್ನೊಂದು ತಮಾಷೆಯೆಂದರೆ ಹಿಂದಿ ಆವೃತ್ತಿಯಲ್ಲಿ ಪ್ರಿಯಾಂಕಾ ಚೋಪ್ರಾ ವಹಿಸಿದ್ದ ಪಾತ್ರವನ್ನು ನಿರ್ವಹಿಸುವಂತೆ ಮೊದಲಿಗೆ ಇದೇ ಸೆಲಿನಾ ಜೆಟ್ಲಿಯನ್ನು ಕೇಳಿಕೊಳ್ಳಲಾಗಿತ್ತಂತೆ. ಅವರು ನಿರಾಕರಿಸಿದಾಗ ಅದು ಚೋಪ್ರಾ ಪಾಲಾಯಿತು.
ಆದರೆ ಅದು ಅಭೂತಪೂರ್ವ ಯಶಸ್ಸನ್ನು ಕಂಡಿದ್ದರಿಂದ ಕನ್ನಡದಲ್ಲಿ ಈ ಪಾತ್ರಕ್ಕಾಗಿ ಕರೆಬಂದಾಗ ಹಿಂದೆ-ಮುಂದೆ ನೋಡದೆ ಸೆಲಿನಾ ಒಪ್ಪಿಕೊಂಡಿರುವುದು ಪಾತ್ರ ಹಾಗೂ ಚಿತ್ರಕತೆಯ ಗಟ್ಟಿತನಕ್ಕೆ ಸಾಕ್ಷಿಯಾಗಿದೆ ಎಂದು ಗಾಂಧಿನಗರಿಗರು ಅಭಿಪ್ರಾಯಪಡುತ್ತಿದ್ದಾರೆ. ಇದು ಚಿತ್ರಕ್ಕೆ ಗೆಲುವು ತಂದುಕೊಡುವ ಅಂಶವಾಗಲಿದೆ ಎಂಬುದು ಚಿತ್ರಪಂಡಿತರ ಅಭಿಪ್ರಾಯ.
ಈ ಚಿತ್ರದ ಕಥೆಯು ವಿಭಿನ್ನವಾಗಿರುವುದರಿಂದ, ತಮ್ಮ ಪತ್ನಿ ಪ್ರಿಯಾಂಕ ಹಾಗೂ ಕೆಲವು ಮಹಿಳಾ ಅಭಿಮಾನಿಗಳು ಪಾತ್ರಕ್ಕೆಂದು ಮೀಸೆಯನ್ನು ತೆಗೆಯಲು ಒತ್ತಾಯಿಸಿದ್ದೇ ಉಪೇಂದ್ರರ ಹೊಸ ಗೆಟಪ್‌ಗೆ ಕಾರಣವಂತೆ. ಪತ್ನಿಗೆ ಸಂಪೂರ್ಣ ನಿಷ್ಠನಾಗಿರುವ ವ್ಯಕ್ತಿಯೋರ್ವನಿಗೆ ಮಹಿಳೆಯೊಬ್ಬಳು ತನ್ನ ವೈಯಕ್ತಿಕ ಕಾರಣದಿಂದ ಬ್ಲ್ಯಾಕ್‌ಮೇಲ್‌ ಮಾಡಲು ಪ್ರಾರಂಭಿಸಿದಾಗ ಮತ್ತು ಇಡೀ ಪರಿಸ್ಥಿತಿಯೇ ಪತಿಗೆ ಎದುರಾಗಿ ನಿಂತಾಗ ಹೆಂಡತಿಯು ತನ್ನ ಗಂಡನ ನೆರವಿಗೆ ಬಂದು ನಿಜ ಸಂಗತಿಯನ್ನು ಎಲ್ಲರಿಗೂ ಮನದಟ್ಟುಮಾಡಿಕೊಡುವುದು ಚಿತ್ರದ ಕಥೆ. ಆದರೆ ಅದು ಹೇಗಾಯಿತು ಎಂಬುದನ್ನು ನೋಡಲು ನೀವು ನಾಡಿದ್ದಿನವರೆಗೂ ಕಾಯಬೇಕು.
ಪ್ರಾಯಶಃ 'ಪ್ರೀತ್ಸೆ' ಚಿತ್ರದ ನಂತರ ಈ ಬಗೆಯ ಚಿತ್ರವೊಂದು ಕನ್ನಡದಲ್ಲಿ ಬಿಡುಗಡೆಯಾಗುತ್ತಿದೆ. ವಿದೇಶಗಳಲ್ಲಿ ಚಿತ್ರೀಕರಿಸಿರುವ ಹಾಡುಗಳು ಈಗಾಗಲೇ ಜನಪ್ರಿಯವಾಗಿವೆ. ಜಾನಿಲಾಲ್‌ ಛಾಯಾಗ್ರಹಣ, ಚಿನ್ನಿಪ್ರಕಾಶ್ ನೃತ್ಯ ನಿರ್ದೇಶನವಿರುವ ಈ ಚಿತ್ರವನ್ನು ಶಂಕರ್‌ ಗೌಡ ನಿರ್ಮಿಸಿದ್ದಾರೆ ಹಾಗೂ ವಿ.ರವಿ ನಿರ್ದೇಶಿಸಿದ್ದಾರೆ.
ವೆಬ್‌ದುನಿಯಾ ಓದುಗರೇ! ಕಾಮೆಂಟ್ ಮಾಡೋ ಮುನ್ನ ಇಲ್ಲೊಮ್ಮೆ ಓದಿ ನೋಡಿ!
ಇವನ್ನೂ ಓದಿ
ಇದನ್ನು ಸಹ ಶೋಧಿಸು: ಶ್ರೀಮತಿ, ಉಪೇಂದ್ರ, ಪ್ರಿಯಾಂಕಾ, ಐತ್ರಾಜ್, ಸೆಲಿನಾ ಜೆಟ್ಲಿ, ಪ್ರೀತ್ಸೆ, ವಿರವಿ, ಕನ್ನಡ ಸಿನಿಮಾ
