Maryada Ramanna | Komal Kumar | Mr. Garagasa | Kannada Movies | 'ಮರ್ಯಾದೆ ರಾಮಣ್ಣ' ನಾಗಲಿರುವ ಕೋಮಲ್‌ ಕುಮಾರ್

ಸುದ್ದಿ/ಗಾಸಿಪ್ | ಸಿನಿಮಾ ಮುನ್ನೋಟ | ಸಿನಿಮಾ ವಿಮರ್ಶೆ | ತಾರಾ ಪರಿಚಯ

ಮನರಂಜನೆ » ಸ್ಯಾಂಡಲ್ ವುಡ್ » ಸುದ್ದಿ/ಗಾಸಿಪ್ » 'ಮರ್ಯಾದೆ ರಾಮಣ್ಣ' ನಾಗಲಿರುವ ಕೋಮಲ್‌ ಕುಮಾರ್ (Maryada Ramanna | Komal Kumar | Mr. Garagasa | Kannada Movies)

'ಮರ್ಯಾದೆ ರಾಮಣ್ಣ' ನಾಗಲಿರುವ ಕೋಮಲ್‌ ಕುಮಾರ್

ತೆರೆಯ ಮೇಲೆ ಕಾಣಿಸಿಕೊಳ್ಳುವ ರೀತಿಯಲ್ಲಿಯೇ ಎದುರಿಗೆ ಸಿಕ್ಕಾಗ ಕೋಮಲ್‌ ತಮಾಷೆಯಾಗಿ ವರ್ತಿಸುತ್ತಾರೆ ಎಂದು ನೀವು ಭಾವಿಸಿದರೆ ಅದು ನಿಮ್ಮ ತಪ್ಪಾಗುತ್ತದೆ. ಏಕೆ ಗೊತ್ತಾ? ಮೇಕಪ್‌ ಬಿದ್ದೊಡನೆ ಹಾಸ್ಯರಸವನ್ನು ಆವಾಹಿಸಿಕೊಳ್ಳುವ ಈ ಕೋಮಲ್‌ ವಾಸ್ತವವಾಗಿ ತುಂಬ ಸಂಕೋಚದ ಮನುಷ್ಯ, ಅಪ್ಪಟ ದೈವಭಕ್ತ. ಪ್ರಚಾರದ ಹುಕಿಗೆ ಬಿದ್ದು ಏನೇನೋ ಮಾತಾಡಿ ವಿವಾದಕ್ಕೆ ಒಳಗಾಗುವುದಿಲ್ಲ. ತಾವಾಯಿತು ತಮ್ಮ ಕೆಲಸವಾಯಿತು ಎಂಬ ಸ್ವಭಾವದವರು ಈ ಕೋಮಲ್‌.

ಕ್ಷಣ ಕ್ಷಣದ ತಾಜಾ ಸುದ್ದಿ, ವಿಶೇಷ ವರದಿ-ಲೇಖನಗಳಿಗಾಗಿ ನಿಮ್ಮ ವೆಬ್‌ದುನಿಯಾಕ್ಕೆ ಭೇಟಿ ಕೊಡಿ

ಇಂಥ ಕೋಮಲ್‌ ಹಾಸ್ಯಪ್ರಧಾನ ಪಾತ್ರಗಳಿಗೆ ಎಷ್ಟೊಂದು ಅನಿವಾರ್ಯವಾಗಿದ್ದಾರೆ ಮತ್ತು ಅದನ್ನು ಅವರೆಷ್ಟು ಸಮರ್ಥವಾಗಿ ನಿಭಾಯಿಸಬಲ್ಲವರಾಗಿದ್ದಾರೆ ಎಂಬುದಕ್ಕೆ ಅವರಿಗೆ ಸಿಗುತ್ತಿರುವ ಅಂಥ ಪಾತ್ರಗಳು ಸಾಕ್ಷಿಯಾಗಿ ನಿಂತಿವೆ. 'ಮಿಸ್ಟರ್ ಗರಗಸ', 'ಚಮ್ಕಾಯ್ಸಿ ಚಿಂದಿ ಉಡಾಯ್ಸಿ', 'ಕಳ್‌ ಮಂಜ', 'ವಾರೆವ್ಹಾ' ಮೊದಲಾದ ಚಿತ್ರಗಳಲ್ಲಿ ತಮ್ಮ ಸಾಮರ್ಥ್ಯವನ್ನು ಈಗಾಗಲೇ ಸಾಬೀತುಪಡಿಸಿರುವ ಕೋಮಲ್‌ಗೆ ಪಾತ್ರಗಳು ಈಗ ಹುಡುಕಿಕೊಂಡು ಬರುತ್ತಿರುವುದು ಸಂತಸದ ಸಂಗತಿ. ಈಗ ಕೋಮಲ್‌ 'ಮರ್ಯಾದೆ ರಾಮಣ್ಣ'ನಾಗಿ ಮಿಂಚಲಿದ್ದಾರೆ.

