ಮುಖ್ಯ ಪುಟ 
ಮನರಂಜನೆ » ಸ್ಯಾಂಡಲ್ ವುಡ್ » ಸುದ್ದಿ/ಗಾಸಿಪ್ » ನಿರೀಕ್ಷೆಯನ್ನು ಹೆಚ್ಚಿಸಿರುವ ಕಲಾವಿದ-ನಿರ್ದೇಶಕ ಜೋಡಿ (Shailu | Ko Ko | R. Chandru | Shrinagara Kitty)
ಮನರಂಜನೆ » ಸ್ಯಾಂಡಲ್ ವುಡ್ » ಸುದ್ದಿ/ಗಾಸಿಪ್ » ನಿರೀಕ್ಷೆಯನ್ನು ಹೆಚ್ಚಿಸಿರುವ ಕಲಾವಿದ-ನಿರ್ದೇಶಕ ಜೋಡಿ (Shailu | Ko Ko | R. Chandru | Shrinagara Kitty) 
 |
EVENT |
ಕ್ಷಣ ಕ್ಷಣದ ತಾಜಾ ಸುದ್ದಿ, ವಿಶೇಷ ವರದಿ-ಲೇಖನಗಳಿಗಾಗಿ ನಿಮ್ಮ ವೆಬ್‌ದುನಿಯಾಕ್ಕೆ ಭೇಟಿ ಕೊಡಿ
ಆದರೆ ತಮ್ಮದೇ ಆದ ನೆಲೆಗಟ್ಟಿನಲ್ಲಿ ಪ್ರತ್ಯೇಕವಾಗಿ ಯಶಸ್ಸನ್ನು ದಾಖಲಿಸಿದ ಇಬ್ಬರು ಒಟ್ಟಿಗೆ ಸೇರಿದಾಗ ಇಂಥ ನಿರೀಕ್ಷೆಯ ಪ್ರಮಾಣವು ಇಮ್ಮಡಿಯಾಗುತ್ತದೆ. ನಾಯಕನಟ ಶ್ರೀನಗರ ಕಿಟ್ಟಿ ಮತ್ತು ನಿರ್ದೇಶಕ ಆರ್‌.ಚಂದ್ರು ಒಟ್ಟಿಗೆ ಸೇರಿರುವ ಹಿನ್ನೆಲೆಯಲ್ಲಿ ಈ ಮಾತನ್ನು ಬರೆಯಬೇಕಾಗಿ ಬಂತು.
'ಹುಡುಗರು' ಮತ್ತು 'ಸಂಜು ವೆಡ್ಸ್ ಗೀತಾ' ಚಿತ್ರಗಳು ಯಶಸ್ಸು ಕಂಡಿರುವುದರಿಂದ ಶ್ರೀನಗರ ಕಿಟ್ಟಿಯ ಕುರಿತಾಗಿ ಚಿತ್ರರಂಗದಲ್ಲಿ ಯಾವ ರೀತಿಯ ಹವಾ ಸೃಷ್ಟಿಯಾಗಿದೆ ಎಂಬುದು ಎಲ್ಲರಿಗೂ ಗೊತ್ತಿರುವ ವಿಷಯ. ಈ ಕಡೆಯಲ್ಲಿ 'ಮೈಲಾರಿ' ಚಿತ್ರದ ಯಶಸ್ಸಿನಿಂದ ಬೀಗುತ್ತಿರುವ ನಿರ್ದೇಶಕ ಆರ್‌.ಚಂದ್ರು ದಿನಕ್ಕೊಂದು ವೈವಿಧ್ಯಮಯ ಸುದ್ದಿಗಳಿಂದ 'ಕಲರ್‌ಫುಲ್‌' ನಿರ್ದೇಶಕ ಎಂಬ ಮೆಚ್ಚುಗೆಗೆ ಪಾತ್ರರಾಗಿರುವುದು ನಿಮಗೆ ಗೊತ್ತಿರುವುದೇ. ಈ ಇಬ್ಬರೂ 'ಕೋ ಕೋ' ಚಿತ್ರದಲ್ಲಿ ಒಟ್ಟಾಗಿ ಸೇರಿರುವುದರಿಂದ ಮತ್ತಿನ್ಯಾವ ಜಾದೂ ಸೃಷ್ಟಿಯಾಗುವುದೋ ಎಂದು ಕಾದುನೋಡುವಂತಾಗಿದೆ.