ಈ ಚಿತ್ರವನ್ನು ತಮ್ಮಯ್ಯ ಕುಮರೇಶ್‌ ಬಾಬು ನಿರ್ಮಿಸುತ್ತಿದ್ದು ಪತ್ತಿ ವಿ.ಎಸ್‌.ಗುರುಪ್ರಸಾದ್‌ ನಿರ್ದೇಶಿಸುತ್ತಿದ್ದಾರೆ. ಸಂಭಾಷಣೆಯನ್ನೂ ಅವರೇ ಬರೆದಿದ್ದಾರಂತೆ. ಸುಧಾರಾಣಿ-ಶಶಿಕುಮಾರ್‌ ಅಭಿನಯದ 'ಸ್ವಾತಿ' ಚಿತ್ರದಿಂದ ಕನ್ನಡದಲ್ಲಿ ಮನೆಮಾತಾಗಿದ್ದ ಎಂ.ಎಂ.ಕೀರವಾಣಿ ಈ ಚಿತ್ರಕ್ಕೆ ಸಂಗೀತ ನೀಡುತ್ತಿದ್ದಾರೆ.

ಆರ್‌.ಗಿರಿ ಛಾಯಾಗ್ರಹಣ, ಬಸವರಾಜ ಅರಸ್‌ ಸಂಕಲನವಿರುವ ಈ ಚಿತ್ರದ ಸಾಹಸ ನಿರ್ದೇಶನವನ್ನು ಥ್ರಿಲ್ಲರ್ ಮಂಜು ಹೊತ್ತುಕೊಂಡಿದ್ದಾರೆ. ಇತ್ತೀಚೆಗಷ್ಟೇ ತಮ್ಮ ಹುಟ್ಟುಹಬ್ಬವನ್ನು ಆಚರಿಸಿಕೊಂಡಿರುವ ಕೋಮಲ್‌ಗೆ 'ಮರ್ಯಾದೆ ರಾಮಣ್ಣ' ಸೇರಿದಂತೆ ಮುಂಬರುವ ಚಿತ್ರಗಳು ಕೂಡಾ ಶುಭವನ್ನು ತರಲಿ ಎಂದು ಹಾರೈಸೋಣವೇ?

ವೆಬ್‌ದುನಿಯಾ ಓದುಗರೇ! ಕಾಮೆಂಟ್ ಮಾಡೋ ಮುನ್ನ ಇಲ್ಲೊಮ್ಮೆ ಓದಿ ನೋಡಿ!

ಇವನ್ನೂ ಓದಿ

'ಕಳ್‌ಮಂಜ'ದಲ್ಲಿ ಕಿತ್ತಾಡಿಕೊಂಡರಂತೆ ಕೋಮಲ್-ಗುರುಪ್ರಸಾದ್

ದುನಿಯಾ ವಿಜಯ್‌ಗೆ ಜಗ್ಗೇಶ್, ರವಿಚಂದ್ರನ್‌ರಂತೆ ನಟಿಸುವಾಸೆ

ಆಗಸ್ಟ್‌ನಲ್ಲಿ ಚುನಾವಣೆ; ಜಗ್ಗೇಶ್‌ಗೆ ದುರಾದೃಷ್ಟ

ಮತ್ತೊಮ್ಮೆ ಅಖಾಡಕ್ಕಿಳಿದ ಅಶೋಕ್ ಕಶ್ಯಪ್

'ಮುತ್ತಿನ ಮಳೆ'ಯಲ್ಲಿ ಒದ್ದೆಯಾಗಲಿದ್ದಾರೆಯೇ ಕೊಡಗಿನ ಬೆಡಗಿ ರಾಗನಾ?

ಇದನ್ನು ಸಹ ಶೋಧಿಸು: ಮರ್ಯಾದೆ ರಾಮಣ್ಣ, ಕೋಮಲ್ ಕುಮಾರ್, ಜಗ್ಗೇಶ್, ಮಿಸ್ಟರ್ ಗರಗಸ, ಕನ್ನಡ ಸಿನಿಮಾ