ಅದಕ್ಕೆ ಕಾರಣವೂ ಇಲ್ಲದಿಲ್ಲ. ಈ ಚಿತ್ರದ ತಾರಾಗಣದಲ್ಲಿ ಯಶಸ್ವೀ ನಟ ಶ್ರೀನಗರ ಕಿಟ್ಟಿಯ ಜೊತೆಜೊತೆಗೆ ಬೇರೆ ಬೇರೆ ಭಾಷೆಗಳ ಹಲವು ಪ್ರತಿಭಾವಂತರನ್ನು ಕಲೆಹಾಕುವಲ್ಲಿ ಚಂದ್ರು ಯಶಸ್ವಿಯಾಗಿದ್ದಾರೆ. ತೆಲುಗಿನ 'ನು ವಸ್ತಾನಂಟೆ ನೇನು ಒದ್ದಂಟಾನ' ಮತ್ತು 'ಮಗಧೀರ' ಚಿತ್ರಗಳಲ್ಲಿ ಜನಪ್ರಿಯತೆಯನ್ನು ಗಳಿಸಿದ ನಟ ಶ್ರೀಹರಿ ಮತ್ತು ತಮಿಳು-ತೆಲುಗು-ಹಿಂದಿ-ಕನ್ನಡ ಚಿತ್ರಗಳಲ್ಲಿ ಜನಪ್ರಿಯತೆಯನ್ನು ಸಂಪಾದಿಸಿರುವ ರವಿಕಾಳೆ ಸೇರ್ಪಡೆಯಾಗಿರುವುದು ಸದ್ಯದ ವಿಶೇಷ.
ಈಗಾಗಲೇ ಈ ಚಿತ್ರದ ಕಥೆ ಅದ್ಭುತವಾಗಿದೆ ಎಂಬ ಮಾತುಗಳು ಕೇಳಿಬರುತ್ತಿದ್ದು, ಎಲ್ಲವೂ ಅಂದುಕೊಂಡಂತೆಯೇ ಆದಲ್ಲಿ ಚಂದ್ರು ಮತ್ತು ಶ್ರೀನಗರ ಕಿಟ್ಟಿ ಜೋಡಿಯು ಕನ್ನಡದ ಗಡಿದಾಟಿ ಜನಪ್ರಿಯತೆಯನ್ನು ದಾಖಲಿಸುವ ಸಾಧ್ಯತೆಯಿದೆ. ಏಕೆಂದರೆ ಒಂದಕ್ಕಿಂತ ಹೆಚ್ಚು ಭಾಷೆಗಳಲ್ಲಿ ಜನಪ್ರಿಯರಾದವರನ್ನು ತಾರಾಗಣದಲ್ಲಿ ಸೇರಿಸಿಕೊಂಡಾಗ ಚಿತ್ರವನ್ನು ಡಬ್‌ ಮಾಡುವುದು ಸುಲಭ. ಇದೂ ಸಹ ನಿರ್ದೇಶಕ ಚಂದ್ರುರವರ ಯೋಜನೆಯಾಗಿರಬಹುದು. ಹಾಗೇನಾದರೂ ಆದಲ್ಲಿ ಅದು ಹೆಮ್ಮೆಯ ವಿಷಯವಲ್ಲವೇ?
ವೆಬ್‌ದುನಿಯಾ ಓದುಗರೇ! ಕಾಮೆಂಟ್ ಮಾಡೋ ಮುನ್ನ ಇಲ್ಲೊಮ್ಮೆ ಓದಿ ನೋಡಿ!
ಇವನ್ನೂ ಓದಿ
ಇದನ್ನು ಸಹ ಶೋಧಿಸು: ಶೈಲೂ, ಸಂಜು ವೆಡ್ಸ್ ಗೀತಾ, ಹುಡುಗರು, ಕೋ ಕೋ, ಆರ್ಚಂದ್ರು, ಶ್ರೀನಗರ ಕಿಟ್ಟಿ, ಕನ್ನಡ ಸಿನಿಮಾ
